អាមេរិក និងអ៊ីស្រាអ៊ែលចុះកិច្ចព្រមព្រៀងរារាំងអ៊ីរ៉ង់មិនឱ្យទទួលបានអាវុ.ធនុយក្លេអ៊ែរ
អាមេរិក ៖ ប្រធានាធិបតីអាមេរិក លោក Joe Biden និងនាយករដ្ឋមន្ត្រីអ៊ីស្រាអែល លោក Yair
អាមេរិក ៖ ប្រធានាធិបតីអាមេរិក លោក Joe Biden និងនាយករដ្ឋមន្ត្រីអ៊ីស្រាអែល លោក Yair Lapid នៅថ្ងៃព្រហស្បតិ៍ ទី ១៤កក្កដា នេះ នឹងចុះហត្ថលេខាលើកិច្ចព្រមព្រៀងរួម ដោយប្តេជ្ញាចិត្តរារាំងអ៊ីរ៉ងមិនឲ្យទទួលបានអាវុ.ធនុយក្លេអ៊េរ។
វាគឺជាដំណើរទស្សនៈកិច្ចលើកដំបូងរបស់លោកមកកាន់តំប់មជ្ឃឹមបូព៌ា ចាប់តាំងពីឡើងកាន់តំណែងនៅដើមឆ្នាំ ២០២១។ លោកបានធ្វើដំណើរមកដល់រដ្ឋធានី Tel Aviv នៅថ្ងៃពុធ ទី ១៣កក្កដា និងបានជួបពិភាក្សាជាមួយមេដឹកនាំអ៊ីស្រាអែលនៅទីក្រុង Jerusalem នៅថ្ងៃព្រហស្បតិ៍។
មន្ត្រីជាន់ខ្ពស់រដ្ឋបាលលោក Joe Biden បាននិយាយថា កិច្ចព្រមព្រៀងនោះនឹងពង្រីកទំនាក់ទំនងសន្តិសុខយូរអង្វែងរវាងអាមេរិក និងអ៊ីស្រាអែល។
មន្ត្រីអាមេរិកបញ្ជាក់ប្រាប់អ្នកសារព័ត៌មានដូច្នេះថា «សេចក្តីប្រកាសនោះមានសារសំខាន់ខ្លាំងណាស់ ហើយវាមានការប្តេជ្ញាចិត្តដើម្បីកុំឲ្យអ៊ីរ៉ងទទួលបានអាវុ.ធនុយក្លេអ៊ែរ និងដើម្បីដោះស្រាយសកម្មភាពធ្វើឲ្យអស្ថេរភាពពីសំណាក់អ៊ីរ៉ង ជាពិសេសការគំរា.មកំហែងចំពោះអ៊ីស្រាអែល»។
នៅថ្ងៃសុក្រស្អែកនេះ លោកនឹងជួបមេដឹកនាំប៉ាឡេស្ទីននៅតំបន់ West Bank និងជួបពិភាក្សាគ្នាជាមួយមេដឹកនាំប្រទេសអារ៉ាប៊ីសាអូឌីត និងមេដឹកនាំប្រទេសផ្សេងទៀតនៅសៅរ៍។
សូមបញ្ជាក់ថា លោក Joe Biden ប្រឈមនឹងបញ្ហាដ៏ធំមួយដោយត្រូវបញ្ចុះបញ្ចូលអ៊ីរ៉ង់ដើម្បីឲ្យចូលរួមកិច្ចព្រមព្រៀងនុយក្លេអ៊ែរឡើងវិញ ក្រោយពេលអតីតប្រធានាធិបតី Donald Trump បានបោះបង់ចោលកិច្ចព្រមព្រៀងនោះក្នុងឆ្នាំ ២០១៨។
លោកថ្លែងថា ការដកខ្លួនចេញពីកិច្ចព្រមព្រៀងនោះគឺជាកំហុសដ៏ធំ។
លោកថ្លែងក្នុងកិច្ចសម្ភាសន៍ដោយទូរទស្សន៍អ៊ីស្រាអ៊ែល Channel 12 ដូច្នេះថា អ៊ីរ៉ងកំពុងឈានទៅជិតការសម្រេចបានអាវុ.ធនុយក្លេអ៊ែរជាងពេលមុន។
នៅពេលសួរថាតើអាមេរិកនឹងប្រើប្រាស់កម្លាំងទ័ពដើម្បីរារាំងអ៊ីរ៉ងពីការទទួលបានអាវុ.ធនុយក្លេអ៊ែរឬយ៉ាងណា លោកឆ្លើយថា ពិតប្រាកដណាស់ ប្រសិនវាជាមធ្យោបាយចុងក្រោយ។
អ៊ីរ៉ងបដិសេធថាកម្មវិធីនុយក្លេអ៊ែររបស់ខ្លួនមានគោលបំណងផលិតអាវុ.ធនុយក្លេអ៊ែរ៕ (យោងតាមប្រភព៖ CNA)
ចែករំលែកព័តមាននេះ