កម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានធ្វើការល្បាតការពារសន្តិសុខ រហូតដល់ចំណុចសួនមានជ័យ (វេទិការខេត្ត) ក៏ប្រទះឃើញស្រី្តម្នាក់អង្គុយនៅទីកន្លែងងងឹតគួរឱ្យសង្ស័យ លុះពេលកម្លាំងចុះទៅសួរនាំធ្វើឱ្យស្រី្តនោះភ័យស្លន់ស្លោ ហើយក៏បានទម្លាក់
ខេត្តបន្ទាយមានជ័យ ៖ លោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថក្រុងសិរីសោភ័ណ បានឱ្យដឹងថា នៅយប់ថ្ងៃទី១៩ ខែមិថុនា ឆ្នាំ២០២២ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ បានធ្វើការល្បាតការពារសន្តិសុខ នៅក្នុងភូមិសាស្ត្រក្រុងសិរីសោភ័ណ ។ រហូតដល់ម៉ោង៨និង៣០នាទីយប់ ពេលដល់ចំណុចខាងកើតសួនមានជ័យ (វេទិការខេត្ត) ស្ថិតក្នុងភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បានប្រទះឃើញស្រី្តម្នាក់អង្គុយនៅទីកន្លែងងងឹតដែលគួរឱ្យសង្ស័យ ។ ពេលនោះកម្លាំងក៏បានចុះទៅសួរនាំធ្វើឱ្យស្រី្តនោះភ័យស្លន់ស្លោ ហើយក៏បានទម្លាក់គ្រឿងញៀ.ន១ថង់តូចចោល រួចក៏បម្រុងរត់គេចខ្លួន តែត្រូវបានឃាត់ខ្លួនហើយសួរនាំភ្លាមៗ ។
លោកវរសេនីយ៍ត្រី យ៉ាន់ សុវណ្ណ បានឱ្យដឹងថា ស្ត្រីដែលឃាត់ខ្លួនឈ្មោះ ស៊ឹម ច្រឹប អាយុ៤៤ឆ្នាំ រស់នៅភូមិផាស៊ីស្រា ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។ ក្រោយពីកម្លាំងសួរនាំភ្លាមៗស្រីរូបនោះបានឆ្លើយសារភាពថា គ្រឿងញៀ.ន១កូនថង់នេះរូបគេបានយកមកពីផ្ទះស្រី្តចំណាស់ម្នាក់រស់នៅភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
ដោយផ្អែកលើចម្លើយសារភាព និងមានការសហការពីជនសង្ស័យខាងលើ កម្លាំងមូលដ្ឋានកងរាជអាវុធហត្ថក្រុងបន្តប្រតិបត្តិការចុះឆែកឆេរដល់ផ្ទះស្រី្តចំណាស់ឈ្មោះ ស៊ូ សៀង អាយុ៧២ឆ្នាំ រកឃើញគ្រឿងញៀ.នម្សៅក្រាមពណ៌សថ្លាចំនួន៥៣កូនថង់បន្ថែមទៀត ក្នុងនោះ៣០កូនថង់រុំស្កុតខ្មៅ និងគ្រឿងញៀ.នគ្រាប់ពណ៌ក្រហម (WY)ចំនួន២គ្រាប់ នៅក្នុងប្រអប់ដាក់ជើងធូប ព្រមទាំងថង់សម្រាប់ច្រកគ្រឿងញៀ.នមួយចំនួន ។
ហើយបើតាមចម្លើយឈ្មោះ ស៊ឹម ច្រឹប បានឆ្លើយសារភាពថា ខ្លួនគេពិតជាបានជួញដូរគ្រឿងញៀ.នពិតប្រាកដមែន រួមទាំងការប្រើប្រាស់ផងដែរ ។
លោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្ត ទទួលការងារប្រឆាំងគ្រឿងញៀ.នបានប្រាប់ឲ្យដឹងដែរថា លទ្ធផលដែលបង្ក្រាបបានមុខសញ្ញាជួញដូរ និងប្រើប្រាស់គ្រឿងញៀ.នទាំង២នាក់នេះ ដោយអនុវត្តតាមបទបញ្ជារបស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពីឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្តផងដែរ ។ ជនសង្ស័យ និងវត្ថុតាងត្រូវបានកម្លាំងការិយាល័យប្រឆាំងគ្រឿងញៀ.នកងរាជអាវុធហត្ថខេត្តបញ្ជូនទៅសាលាដំបូងខេត្តហើយនៅរសៀលថ្ងៃទី២០ ខែមិថុនា ឆ្នាំ២០២២នេះ ៕
ចែករំលែកព័តមាននេះ