អ្នកជំនាញអះអាងថា កូវីដ១៩ពិតជាប៉ះពាល់ដល់ទំហំ និងមុខងារប្រដាប់បន្តពូជបុរស
បរទេស ៖ វេជ្ជបណ្ឌិតម្នាក់បានអះអាង ក៏ដូចជាពន្យល់អំពីរបៀបដែលវីរុសកូរ៉ូណា (កូវីដ១៩) អាច
បរទេស ៖ វេជ្ជបណ្ឌិតម្នាក់បានអះអាង ក៏ដូចជាពន្យល់អំពីរបៀបដែលវីរុសកូរ៉ូណា (កូវីដ១៩) អាច
បរទេស ៖ វេជ្ជបណ្ឌិតម្នាក់បានអះអាង ក៏ដូចជាពន្យល់អំពីរបៀបដែលវីរុសកូរ៉ូណា (កូវីដ១៩) អាចបង្រួមទំហំលិង្គ និងបណ្តាលឱ្យងា.ប់លិង្គ។ នេះបើយោងតាមប្រភពពីគេហទំព័រ Ladbible ចេញផ្សាយនៅថ្ងៃទី១៥ ខែកក្កដា ឆ្នាំ២០២២។
អ្នកស្រីវេជ្ជបណ្ឌិត Rena Malik អ្នកឯកទេសខាងរោគទឹកនោម និងឆ្អឹងអាងត្រគាកនៃសកលវិទ្យាល័យ UChicago Medicine ដែលតែងតែចែករំលែកចំណេះដឹងពាក់ព័ន្ធនឹងសុខភាពលើទំព័រយូធូបផ្លូវការរបស់នាង ដែលមានអ្នកតាមដាន (Subscribers) ប្រមាណ១,២លាននាក់ បានប្រាប់គេហទំព័រ news.com.au ថា បុរសជាច្រើនកំពុងជួបប្រទះបញ្ហាងាប់លិង្គ បន្ទាប់ពីជាសះស្បើយពីជំងឺកូវីដ១៩។ លោកស្រីលើកឡើងថា យើងទាំងអស់គ្នាដឹងពីផលប៉ះពាល់ដោយសារកូវីដ១៩ ដូចជាអស់កម្លាំង និងបញ្ហាផ្លូវដង្ហើម (ដង្ហើមខ្លី)។ ប៉ុន្តែយើងកម្របានឮអំពីឥទ្ធិពលរបស់វាលើប្រដាប់បន្តពូជបរុសណាស់។
អ្នកស្រីបាននិយាយថា «នៅពេលដែលអ្នកឆ្លងកូវីដ១៩ វាអាចប៉ះពាល់ដល់ស្រទាប់សរសៃឈាម ហើយវាអាចបង្កើតការលំបាកក្នុងលំហូរឈាមពីផ្នែកមួយនៃរាងកាយទៅផ្នែកមួយទៀត។ ពិតណាស់វាក៏អាចប៉ះពាល់លំហូរឈាមទៅកាន់លិង្គផងដែរ។ ហើយអ្នកឆ្លងជំងឺនេះ មានហានិភ័យខ្ពស់រហូតដល់៥ដងនៃការងា.ប់លិង្គ។
អ្នកស្រីបន្ថែមថា «ការបាត់បង់លំហូរឈាមអាចនាំឱ្យមានការរួមតូច។ ហើយនៅពេលអ្នកបាត់បង់លំហូរឈាមទៅតំបន់នោះយូរៗទៅ វាអាចបណ្តាលឱ្យជាលិការួញដោយខ្លួនឯង។ មានន័យថា អ្នកអាចកត់សម្គាល់ពីការថយចុះនៃប្រវែងរបស់លិង្គ»។
ជាក់ស្តែង លោក Matt មកពីទីក្រុង Melbourne ប្រទេសអូស្ត្រាលីបានប្រាប់សារព័ត៌មាន ABC News ថា បន្ទាប់ពីជាសះស្បើយពីជំងឺកូវីដ១៩ គាត់ហាក់ពិបាករក្សាការឡើងរឹងនៃលិង្គ ក៏ដូចជាថមថយសន្ទុះ និងពេលវេលានៃការរួមភេទ។ ដោយធ្វើឱ្យគាត់មានអារម្មណ៍ថា មិនសូវជាមានទំនុកចិត្តលើខ្លួនឯង ជាពិសេសពាក់ព័ន្ធនឹងកម្លាំងតែម្តង។
ដោយឡែក យោងតាមការសិក្សាមួយ ដែលត្រូវបានចេញផ្សាយក្នុងទស្សនាវដ្តីសុខភាពបុរស (World Journal of Men’s Health) អ្នកស្រាវជ្រាវបានពិនិត្យឃើញថា អ្នកជំងឺបានទទួលរងការខូចខាតសរសៃលំហូរឈាមទៅកាន់លិង្គ បន្ទាប់ពីបានឆ្លងកូវីដ១៩ ដែលបណ្តាលនាំឱ្យងាប់លិង្គ។
អ្នកស្រាវជ្រាវក៏បានប្រៀបធៀបអ្នកជំងឺទាំងនោះ ជាមួយបុរស២នាក់ ដែលមិនធ្លាប់ឆ្លងកូវីដ១៩។ ហើយជាលទ្ធផលឃើញថា អ្នកជំងឺដែលជាសះស្បើយពីកូវីដ១៩ ហើយមិនបង្ហាញពីបញ្ហាសុខភាពរ៉ាំរ៉ៃណាមួយនោះ។ នៅតែមានភាគល្អិតនៃមេរោគ ដែលត្រូវបានរកឃើញនៅក្នុងជាលិកាលិង្គ៕
ចែករំលែកព័តមាននេះ