កាមេរ៉ាសុវត្ថិភាព ៖ សោកនាដកម្មដ៏រន្ធត់ ស្លា.ប់ក្មេង-ចាស់៥នាក់ នៅស្រុកមោងឫស្សី
ខេត្តបាត់ដំបង ៖ យ៉ាងហោចណាស់មនុស្សប្រុស-ស្រីចំនួន៥នាក់បានស្លា.ប់ជាបន្តបន្ទាប់ ក្នុងឧប្បតិហេតុគ្រោះថ្នាក់ចរាចរណ៍ដ៏រន្ធត់មួយ
ខេត្តបាត់ដំបង ៖ យ៉ាងហោចណាស់មនុស្សប្រុស-ស្រីចំនួន៥នាក់បានស្លា.ប់ជាបន្តបន្ទាប់ ក្នុងឧប្បតិហេតុគ្រោះថ្នាក់ចរាចរណ៍ដ៏រន្ធត់មួយ
ខេត្តបាត់ដំបង ៖ យ៉ាងហោចណាស់មនុស្សប្រុស-ស្រីចំនួន៥នាក់បានស្លាប់ជាបន្តបន្ទាប់ ក្នុងឧប្បតិហេតុគ្រោះថ្នាក់ចរាចរណ៍ដ៏រន្ធត់មួយកាលពីវេលាម៉ោង៣និង៥០នាទីរសៀលថ្ងៃទី២៤ វិច្ឆិកា លើផ្លូវជាតិលេខ៥ត្រង់ចំណុចភូមិព្រៃព្រាល ឃុំព្រៃស្វាយ ស្រុកមោងឬស្សី ដែលបង្កដោយរថយន្តបុកគ្នា ។
លោកម៉ែន បូរី នាយផ្នែកដំណោះស្រាយការិយាល័យចរាចរណ៍ជើងគោកខេត្តបានឲ្យដឹងថា ករណីគ្រោះថ្នាក់ដ៏រន្ធត់នេះគេសង្ស័យបង្កឡើងដោយរថយន្តឡិចស៊ីស ដែលរេចង្កូតទៅបុករថយន្តធំ ។ នៅក្នុងហេតុការណ៍នេះជាក់ស្ដែងគឺមានមនុស្សប្រុស-ស្រីចំនួន៤នាក់បានស្លាប់ និងស្ត្រីម្នាក់រងរបួសធ្ងន់តែក៏ត្រូវស្លាប់ពេលបញ្ជូនដល់មន្ទីរពេទ្យ ។ លោកថា ជនរងគ្រោះទាំងអស់ជិះរថយន្តម៉ាកឡិចស៊ីសRX300 ពណ៌ខ្មៅ ពាក់ផ្លាកលេខភ្នំពេញ2Q-0998 ហើយអ្នកបើកបរទំនងរបួសស្រាលបានរត់ចោលរថយន្តក្រោយកើតហេតុ ។
ដោយឡែករថយន្តម្ខាងទៀតម៉ាកហ៊ីណូដឹកទំនិញពាក់ផ្លាកលេខភ្នំពេញ3C-7509 អ្នកបើកបរមិនស្គាល់ឈ្មោះព្រោះរត់ចោលរថយន្តដែរ ។
លោកម៉ែន បូរី បញ្ជាក់ថា រថយន្តទាំង២បានបុកគ្នាពេញទំហឹងពេលកំពុងធ្វើដំណើរផ្ទុយគ្នាពីកើតទៅលិច ។
មូលហេតុដែលបង្កអោយមានសោកនាដកម្មលើផ្លូវជាតិលេខ5នេះ បើតាមកាមេរ៉ាសុវត្ថិភាពរបស់ស្ថានីយ៍ប្រេងឥទ្ធនៈTELA ដែលនៅទុលមុខកន្លែងកើតហេតុបានបង្ហាញអោយឃើញថា ៖ មានរថយន្តម៉ាកតូរីសមួយគ្រឿងបានបើកវ៉ា រ៉ឺម៉កម៉ូតូ ស្របពេលដែលរថយន្តឡិចស៊ីសបើកមកពីខាងកើតឆ្ពោះទៅលិចយ៉ាងលឿន ក៏បានព្យាយាមវ៉ារថយន្តតួរីសថែមទៀត ពេលមកដល់ចំនុចកើតហេតុ ស្រាប់តែបុកជាមួយរថយន្តធុនធ្ងន់ទាំងកំរោលតែម្ដង ខណៈកំពុងធ្វើដំណើរបញ្ច្រាសទិសគ្នា ។
សាក្សីនៅទីនោះបាននិយាយថា អ្នកជិះក្នុងរថយន្តឡិចស៊ីសទាំងអស់បានស្លាប់ តែអ្នកបើកបររបួសតិចតូចទេ និងបានព្យាយាមរត់គេចខ្លួនបាត់មុនពេលសមត្ថកិច្ចទៅដល់ ។ អ្នកភូមិ និងសមត្ថកិច្ចបានជួយគាស់យកសាកសពជនរងគ្រោះចេញពីរថយន្តភ្លាមៗដែរ ។ គេសង្ស័យរថយន្តឡិចស៊ីសនោះជារថយន្តរត់តាក់ស៊ី ព្រោះអ្នកដំណើរទាំងនោះហាក់មិនមែនជាសាច់ញាតិនឹងគ្នានោះទេ ។
លោកម៉ែន បូរី នាយផ្នែកដំណោះស្រាយ ការិយាល័យចរាចរណ៍បាននិយាយថា សមត្ថកិច្ចកំពុងទំនាក់ទំនងក្រុមគ្រួសារជនរងគ្រោះ ដើម្បីឲ្យមកទទូលសាកសព និងកំពុងធ្វើការវាស់វែងកន្លែងកើតហេតុ ៕
ចែករំលែកព័តមាននេះ