ADផ្ទាំងផ្សព្វផ្សាយពាណិជ្ជកម្ម

Picture

រឹបអូសឈើអាររាប់កំណាត់ ប្រុងឆ្លងទន្លេ ទៅរតនគិរី

1 អាទិត្យ មុន
  • រតនគិរី

ខេត្តស្ទឹងត្រែង÷ កម្លាំងសមត្ថកិច្ច រួមមាន នគរបាល រដ្ឋបាលព្រៃឈើ និងបរិស្ថាន បានចុះរឹបអូស​ឈើអារ ប្រភេទលេខ១ រាប់រយកំណត់ ស្ថិតនៅចំណុចអូរដំបង…

ខេត្តស្ទឹងត្រែង÷ កម្លាំងសមត្ថកិច្ច រួមមាន នគរបាល រដ្ឋបាលព្រៃឈើ និងបរិស្ថាន បានចុះរឹបអូស​ឈើអារ ប្រភេទលេខ១ រាប់រយកំណត់ ស្ថិតនៅចំណុចអូរដំបង ភូមិតាឡាត ឃុំតាឡាត ស្រុកសេសាន ខេត្តស្ទឹងត្រែងជាប់ព្រំប្រទល់ និងឃុំហាតប៉ក់ ស្រុកកូនមុំខេត្តរតនគិរី កាលពីថ្ងៃទី២៣ ខែមិថុនា ឆ្នាំ២០២២។

​ប្រភពព័ត៌មានអោយដឹងថា ឈើ​ផ្ចឹក ប្រភេទលេខ ១ នោះ មានចំនួនរហូតទៅដល់ជាង ៣២០កំណាត់ តាមការប៉ាន់​ស្មានរាប់រយម៉ែត្រគូប ត្រូវបានឈ្មួញបញ្ជាទិញពីអ្នកចូលទៅកាប់​នៅព្រៃក្រឡាពុះ និងភ្នំគល់ អាចនិយាយបានថា ជាដែនជីវៈចម្រុះ​​របស់​​បរិស្ថាន និងដែលរបស់​រដ្ឋបាលព្រៃឈើ​។ ក្រោយការកាប់ និងបញ្ជាទិញពីឈ្មួញឈើទាំងនោះ ត្រូវដឹកជ្ជូនតាម​គោយន្តកន្ត្រៃមក ទម្លាក់នៅក្បែមាត់ទន្លេចំណុចអូរដំបង ភូមិតាឡាត ឃុំតាឡាត ស្រុកសេសាន ហើយបន្តដឹកតាមផ្លូវទឹក ទៅឡើងដាក់នៅមាត់ទន្លេត្រើយម្ខាង ឃុំហាតប៉ក់ ស្រុកកូនមុំ ខេត្តរតនគិរី ហើយបន្តទៅព្រំដែលអន្តរជាតិ ចូលទៅប្រទេសវៀតណាម។

ប្រភពដដែលបន្តថា ចំណុចគោលដៅសន្និធិឈើល្មើសច្បាប់នោះត្រូវកម្លាំងនគរបាល​ប្រឆាំងបទល្មើសចុះទៅដល់ទីតាំនោះចាប់តាំងពីថ្ងៃទី២១មិថុនា២០២២មកម្លេះ ខណៈកម្លាំង​ចុះទៅដល់ភ្លាមៗ ក៏ប្រទះឃើញគោយន្តរាប់សិបគ្រឿង ដែលបម្រើអោយបទល្មើនោះ នៅស្កេក​ស្កះដែរ តែពុំអាចឃាត់បានដោយកម្លាំងសមត្ថកិច្ចមានតែ ៣នាក់ មិនអាចគ្រប់គ្រង ស្ថានភាព​បាន។ ក្រោយការចុះបង្ក្រាបឈើល្មើសច្បាប់ទាំងនោះ កម្លាំងនគរបាលបានរាយការណ៍​ទៅថ្នាក់ដឹកនាំ ដើម្បីរិះរកវិធានការរឹបអូសយកទៅរក្សាទុក។

ទាក់ទិនករណីខាងលើនេះ យើងពុំអាចទាក់ និងសុំព័ត៌មាន​ជាក់លាក់បន្ថែមទៀតនោះទេ ដោយសារសមត្ថកិច្ច សូមឱ្យរង់ចាំ បទបញ្ជាពីថ្នាក់ដឹកនាំសម្រេចយ៉ាងណា ទើបអាចផ្តល់ព័ត៌មានដល់អ្នកកាសែតផ្សាយបាន។

ចំណែកមន្ត្រីជំនាញរដ្ឋបាលព្រៃឈើ បានបញ្ជាក់ក្នុងរបាយការណ៍ថា ឈើខាងលើ ជាប្រភេទ​ឈើអារ លេខ១ (ឈើផ្ចិក ឡាំជាបួនជ្រុង) មានមុខកាត់មធ្យម ០.៣ ម៉ែត្រ ជុំ ប្រវែង ២.៥ ម៉ែត្រ ទៅ ៣ម៉ែត្រ ជាង រយកំណាត់។ គោលដៅឆ្លងទន្លេ​សេសាន ទៅខេត្តរតនគិរី។ ចំណែកម្ចាស់ ​គេចខ្លួន​បាត់៕

Picture
Picture
Picture
Picture
Picture
Picture
Picture
Picture