សហរដ្ឋអាមេរិក ៖ ឧទ្ធម្គាគចក្រមួយគ្រឿងរបស់ក្រុមហ៊ុនទូរទស្សន៍ NBC 4 អាមេរិក ដែលហោះហើរថតរូបភាពគ្រោះថ្នាក់ចរាចរណ៍មួយ បានធ្លាក់ កាលពីថ្ងៃទី១៥ កញ្ញា នៅសង្កាត់មួយនៃទីក្រុងឡូសអេនចឺឡេស បណ្ដាលឲ្យមនុស្សស្លាប់យ៉ាងតិច៣នាក់ ។
ឧទ្ធម្ភាគចក្រនេះ ហោះហើរពីលើសង្កាត់CHATSWORTH នាកណ្ដាលក្រុង ដើម្បីថតកន្លែងកើតមានគ្រោះថ្នាក់ចរាចរណ៍មួយ បណ្ដាលមកពីការបុកគ្នារវាងរថយន្តទេសចរណ៍១គ្រឿងនិងរថយន្តបឺស១គ្រឿង បណ្ដាលឲ្យមនុស្សស្លាប់៣នាក់ និងច្រើននាក់រងរបួសដែរ។
បណ្ដាអ្នកកាសែតដែលមានវត្តមាននៅនឹងកន្លែងគ្រោះថ្នាក់និយាយថា បានឃើញឧទ្ធម្ភាគចក្រធ្លាក់មកដី ក្បែរកន្លែងគ្រោះថ្នាក់រថយន្តបឺសដោយបញ្ចេញផ្សែងដ៏ក្រាស់ ។ ឧទ្ធម្ភាគចក្រនោះ បានធ្លាក់ចន្លោះឃ្លាំងស្តុក២ ប៉ះចំកុងតឹន័រ២ ស្ថិតលើរថយន្តកាមីញ៉ុងមួយគ្រឿង ។
រថយន្ត៤គ្រឿងដែលចតនៅក្រែរនោះក៏ត្រូវភ្លើងឆេះដែរ។ ពុំមានឃ្លាំងណាមួយរងការប៉ះពាល់ឡើយ។ បណ្ដារូបភាពថតពីលើអាកាសផ្សាយដោយបណ្ដាសារព័ត៌មានអាមេរិក បង្ហាញបំណែកឧទ្ធម្ភាគចក្រនោះ ដែលកន្ទុយនិងកង្ហាររបស់វាស្ថិតក្នុងអណ្ដាតភ្លើង។
តាមក្រុមអ្នកពន្លត់ភ្លើងថា មនុស្ស៣នាក់ស្លាប់ ក្នុងនោះម្នាក់ហាក់ដូចជាស្លាប់នៅលើដី ហើយមនុស្សម្នាក់រងរបួស ។ បណ្ដាឧទ្ធម្ភាគចក្ររបស់បណ្ដាទូរទស្សន៍អាមេរិក តាមធម្មតាក្នុងឧទ្ធម្គាគចក្រមួយមានមនុស្សត្រឹម២នាក់ គឺអ្នកបើកម្នាក់ និងអ្នក កាសែតថតរូបភាពម្នាក់ប៉ុណ្ណោះ ៕
ចែករំលែកព័តមាននេះ