ខេត្តព្រៃវែង ៖ បើតាមសេចក្តីរាយការណ៍បានឱ្យដឹងថា ស្ត្រីម្នាក់ត្រូវបានកូនប្រុសបង្កើតវា.យមួយញញួរចំក្បាល បណ្តាលអោយប្រកាច់ស្លា.ប់ភ្លាមៗនៅនឹងកន្លែងកើតហេតុ ដោយគ្មានមូលហេតុអ្វីសោះ។ ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោង១១និង១០នាទីព្រឹក ថ្ងៃទី៤ ខែកក្កដា ឆ្នាំ២០២២ នៅនឹងផ្ទះជនរងគ្រោះ ដែលស្ថិតក្នុងភូមិព្នៅ ឃុំព្នៅទី១ ស្រុកស៊ីធរកណ្តាល ខេត្តព្រៃវែង។
បើតាមសមត្ថកិច្ចបានអោយដឹងថា ស្ត្រីរងគ្រោះខាងលើមានឈ្មោះ ហែម ខែមរ៉ី អាយុ៥៣ឆ្នាំ មានទីលំនៅក្នុងភូមិ-ឃុំកើតហេតុ ចំណែកជនល្មើសមានឈ្មោះ មីន ចិត្រា ភេទប្រុស អាយុ២០ឆ្នាំ ត្រូវជាកូនបង្កើតរបស់ស្ត្រីរងគ្រោះ ហើយរស់នៅក្នុងផ្ទះជាមួយគ្នាតែម្តង ។
តាមប្រភពព័ត៌មានពីសមត្ថកិច្ចដដែលនេះ បានបន្តថា មុនពេលកើតហេតុ ស្ត្រីរងគ្រោះកំពុងតែអង្គុយដាំបាយនៅខាងក្រោមផ្ទះ ហើយអត់មានឈ្លោះប្រកែកប៉ះពាក្យសម្ដីអ្វីជាមួយកូនប្រុសនោះទេ ប៉ុន្តែនៅសុខៗ ស្រាប់តែកូនប្រុសយកញញួរដែកមកវា.យម្តាយចំក្បាលផ្នែកខាងក្រោយ ត្រូវ១ញញួរ បណ្តាលអោយស្ត្រីជាម្តាយប្រកាច់ស្លា.ប់បាត់បង់ជីវិតនៅក្នុងថ្លុកឈា.មភ្លាមៗតែម្តង ចំណែកជនបង្កជាកូន ក្រោយពីវា.យម្តាយស្លា.ប់ភ្លាម ក៏ត្រូវសមត្ថកិច្ចចាប់ឃាត់ខ្លួនភ្លាមៗផងដែរ។
តាមការបញ្ជាក់ពីក្រុមគ្រួសារស្ត្រីរងគ្រោះ បានឱ្យដឹងថា ជនបង្កជាកូនប្រុសបង្កើតរូបនោះ មានជំងឺសរសៃប្រសាទ ដោយសារតែប្រើប្រាស់ថ្នាំញៀ.ន និងលេបថ្នាំសរសៃប្រសាទជាប្រចាំផងដែរ ដូច្នេះការវា.យសម្លា.ប់ម្តាយខ្លួនឯងនេះ គឺសង្ស័យថា បណ្តាលមកពីជំងឺសរសៃប្រសាទរើឡើង។
ចែករំលែកព័តមាននេះ