ខេត្តមណ្ឌលគិរី ៖ បើតាមសេចក្តីរាយការបឋមនាល្ងាចថ្ងៃទី១១ ខែកក្កដា ឆ្នាំ២០២២នេះ បានឲ្យដឹងថា សមត្ថកិច្ចបានទទួលព័ត៌មានពីប្រជាពលរដ្ឋនៅវេលាម៉ោង១១និង០០នាទីព្រឹក ថ្ងៃទី៩ ខែកក្កដាថា មានមនុស្សស្លា.ប់នៅក្នុងចំការដំឡូង ស្ថិតនៅក្នុងភូមិស្រែអណ្ដោល ឃុំស្រែឈូក ស្រុកកែវសីមា ខេត្តមណ្ឌលគិរី។
សេចក្តីរាយការណ៍បន្តថា ក្រោយពីទទួលដំណឹងភ្លាម កម្លាំងប៉ុស្តិ៍នគរបាលរដ្ឋបាលស្រែឈូក បានចុះមកដល់កន្លែងកើតហេតុ នៅវេលាម៉ោង១រសៀល ក៏បានឃើញមានសាកស.ពដែលបានស្លា.ប់ប្រហែល១០ថ្ងៃរួចមកហើយ បន្ទាប់មកកម្លាំងប៉ុស្តិ៍ក៏បានធ្វើការពិនិត្យមើលសាកស.ពមិនស្គាល់អត្តសញ្ញាណនោះទេ គ្រាន់ដឹងថា ជាមនុស្សស្រីអាយុប្រហែល២២ឆ្នាំ ពាក់អាវ កាឡាកូរ៉ូ ពណ៌លឿង ខោខាប៊យពណ៌ប្រផេះតែប៉ុណ្ណោះ ។ ក្រោយមក កម្លាំងប៉ុស្តិ៍ក៏បានធ្វើការហ៊ុមព័ទ្ធកន្លែងកើតហេតុនេះ ដើម្បីរង់ចាំខាងជំនាញមកពិនិត្យបន្តទៀត។
ក្នុងករណីខាងលើនេះដែរ សមត្ថកិច្ចកំពុងដុតដៃដុតជើង ស្រាវជ្រាវព័ត៌មានលម្អិត ដើម្បីស្វែងរកព័ត៌មានពិតជូនគ្រួសារជនរងគ្រោះហើយ៕
ចែករំលែកព័តមាននេះ