ខេត្តកំពង់ស្ពឺ ៖ បើតាមប្រភពពីសមត្ថកិច្ច ដែលចូលរួមបង្ក្រាបក្រុមវះទូកុងតែន័របានបង្ហើបថា កម្លាំងឃាត់ខ្លួនក្រុមជនសង្ស័យបាន១០នាក់ ដែលក្នុងនោះមានម្នាក់ឈ្មោះណុប ឌី ជាមេខ្លផង និងជាឈ្មួញរកស៊ីឈើដុះស្លែនៅខេត្តកំពង់ស្ពឺ ដែលសមត្ថកិច្ចមិន
ខេត្តកំពង់ស្ពឺ ៖ បើតាមប្រភពពីសមត្ថកិច្ច ដែលចូលរួមបង្ក្រាបក្រុមវះទូកុងតែន័របានបង្ហើបថា កម្លាំងឃាត់ខ្លួនក្រុមជនសង្ស័យបាន១០នាក់ ដែលក្នុងនោះមានម្នាក់ឈ្មោះណុប ឌី ជាមេខ្លផង និងជាឈ្មួញរកស៊ីឈើដុះស្លែនៅខេត្តកំពង់ស្ពឺ ដែលសមត្ថកិច្ចមិនដែលបង្ក្រាបម្តងណាឡើយ ក្នុងរបររកស៊ីឈើ តែដល់ពេលរប្តូររបរមកធ្វើជាមេខ្លោង រកស៊ីវះទូកុងតឺន័រ ក៏ត្រូវសមត្ថកិច្ចចាប់វាយខ្នោះចាត់ការតាមច្បាប់។
ជនសង្ស័យទាំង១០នាក់ ត្រូវកម្លាំងសមត្ថកិច្ចចាប់បាននៅចំណុចភូមិផ្គង សង្កាត់ច្បាមន ក្រុងច្បារមន កាលពីព្រឹកថ្ងៃទី០៣ ធ្នូ ២០១៦ ។
ក្នុងនោះ ១-ឈ្មោះជួន ឡង់ឌី អាយុ៣៦ឆ្នាំ ២-ឈ្មោះធាន ផានហៅសាក់ ជួលផ្ទះនៅត្រពាំងថ្លឹង ៣-ឈ្មោះទុន ជាតិ អាយុ២៥ឆ្នាំ អ្នកកាត់ជីភីអេស ទូកុងតឺន័រនៅខេត្តកំពង់ចាម ៤-ឈ្មោះស៊ុំ សារ៉េត អាយុ៥៦ឆ្នាំ ស្រុកកំណើតនៅខេត្តកំពង់ស្ពឺ ជាអ្នកផ្តល់ទីតាំងធ្វើសកម្មភាពប្រព្រឹត្តបទល្មើស ៥-ឈ្មោះណុប ឌី អាយុ៣៦ឆ្នាំ មានទីលំនៅភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ៦-ឈ្មោះសុខ ស័ង អាយុ១៩ឆ្នាំ ខេត្តកំពង់ស្ពឺ អ្នកជួយរើឥវ៉ាន់ ៧-ឈ្មោះភួង សុខផល អាយុ៣៦ឆ្នាំ ខេត្តកំពង់ស្ពឺ អ្នកផ្តល់ទីតាំង ៨-ឈ្មោះសែម សុខវិន អាយុ២៨ឆ្នាំ ខេត្តកំពង់ស្ពឺ អ្នកជួយរើឥវ៉ាន់ ៩-ឈ្មោះឈុន លឹម អាយុ២៨ឆ្នាំ ខេត្តកំពង់ស្ពឺ អ្នកបើកឡានឱ្យជួន ឡង់ឌី និង១០-ឈ្មោះឆាយ ក្តិប អាយុ ៣៦ឆ្នាំ ជាអ្នកចាំមើលផ្លូវអោយគេធ្វើសកម្មភាព ។
បច្ចុប្បន្ន ជនសង្ស័យនិងវត្ថុតាងសម្ថកិច្ចបាននាំខ្លួនទៅកាន់ក្រសួងមហាផ្ទៃ ដើម្បីកសាងសំណុំរឿងបញ្ចូនទៅតុលាការចាត់ការតាមច្បាប់ ។
មជ្ឈដ្ឋានមហាជនរង់ចាំមើលថា តើមេក្លោងវះទូកុងតឺន័រនេះ មានវាសនាបានរួចខ្លួនពីសំណាញ់ច្បាប់ដែរឬទេ ខណៈមានអ្នករត់ការខ្វែងដៃខ្វែងជើង ដើម្បីសុំឱ្យមានការដោះលែងមេខ្លោងរូបនេះ ។
ចែករំលែកព័តមាននេះ