ADផ្ទាំងផ្សព្វផ្សាយពាណិជ្ជកម្ម

Picture

ចាប់​ខ្លួន​តារា​ម៉ូ​ដែល​ម្នាក់​ ក្រោយ​ប្រើ​ល្បិច​យក​លុយរាប់​ម៉ឺន​ដុល្លារ​ពី​ថៅកែ

1 អាទិត្យ មុន
  • ភ្នំពេញ

តារា​ម៉ូ​ដែល​ផ្សាយ​លក់​ផលិតផល​ម្នាក់ កាលពី​ថ្ងៃ​ទី​២២ ខែមិថុនា ឆ្នាំ​២០២២ ត្រូវ​បាន​កម្លាំង​សមត្ថកិច្ច​កងរាជអាវុធហត្ថ ធ្វើការ​ឃាត់ខ្លួន​បញ្ជូន​ទៅ​សាលាដំបូង​រាជធានី​ភ្នំពេញ ពាក់ព័ន្ធ​ការ​ចោទប្រកាន់​ពី​បទ

រាជធានី​ភ្នំពេញ ៖ តារា​ម៉ូ​ដែល​ផ្សាយ​លក់​ផលិតផល​ម្នាក់ កាលពី​ថ្ងៃ​ទី​២២ ខែមិថុនា ឆ្នាំ​២០២២ ត្រូវ​បាន​កម្លាំង​សមត្ថកិច្ច​កងរាជអាវុធហត្ថ ធ្វើការ​ឃាត់ខ្លួន​បញ្ជូន​ទៅ​សាលាដំបូង​រាជធានី​ភ្នំពេញ ពាក់ព័ន្ធ​ការ​ចោទប្រកាន់​ពី​បទ​.​លួច ធ្វើ​ឲ្យ​ខូចខាត​ដោយ​ចេតនា និង​បទ​.​គំ​រា​.​ម​កំហែង​ថា នឹង​ស​ម្លា​.​ប់ ។

ជនសង្ស័យ​ខាងលើ​នេះ​មានឈ្មោះ លាង សម្បត្តិ ភេទ​ប្រុស អាយុ​៣៣​ឆ្នាំ មុខរបរ​តារា​ម៉ូ​ដែល មាន​ទីលំនៅ​ភូមិ​ច្រេះ សង្កាត់​ភ្នំពេញ​ថ្មី ខណ្ឌ​សែន​សុខ រាជធានី​ភ្នំពេញ ។ ហើយ​សំណុំរឿង​នេះ បាន​ស្ថិត​នៅ​លោក ស៊ិ​ត វណ្ណៈ ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ បើក​ការ​ស៊ើបសួរ ។

Picture

ដើមចម​ពី​ការ​ឃាត់ខ្លួន​តារា​ម៉ូ​ដែល​រូប​នេះ បញ្ជូន​ទៅ​តុលាការ ត្រូវ​បាន​គេ​ដឹង​ថា ស្ត្រី​ម្នាក់​មាន​មុខ​របរ​រកស៊ី​លក់​ប្រេងឆា កាហ្វេ​រ៉េ​ឌី​ង និង​លក់​ផលិតផល​ថែរក្សា​សម្រស់​មក​ពី​ប្រទេស​កូរ៉េ និង​ថៃ ជា​ដើម​បណ្តឹង ។ ដោយ​អាជីវកម្ម​រកស៊ី​មានការ​រីក​ចម្រើន និង​ការងារ​រវល់​មមាញឹក​ផង​នោះ ស្ត្រី​ជាដើម​បណ្តឹង បាន​ជ្រើសរើស​បុគ្គលិក​ម្នាក់​ឈ្មោះ លាង សម្បត្តិ (​ជនសង្ស័យ​) យក​មក​ធ្វើការ​ផ្នែក​ម៉ូ​ដែល ថត​បង្ហាញ​លក់​ផលិតផល​តាម​ប្រព័ន្ធ​អន​ឡាញ និង​លក់​លើ​ទីផ្សារ​នានា ដោយ​បាន​ផ្តល់​ប្រាក់ខែ​៣០០​ដុល្លារ​អា​មេ​រិ​ក​ក្នុង​១​ខែ ព្រមទាំង​ផ្គត់ផ្គង់​ការ​ហូប​ចុក និង​កន្លែង​ស្នាក់​នៅ​ទៀត​ផង ។

ចាប់តាំងពី​ថ្ងៃ​ទី​២៧ ខែមេសា ឆ្នាំ​២០២២ ឈ្មោះ លាង សម្បត្តិ ចូល​ធ្វើការ គេ​បាន​ធ្វើខ្លួន​ឲ្យ​ល្អ​ដើម្បី​ឲ្យ​ថៅកែ​ជឿ​ទុកចិត្ត តែ​ទីបំផុត​ឆ្លៀតឱកាស​លួច​យក​កូនសោ​ចូល​បន្ទប់​ថៅកែ រួច​លួច​យក​លុយ​អស់​ប្រមាណ ៣៥ ០០០ ដុល្លារ​អា​មេ​រិ​ក និង​គ្រឿងអលង្ការ​មួយ​ចំនួន ព្រមទាំង​ធ្វើ​ឲ្យ​ខូចខាត​រថយន្ត FORD XL T ១​គ្រឿង​ទៀត​ផង ។ ក្រោយ​កើត​មានរឿង​នេះ​ហើយ ដើមបណ្តឹង​បាន​ព្យាយាម​ទាក់ទង ដើម្បី​រក​ការ​ដោះស្រាយ​ជាមួយ​ជនសង្ស័យ​ដែរ តែ​បែរជា​ជនសង្ស័យ​បង្ហោះ​សារ​តាម​បណ្តាញ​សង្គម​ហ្វេ​ស​ប៊ុ​ក​គំ​រា​.​ម​កំហែង​ថា នឹង​ស​ម្លា​.​ប់​ទៅ​វិញ ។ ដោយសារ​ទ​ង្វើ​ជនសង្ស័យ​ធ្វើ​ដូច្នោះ ទើប​ស្ត្រី​ដើមបណ្តឹង សម្រេចចិត្ត​ដាក់​ពាក្យបណ្តឹង​ឲ្យ​សមត្ថកិច្ច​ចាត់ការ​តាម​ផ្លូវច្បាប់ ។

Picture

បើ​តាម​ជនសង្ស័យ​បាន​ឆ្លើយ​សារភាព​នៅ​ចំពោះ​មុខ​សមត្ថកិច្ច ក៏​ដូច​ជា​នៅ​ចំពោះ​មុខ​អយ្យការ ប្រហាក់ប្រហែល​ទៅ​នឹង​ពាក្យបណ្តឹង​របស់​ជន​រង​គ្រោះ​ដែរ​ថា «​ខ្លួន​បាន​ចូល​ធ្វើការ​ជាមួយ​ថៅកែ​ស្រី​តាំងពី​អំឡុង​ឆ្នាំ​២០២១ ជា​អ្នក​ដើរ​ម៉ូត ថត​ស្ព​ត​លក់​ផលិតផល និង​បើកបរ​រថយន្ត ដោយ​ទទួល​បាន​ប្រាក់ខែ ១ ០០០ ដុលា​រអា​មេ​រិ​ក ។ ហើយ​ជនសង្ស័យ​ក៏​បាន​ទទួលស្គាល់​ការ​ពិត គឺ​បាន​លួច​លុយ​ថៅកែ​​ចំនួន ១៣ ០០០ ដុល្លារ និង​វា​.​យ​បំបែក​កញ្ចក់​រថយន្ត ព្រមទាំង​គំ​រា​.​ម​ថាស​ម្លា​.​ប់​ប្រាកដ​មែន»។

យោង​លើ​ពាក្យបណ្តឹង និង​ចម្លើយ​សារភាព​មាន​ភាព​ស៊ី​សង្កាត់​ជាប់​ពាក់ព័ន្ធ​នឹង​បទល្មើស ធ្វើ​ឲ្យ​តំណាង​​អយ្យការ​ពិចារណា​ចោទប្រកាន់​ជា​ផ្លូវការ និង​ចាត់​បញ្ជូន​ទៅ​ចៅក្រម​ស៊ើបសួរ​សម្រេច​ឃុំខ្លួន​ជនសង្ស័យ​ដាក់​ពន្ធនាគារ​ជា​បណ្តោះអាសន្ន ៕