កាត់ទោសមេខ្លោងជនជាតិចិន ក្រោយប្រើល្បិចលាក់បទល្មើសក្នុងចម្លាក់ឈើ
- ភ្នំពេញ
ចៅក្រមជំនុំជម្រះសាលាដំបូងរាជធានីភ្នំពេញ កាលពីព្រឹកថ្ងៃទី២២ ខែមិថុនា ឆ្នាំ២០២២ បានប្រកាសសាលក្រមផ្តន្ទាទោសជនជាតិចិនម្នាក់ ពាក់ព័ន្ធសំណុំរឿង
រាជធានីភ្នំពេញ ៖ ចៅក្រមជំនុំជម្រះសាលាដំបូងរាជធានីភ្នំពេញ កាលពីព្រឹកថ្ងៃទី២២ ខែមិថុនា ឆ្នាំ២០២២ បានប្រកាសសាលក្រមផ្តន្ទាទោសជនជាតិចិនម្នាក់ ពាក់ព័ន្ធសំណុំរឿង «ដឹកជញ្ជូន និងជួញដូរគ្រឿងញៀ.នដោយខុសច្បាប់ ជាង១ខាំ ដែលបង្កប់ក្នុងរូបចម្លាក់ឈើ» ដាក់ពន្ធនាគារ២៥ឆ្នាំ និងពិន័យជាប្រាក់ចូលថវិការដ្ឋចំនួន៥០លានរៀល ។ សាលក្រមនេះទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនជាជនជាប់ចោទកើតទុកមិនសុខចំពោះការកាត់ក្តីនេះ ។
ជនជាប់ចោទខាងលើមានឈ្មោះ CHEN KEXI ភេទប្រុស អាយុ៤១ឆ្នាំ ជនជាតិចិន ហើយមុពេលនចាប់ខ្លួន គឺជនជាប់ចោទស្នាក់នៅបន្ទប់លេខ២០៥ អាផាត់មិន «វិមាឯករាជ្យ» ផ្លូវ១២៤ សង្កាត់លេខ៣ ក្រុង-ខេត្តព្រះសីហនុ ។
សូមរម្លឹកថា កាលពីថ្ងៃទី២៧ ខែវិច្ឆិកា ឆ្នាំ២០២០ កម្លាំងសមត្ថកិច្ចជំនាញ នៃមន្ទីរប្រឆាំងបទល្មើសគ្រឿងញៀ.ន បានសហការជាមួយស្នងការដ្ឋាននគរបាលខេត្តព្រះសីហនុ បើកការស៊ើបអង្កេត និងស្រាវជ្រាវ រហូតឈានដល់កំណត់មុខសញ្ញា បង្ក្រាប និងចាប់ខ្លួនមេខ្លោងជួញដូរគ្រឿងញៀ.នមួយករណី ដូចមានឈ្មោះខាងលើនេះ ។
ជាមួយនោះ សមត្ថកិច្ចក៏បានចាប់យកវត្ថុតាងសារធាតុញៀ.នប្រភេទមេតំហ្វេតាមីន (ICE) ទម្ងន់ ១២០.២៧ ក្រាម ដែលជនជាប់ចោទ បានបង្កប់លាក់ក្នុងចម្លាក់ឈើរូបដំរី២ ដំបងឈើ២ កំណាត់ មាន៣គូ ។ ហើយក្រោយពេលចាប់ខ្លួន ជនជាប់ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ តាមនីតិវិធី រហូតដល់ចៅក្រមស៊ើបសួរសម្រេចឃុំខ្លួនដាក់ពន្ធនាគារចាប់ពីពេលនោះមក ៕
ចែករំលែកព័តមាននេះ