ឥណ្ឌូណេស៊ីស្វាគមន៍ភ្ញៀវទេសចរជាង1លាននាក់ក្នុងខែតុលា
ប្រទេសឥណ្ឌូណេស៊ី ៖ ក្នុងខែតុលាកន្លងមក ឥណ្ឌូណេស៊ីបានទទួលស្វាគមន៍ភ្ញៀវទេសចរប្រមាណជាង១លាននាក់ ដែលធ្វើឲ្យមានក្ដីសង្ឃឹមថា ប្រទេសនេះនឹងសម្រេចតាមគោលដៅរបស់ខ្លួន ។
ប្រទេសឥណ្ឌូណេស៊ី ៖ ក្នុងខែតុលាកន្លងមក ឥណ្ឌូណេស៊ីបានទទួលស្វាគមន៍ភ្ញៀវទេសចរប្រមាណជាង១លាននាក់ ដែលធ្វើឲ្យមានក្ដីសង្ឃឹមថា ប្រទេសនេះនឹងសម្រេចតាមគោលដៅរបស់ខ្លួន ។
ប្រទេសឥណ្ឌូណេស៊ី ៖ ក្នុងខែតុលាកន្លងមក ឥណ្ឌូណេស៊ីបានទទួលស្វាគមន៍ភ្ញៀវទេសចរប្រមាណជាង១លាននាក់ ដែលធ្វើឲ្យមានក្ដីសង្ឃឹមថា ប្រទេសនេះនឹងសម្រេចតាមគោលដៅរបស់ខ្លួន ។
យោងតាមទិន្នន័យរបស់ភា្នក់ងារស្ថិតិកណ្តាល (BPS) ចេញផ្សាយកាលពីថ្ងៃព្រហស្បតិ៍ ឲ្យដឹងថា ប្រទេសដែលសម្បូរដោយប្រជុំកោះច្រើនជាងគេលើពិភពលោកនេះ បានទាក់ទាញភ្ញៀវទេសចរដល់ទៅ១,០៤លាននាក់ក្នុងខែតុលា ដែលច្រើនជាង១៨,៥%ធៀបនឹងឆ្នាំមុន និងច្រើនជាងខែកញ្ញា ៣,៣៨%ផងដែរ ។
បើគិតពីខែមករា ដល់តុលាកន្លងមក ប្រទេសនេះបានទទួលភ្ញៀវទេសចរដល់ទៅ ៩,៤លាននាក់ឯណោះ ដែលខិតជិតគោលដៅ ១២លាននាក់សម្រាប់ឆ្នាំនេះ ។
ដូចនឹងខែមុនៗដែរ ការមកដល់នៃភ្ញៀវទេសចរភាគច្រើនជាជនជាតិចិន ដែលមានដល់ទៅ១២១.៨៨០នាក់ក្នុងខែតុលា ។ ប្រទេសនេះក៏បានជំនួសប្រទេសម៉ាឡេស៊ី និងអូស្ត្រាលីផងដែរ ។
លោក I Gde Pitana ជំនួយការផ្សព្វផ្សាយបរទេសរបស់ក្រសួងទេសចរណ៍ ថ្លែងថា ៖ « ការកើនឡើងនៃភ្ញៀវទេសចរនេះ គឺមកពីការផ្សព្វផ្សាយដ៏ខ្លាំងក្លាទៅកាន់បរទេស ក៏ដូចជាក្រុមហ៊ុនឯកជនបានទាក់ទាញភ្ញៀវទេសចរចិនផងដែរ » ។
ក្រុមហ៊ុនអាកាសចរណ៍ជាច្រើន រួមទាំង Lion Air និង Garuda Indonesia បានបើកជើងយន្តហោះផ្ទាល់ពីទីក្រុងរបស់ចិន មកកាន់ទីតាំង Jakarta និង Denpasar ។ ទោះជាយ៉ាងណា អាជីវករនៅតែព្រួយបារម្ភ ជាពិសេស ការចម្រុះជាតិសាសន៍របស់ភ្ញៀវទេសចរទាំងនោះ ។
ប្រធានសមាគមនៃភ្នាក់ងារដំណើរកម្សាន្តឥណ្ឌូណេស៊ី (ASITA) លោក Asnawi Bahar កត់សម្គាល់ថា ទោះជាមានភ្ញៀវទេសចរច្រើនមកពីប្រទេសចិនក្តី ប៉ុន្តែវាពិតជាសំខាន់ណាស់សម្រាប់ប្រទេសឥណ្ឌូណេស៊ី ក្នុងការធ្វើឲ្យមានភាពចម្រុះនៃទីផ្សារភ្ញៀវទេសចរ ។
រដ្ឋាភិបាលបច្ចុប្បន្ន មានគោលដៅជំរុញចំនួនភ្ញៀវទេសចររហូតដល់២០លាននាក់ក្នុងឆ្នាំ២០១៩ តិចជាងប្រទេសថៃ និងម៉ាឡេស៊ី ដែលមានភ្ញៀវទេសចរ២៥លាននាក់ជារៀងរាល់ឆ្នាំ ៕
ចែករំលែកព័តមាននេះ