ធម្មយាត្រាប្រចាំឆ្នាំដែលត្រូវនិមន្ត និងដើរកាត់ព្រៃភ្នំ ឆ្លងទឹក ដើម្បីចូលរួមសកម្មភាពការពារព្រៃឈើ និងការបណ្តុះគំនិតស្រឡាញ់ធម្មជាតិ ក្រោមប្រធានបទ «ព្រះពុទ្ធសាសនា និងធម្មជាតិបានបញ្ចប់ដោយជោគជ័យ ។
ធម្មយាត្រានេះ ដឹកនាំដោយ ព្រះមុនីកោសលបណ្ឌិត យ៉ន សេងយៀត ព្រះបាឡាតគណរាជធានីភ្នំពេញ និងសាកលវិទ្យាធិការរងពុទ្ធិកសាកលវិទ្យាល័យព្រះសីហនុរាជ ។
ធម្មយាត្រាឲ្យបាន៥០០គីឡូម៉ែត្រនេះ ធ្វើឡើងច្រើនលើក បានបាប់ផ្តើម កាលពី២៣ ខែធ្នូ ឆ្នាំ២០២១ ។ ធម្មយាត្រកាលលើកទី១នេះធ្វើឡើងរយៈពេល៣ថ្ងៃ ដោយមានព្រះសង្ឃ និងគ្រហត្ថចំនួន៦៨អង្គ និងនាក់បានចូលរួម ។
ធម្មយាត្រានាពេលនោះព្រះសង្ឃ និងប្រជាពុទ្ធបរិស័ទ បាននិមន្តឆ្លងកាត់ទឹកអូរ និងកាត់ព្រៃ ពិសេសត្រូវនិមន្តនិងធ្វើដំណើរឡើងភ្នំឱរ៉ាល់ក្នុងខេត្តកំពង់ស្ពឺ ដែលមានកម្ពស់១ ៨១៣ម៉ែត្រ ។ ធម្មយាត្រាលើកទី២ ធ្វើឡើងកាលពីថ្ងៃទី៩ ដល់ថ្ងៃទី១១ ខែកុម្ភៈ ឆ្នាំ២០២១ ដោយត្រូវនិមន្ត និងធ្វើដំណើរឆ្លងកាត់ ភ្នំខ្នងផ្សា ខ្នងក្រពើ រូងច្រនៀង ល្អាងក្រហម ល្អាង៦០ម៉ែត្រ ល្អាងខៀវ ក្នុងខេត្តកំពង់ស្ពឺ និងកោះកុង ដោយមានអ្នកចូលរួមចំនួន១០៧ អង្គ-នាក់ ។ ធម្មយាត្រាពេលនោះ មានព្រះសង្ឃចំនួន៥៦ព្រះអង្គ និងគ្រហស្ថ ចំនួន៥១នាក់ ចូលរួមដោយនិមន្តធ្វើដំណើរថ្មើរជើងក្នុងរយៈផ្លូវ៧០គីឡូម៉ែត្រ ។
ធម្មយាត្រា ព្រះពុទ្ធសាសនា និងបរិស្ថាន លោកទី៣ មានព្រះសង្ឃ និងគ្រហត្ថចំនួន៣០អង្គនាក់ចូលរួម ។ ធម្មយាត្រានេះបានធ្វើដំណើរកាត់ជួរភ្នំក្រវាញខេត្តកំពង់ស្ពឺ និងខេត្តពោធិ៍សាត់ក្នុងចម្ងាយផ្លូវ២៦៥គីឡូ ដោយបានធ្វើដំណើរ រយៈពេល១៩ថ្ងៃ ចាប់ពីថ្ងៃទី៦ ដល់២៥ មិថុនា ឆ្នាំ២០២២ ដើម្បីគម្រប់ចំនួន៥០០គីឡូម៉ែត្រ ។
ព្រះមុនីកោសល បណ្ឌិត យ៉ន សេងយៀត បានមានសង្ឃដិកាថា ធម្មយាត្រានេះធ្វើឡើងដើម្បីលើកកម្ពស់ការយល់ដឹងអំពីព្រៃឈើ និងជាការចូលរួមចំណែកជាមួយរដ្ឋាភិបាលក្នុងការថែរក្សា និងអភិរក្សព្រៃឈើ ៕
ចែករំលែកព័តមាននេះ