អាមេរិក ៖ ប៉ុស្តិ៍ទូរទស្សន៍ CNN បានបញ្ជាក់កាលពីថ្ងៃសុក្រកន្លងមកថា ខ្លួនមិនទទួលខុសត្រូវចំពោះការផ្សាយរឿងអាសអាភាសរយៈពេល៣០នាទី កាលពីថ្ងៃព្រហស្បត្តិ៍ឡើយ ហើយបានទម្លាក់កំហុសដល់ក្រុមហ៊ុនខ្សែកាប RCN ទៅវិញ ។ CNN បាននិយាយក្នុងសេក្តីថ្លែងការណ៍មួយថា «ក្រុមហ៊ុនខ្សែកាប RCN នៅ Boston បានចាក់ផ្សាយរឿងអាសអាភាសអស់រយៈពេល៣០
អាមេរិក ៖ ប៉ុស្តិ៍ទូរទស្សន៍ CNN បានបញ្ជាក់កាលពីថ្ងៃសុក្រកន្លងមកថា ខ្លួនមិនទទួលខុសត្រូវចំពោះការផ្សាយរឿងអាសអាភាសរយៈពេល៣០នាទី កាលពីថ្ងៃព្រហស្បត្តិ៍ឡើយ ហើយបានទម្លាក់កំហុសដល់ក្រុមហ៊ុនខ្សែកាប RCN ទៅវិញ ។ CNN បាននិយាយក្នុងសេក្តីថ្លែងការណ៍មួយថា «ក្រុមហ៊ុនខ្សែកាប RCN នៅ Boston បានចាក់ផ្សាយរឿងអាសអាភាសអស់រយៈពេល៣០នាទីលើបុស្តិ៍ CNN កាលពីយប់មិញ ។ CNN បានស្នើឲ្យមានការបកស្រាយរួចជាស្រេចហើយ» ។
២ម៉ោងក្រោយមក CNN បាននិយាយថា “RCN បានបញ្ជាក់ប្រាប់ពួកយើងថា មិនមានភាពរអាក់រអួលពីក្រុមហ៊ុនរបស់ពួកគេឡើយ កាលពីយប់មិញ ។
ទស្សនិកជននាពេលនោះ គឺកំពុងតែទស្សនាកម្មវិធី Anthony Bourdain’s Parts Unknown ខណៈដែលកម្មវិធីនេះ ត្រូវបានជំនួស ដោយរឿងអាសអាភាស ដែលសម្តែងដោយតារាឈ្មោះ Riley Quinn ទៅវិញ ។ តារារូបនេះ បានអរគុណដល់ទៅ CNN សម្រាប់ការចាក់ផ្សាយដោយឥតគិតថ្លៃផងដែរ។
លោក Jeff Carlson ដែលជាអ្នកគ្រប់គ្រងរបស់ RCN Boston បានឲ្យដឹងថា ក្រុមហ៊ុនបានធ្វើការស៊ើបអង្កេតហើយ ប៉ុន្តែមិនបានរកឃើញភស្តុតាងអ្វីឡើយដែលបញ្ជាក់ថា ជាកំហុសរបស់ក្រុមហ៊ុនរបស់ពួកគេ។
ការអះអាងថា កំហុសនេះគឺជារបស់ RCN Boston នោះត្រូវបានលើកឡើងដោយទស្សនិកជនម្នាក់ដែលបានបង្កោះរអ៊ូលើ Twitter។ អ្នកប្រើប្រាស់ Twitter រូបនេះ មានឈ្មោះថា Rose បានប្រាប់ទៅកាន់ BuzzFeed News នាពេលក្រោយមកថា
«ជាដំបូងខ្ញុំចង់ដឹងថា តើមាននរណាក្នុង Boston បានជួបប្រទះនឹងវាដូចគ្នាឬទេ ។ ខ្ញុំគិតថា វាគ្រាន់តែជាកំហុសឆ្គង ក្នុងការចាក់ផ្សាយដែលប៉ះពាល់តែផ្ទះរបស់ខ្ញុំប៉ុណ្ណោះ » ។ ប៉ុន្តែបន្ទាប់ពីរឿងនេះ ត្រូវបានរាយការណ៍ជាច្រើនដងមក អ្នកប្រើប្រាស់ខាងលើបានចាប់ផ្តើមទទួលបានសារគំរាមពីមនុស្សដែលចោទប្រកាន់ថា នាងបោកប្រាស់។
កាលពីថ្ងៃសុក្រ RCN ក៏បានឆ្លើយតបនឹងការចោទប្រកាន់លើ Twitter នេះ និងបានស្នើឱ្យអ្នកប្រើប្រាស់នោះ ផ្ញើព័ត៌មានផ្ទាល់ខ្លួនផងដែរ ។ ក្រុមហ៊ុននេះ បានសរសេរថា «ពួកយើងមិនបានទទួលសេចក្តីរាយការណ៍ពីបញ្ហាអ្វីឡើយក្នុង Boston ។ ប្រសិនបើអ្នកនៅតែមានបញ្ហានេះដដែល សូមផ្ញើអាសយដ្ឋានរបស់អ្នកមកកាន់ក្រុមហ៊ុន ដើម្បីពួកយើងអាចដោះស្រាយវាបានពេលដែលអ្នកនៅផ្ទះ» ។
មិនថាក្រុមហ៊ុនខ្សែកាបនេះ មានកំហុសឬយ៉ាងណាទេ វាពិតជាមិនល្អសម្រាប់ CNN ឡើយ ។ មុនរឿងអាសអាភាសនេះ ត្រូវបានចាក់ផ្សាយ CNN ក៏ធ្លាប់ត្រូវបានគេរិះគន់យ៉ាងខ្លាំង បន្ទាប់ពីដាក់ចំណងជើងព័ត៌មានប៉ះពាល់ដល់ជនជាតិជីហ្វ ។
ចែករំលែកព័តមាននេះ