បុរសម្នាក់ដកខ្សែក្រវ៉ាត់វា.យនគរបាល ត្រូវតំណាងអយ្យការចោទប្រកាន់២បទល្មើស
- ភ្នំពេញ
លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា
រាជធានីភ្នំពេញ ៖ លោក ប្លង់ សុផល ព្រះរាជអាជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានឲ្យដឹងថា សំណុំរឿងបុគ្គលម្នាក់ដែលប្រើអំពើហិ.ង្សាវា.យកម្លាំងសមត្ថកិច្ចនគរបាលចរាចរណ៍ កំពុងបំពេញភារៈកិច្ចលើដងផ្លូវសាធារណៈ នៅថ្ងៃទី៣០ ខែមិថុនា ឆ្នាំ២០២២ តំណាងអយ្យការបានបើកការស៊ើបសួរចោទប្រកាន់ចំនួន២បទល្មើស ដោយ១-បទ ហិ.ង្សាដោយមានស្ថានទម្ងន់ទោស និង២- បទ ជេរប្រមាថជាសាធារណ: តាមបញ្ញតិមាត្រា២១៨ និងមាត្រា៣០៧ នៃក្រមព្រហ្មទណ្ឌ។ ក្រោយតំណាងអយ្យការប្រកាន់ជាផ្លូវការហើយសំណុំរឿងបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនបុគ្គលរូបនោះ ដាក់ពន្ធនាគារជាបណ្តោះអាសន្ន ដោយរង់ចាំកាត់ក្តីតាមផ្លូវច្បាប់ ។
សូមជម្រាបថា ៖ កម្លាំងជំនាញការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ កាលពីថ្ងៃទី២៨ ខែមិថុនា ឆ្នាំ២០២២ បានបញ្ជូនខ្លួនជនសង្ស័យម្នាក់ទៅសាលាដំបូងរាជធានីភ្នំពេញ ពាក់ព័ន្ធនឹងករណីប្រឆាំងអ្នករាជការសាធារណៈ និងហិ.ង្សាដោយចេតនា ។
ជនសង្ស័យខាងលើនេះមានឈ្មោះ ប៊ូ សុខមាន ភេទប្រុស អាយុ៣៣ឆ្នាំ មុខរបរកម្មករសំណង់ ត្រូវបានសមត្ថកិច្ចឃាត់ខ្លួននៅនឹងកន្លែងកើតហេតុ ខណៈពេលជនសង្ស័យបើកបរល្មើសច្បាប់ចរាចរណ៍ មិនពាក់មួកសុវត្ថិភាព ជេរប្រមាថ និងយកខ្សែក្រវ៉ាត់វា.យទៅលើសមត្ថកិច្ចទៀត។
ក្រោយពេលឃាត់ខ្លួន សមត្ថកិច្ចនគរបាលការិយាល័យចរាចរណ៍ផ្លូវគោក បានកសាងសំណុំរឿងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមនីតិវិធី ៕
ចែករំលែកព័តមាននេះ