លោក Boris Johnson នឹងលាលែងចេញពីតំណែងនាយករដ្ឋមន្រ្តី
នាយករដ្ឋមន្រ្តីអង់គ្លេសលោក Boris Johnson នឹងលាលែងតំណែងមេដឹកនាំគណបក្សអភិរក្សនិយាម ប៉ុន្តែនឹងបន្តកាន់តំណែងជានាយករដ្ឋមន្រ្តីរហូតដល់សរទរដូវ
នាយករដ្ឋមន្រ្តីអង់គ្លេសលោក Boris Johnson នឹងលាលែងតំណែងមេដឹកនាំគណបក្សអភិរក្សនិយាម ប៉ុន្តែនឹងបន្តកាន់តំណែងជានាយករដ្ឋមន្រ្តីរហូតដល់សរទរដូវ
អង់គ្លេស ៖ នាយករដ្ឋមន្រ្តីអង់គ្លេសលោក Boris Johnson នឹងលាលែងតំណែងមេដឹកនាំគណបក្សអភិរក្សនិយម ប៉ុន្តែនឹងបន្តកាន់តំណែងជានាយករដ្ឋមន្រ្តីរហូតដល់រដូវស្លឹកឈើជ្រុះ ។ នេះបើយោងតាមការចុះផ្សាយរបស់ប្រព័ន្ធផ្សព្វផ្សាយអង់គ្លេស BBC នៅថ្ងៃព្រហស្បតិ៍ ទី ៧ ខែកក្កដានេះ។
ការសម្រេចចិត្តលាលែងនេះកើតឡើងបន្ទាប់ពីលោកត្រូវបានបោះបង់ចោលដោយរដ្ឋមន្រ្តីតែងតាំងថ្មីជាច្រើនរូប ក្រោយពេលមានការលាលែងរបស់រដ្ឋមន្រ្តីជាង ៥០រូបទៀតក្នុងរយៈពេល ៤៨ម៉ោងចុងក្រោយនេះ។
លោក អាចនឹងបន្តធ្វើជានាយករដ្ឋមន្រ្តីរហូតដល់មានការជ្រើសរើសមេដឹកនាំថ្មីនៃគណបក្សអភិរក្សនិយមបាន។
លោក Keir Starmer មេដឹកនាំគណបក្សការងារ បានស្វាគមន៍ចំពោះបំណងលាលែងរបស់លោក Boris Johnson និងលើកឡើងថា លោកគួរតែលាលែងតាំងពីយូរមកហើយ។
លោកថ្លែងថា ការលាលែងរបស់លោក Johnson គឺជាព័ត៌មានល្អសម្រាប់ប្រទេស ហើយអង់គ្លេសត្រូវការការចាប់ផ្តើមថ្មី៕ (យោងតាមប្រភព៖ BBC)
ចែករំលែកព័តមាននេះ