នៅសាលមហោស្រពខេត្ត នាព្រឹកថ្ងៃចន្ទ ទី២៧ ខែមិថុនា ឆ្នាំ២០២២នេះ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញជាអធិបតីភាពក្នុងពិធីបូកសរុប
ខេត្តតាកែវ ៖ នៅសាលមហោស្រពខេត្ត នាព្រឹកថ្ងៃចន្ទ ទី២៧ ខែមិថុនា ឆ្នាំ២០២២នេះ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញជាអធិបតីភាពក្នុងពិធីបូកសរុបលទ្ធផលការងារបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ ឆ្នាំ២០២២ ដែលបានរៀបចំដោយគណៈកម្មការរៀបចំការបោះឆ្នោតខេត្តតាកែវ។
ដែលពិធីនេះ ក៏មានការអញ្ជើញចូលរួមដោយលោកស្រី ហែម បញ្ញា ប្រធានគណៈកម្មការរៀបចំការបោះឆ្នោតខេត្តតាកែវ លោកស្រី អភិបាលរងខេត្ត លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្ត តំណាងបញ្ជាការដ្ឋានកងរាជអាវុធហត្ថខេត្ត តំណាងបញ្ជាការតំបន់ប្រតិបត្តិការសឹករងខេត្ត លោក លោកស្រី ប្រធានមន្ទីរអង្គភាពជុំវិញខេត្ត លោក អភិបាល ក្រុងស្រុក ព្រមទាំងមន្ត្រីតាមការិយាល័យបោះឆ្នោត និងលោក លោកស្រី ជាតំណាងគណបក្សនយោបាយ អង្គការមិនមែនរដ្ឋាភិបាល ជាច្រើនរូបផងដែរ។
លោក អ៊ូច ភា អភិបាលខេត្ត ក៏បានធ្វើការវា.យតម្លៃខ្ពស់ចំពោះកិច្ចខិតខំប្រឹងប្រែងរបស់គណៈកម្មការរៀបចំការបោះឆ្នោតខេត្តតាកែវទាំងអស់ ដែលលះបង់កម្លាំងកាយចិត្ត បំពេញតួនាទីបានយ៉ាងល្អប្រសើរ ក្នុងដំណើរការនៃការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ ឆ្នាំ២០២២នេះ បានទៅដោយរលូន គ្មានការគំរា.មកំហែង គ្មានអំពើហិ.ង្សា និងដោយគ្មានការភ័យខ្លាចនោះឡើយ ។ ហើយត្រូវបានមតិជាតិ និងអន្តរជាតិភាគច្រើនបានវា.យតម្លៃថា បានប្រព្រឹត្តិទៅក្នុងបរិយាកាសសន្តិសុខ និងមានសណ្តាប់ធ្នាប់របៀបរៀបរយល្អ មានតម្លាភាព សេរី ត្រឹមត្រូវយុត្តិធម៌ស្របតាមគោលការណ៍លទ្ធិប្រជាធិបតេយ្យ សេរីពហុបក្ស ហើយបើប្រៀបធៀបទៅនឹងការបោះឆ្នោតមុនៗ ការបោះឆ្នោតលើកនេះមានភាពល្អប្រសើរច្រើនឡើងៗ ទាំងលើទិដ្ឋភាពច្បាប់ និងទិដ្ឋភាពបច្ចេកទេស។
លោកបានបន្តថា ការរៀបចំបោះឆ្នោតនេះទទួលបានជោគជ័យទៅបានអាស្រ័យដោយកត្តាសំខាន់ៗមានដូចជា អំពីក្របខណ្ឌច្បាប់ បទបញ្ជា និងនិតិវិធី រចនាសម្ព័ន្ឋគ្រប់គ្រង ការពិនិត្យបញ្ជីឈ្មោះ និងចុះឈ្មោះបោះឆ្នោត ការអប់រំអ្នកបោះឆ្នោតនិងសាធារណជន ការប្រើប្រាស់វិទ្យុ និងទូរទស្សន៍របស់រដ្ឋ អំពីតម្លាភាពក្នុងការទទួល និងបញ្ជូនទិន្នន័យ និងការដាក់ ការទទួល និងដោះស្រាយពាក្យបណ្តឹង ។
បន្ថែមពីនេះដែរ អភិបាលខេត្តតាកែវ លោក អ៊ូច ភា សូមធ្វើការសម្តែងនូវការកោតសរសើរចំពោះគណបក្សនយោបាយ អ្នកសង្កេតការណ៍ជាតិ អន្តរជាតិ ភាគីពាក់ព័ន្ធ ព្រមទាំបងប្អូនប្រជាពលរដ្ឋទាំងអស់ ដែលបានចូលរួមអនុវត្ត និងគោរពច្បាប់បោះឆ្នោត បទបញ្ជា និតិវិធី និងក្រមសីលធម៌សម្រាប់ការបោះឆ្នោតប្រកបដោយស្មារតីទទួលខុសត្រូវ និងភាពថ្លៃថ្នូរដែលធ្វើឲ្យការបោះឆ្នោតជ្រើសរើសក្រុមប្រឹក្សា ឃុំ សង្កាត់ សម្រាប់អាណត្តិទី៥នេះ ទទួលបានលទ្ធផលល្អប្រសើរទាំងលើទិដ្ឋភាពច្បាប់ និងទិដ្ឋភាពបច្ចេកទេសក្រោមបរិយាកាសសន្តិភាព ស្ថិរភាព សន្តិសុខ សណ្តាប់ធ្នាប់ របៀបរៀបរយគ្មានការគំរា.មកំហែង និងគ្មានអំពើហិ.ង្សានោះឡើយ។
ចែករំលែកព័តមាននេះ