ជនសង្ស័យ២នាក់ត្រូវវែកមុខ ក្រោយម្ចាស់ឡានប្តឹង
- ព្រះសីហនុ
ខេត្តព្រះសីហនុ ៖ លោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថា
ខេត្តព្រះសីហនុ ៖ លោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុឲ្យដឹងថានគរបាលឃាត់ខ្លួនជនសង្សយ័ចំនួន២នាក់ ពាក់ពន្ធ័នឹងករណីលួចផ្លាកលេខរថយន្ត ។ មុខសញ្ញាពាក់ព័ន្ធអំពើលួចផ្លាកលេខរថយន្ដ នេះបានប្រព្រឹត្តកាលពីថ្ងៃទី២៨-២៩ មិថុនា ឆ្នាំ២០២២ នៅសង្កាត់លេខ៤ ក្រុងព្រះសីហនុ និងត្រូវបានឃាត់ខ្លួន កាលពីល្ងាចថ្ងៃទី៤ កក្កដា ឆ្នាំ២០២២ ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះ កែវ សុធារ៉ា ភេទប្រុស អាយុ៣០ឆ្នាំ មុខរបរមិនពិតប្រាកដ ស្នាក់នៅភូមិ១ សង្កាត់លេខ៤ ក្រុងព្រះសីហនុ ខេត្ដព្រះសីហនុ និងម្នាក់ទៀតឈ្មោះ វ៉ាន មានយូ ហៅ ធុយ ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅភូមិ១ សង្កាត់លេខ៤ ក្រុងព្រះសីហនុ ខេត្ដព្រះសីហនុ ។
ជនសង្ស័យទាំងពីរត្រូវបានឃាត់ខ្លួនតាមបណ្ដឹងរបស់ ឈ្មោះ ប៉ែន មីនា ភេទស្រី អាយុ៣៥ឆ្នាំ មានទីលំនៅក្រុម១៨ ភូមិ៤ សង្កាត់លេខ៤ ក្រុងព្រះសីហនុ ករណីលួចដោះ(កាច់)ផ្លាកលេខរថយន្ដម៉ាកព្រូស ពណ៌ស ពាក់ស្លាកលេខភ្នំពេញ 2BO-0660 និងបណ្តឹងរបស់ឈ្មោះ កន នី ភេទប្រុស អាយុ២៩ឆ្នាំ មានទីលំនៅភូមិ៥ សង្កាត់លេខ៤ ក្រុងព្រះសីហនុ ខេត្ដព្រះសីហនុ ករណីលួចដោះ(កាច់)ផ្លាកលេខរថយន្ដម៉ាកព្រូស ពណ៌ស ពាក់ស្លាកលេខ ភ្នំពេញ 2BQ-8006 ។
ករណីខាងលើនេះស មត្ថកិច្ចបានប្រគល់វត្ថុតាងស្លាកលេខ ភ្នំពេញ 2BO-0660 និងស្លាកលេខភ្នំពេញ 2BQ-8006 ឱ្យជនរងគ្រោះវិញ ដោយមានការឯកភាពពីតំណាងអយ្យការ ហើយជនសង្ស័យទាំងពីរ ត្រូវបានសមត្ថកិច្ចជំនាញការិយាល័យនគរបាលព្រហ្មទណ្ឌកម្រិតធ្ងន់ កំពុងបំពេញនីតិវិធី កសាងសំណុំរឿង បញ្ជូនទៅតុលាការផ្ដន្ទាទោសតាមផ្លូវច្បាប់ ៕
ចែករំលែកព័តមាននេះ