សហរដ្ឋអាមេរិក ៖ ប្រទេសជប៉ុនបានវ៉ាដាច់ប្រទេសចិន ក្នុងការក្លាយជាម្ចាស់ភាគហ៊ុនធំបំផុតរបស់រតនាគារអាមេរិកនៅក្នុងខែតុលាខណៈភាគហ៊ុនរបស់ចិនបានធ្លាក់ចុះដល់កម្រិតទាបបំផុត គិតចាប់ពីខែមិថុនា ឆ្នាំ២០១០មក ។ នេះបើតាមទិន្នន័យពីក្រសួងរតនាគារអាមេរិក ។
ប្រទេសចិនបានកាត់បន្ថយភាគហ៊ុនរបស់ខ្លួនរយៈពេល៥ជាប់ៗគ្នា ៤១,៣ប៊ីលានដុល្លារអាមេរិកនៅក្នុងខែតុលា ហើយភាគហ៊ុនសរុបធ្លាក់ចុះ១,១២ទ្រីលានដុល្លារ ។ រីឯជប៉ុនបានបាត់បង់ភាគហ៊ុនស្មើនឹង៤,៥ប៊ីលានដុល្លារ ទៅ១,១៣ទ្រីលានដុល្លារ ។
អ្នកសេដ្ឋកិច្ចនិយាយថា ៖ « ភាពខ្លាំងរបស់ប្រាក់ដុល្លារអាមេរិកបានប៉ះពាល់យ៉ាងខ្លាំងដល់លំហូរមូលធនរបស់ចិន និងបង្កឱ្យមានការធ្លាក់ចុះជាថ្មីនៃប្រាក់យន់ » ។
រដ្ឋបាលនៃអត្រាប្តូរប្រាក់បរទេសបាននិយាយនាពេលថ្មីៗនេះថា លំហូរមូលធនឆ្លងកាត់ព្រំដែនរបស់ប្រទេសនេះនៅតែមានស្ថិរភាព និងគ្មានការកើនឡើងនៃការប្តូរប្រាក់បរទេសឡើយ ។
រដ្ឋបាលនៃអត្រាប្តូរប្រាក់បរទេសកត់សម្គាល់ថា មានមូលដ្ឋានរឹងមាំចំពោះលំហូរមូលធនឆ្លងកាត់ព្រំដែន ខណៈបំណុលខាងក្រៅរបស់ចិនមានចំនួនទាប ទីផ្សារមូលបត្រអន្តរធនាគារបើកចំហ និងសន្ទស្សន៍អត្រាប្តូរប្រាក់យន់មានស្ថិរភាព ។
នៅចុងខែតុលា ជាទូទៅ ការកាន់កាប់ភាគហ៊ុនបរទេសរបស់រតនាគារអាមេរិក បានធ្លាក់ចុះដល់៦,០៤ទ្រីលានដុល្លារ ពីចំនួន៦,១៥ទ្រីលានដុល្លារកាលពីខែកញ្ញា ៕
ចែករំលែកព័តមាននេះ