ខេត្តកំពត ៖ បន្ទាប់ពីមានការចុះផ្សាយលើគេហទំព័រកោះសន្តិភាពរួចមក ត្រូវបានលោកនាយប៉ុស្តិ៍រដ្ឋបាលសង្កាត់អណ្តូងខ្មែរប្រាប់នៅព្រឹកថ្ងៃទី២៣ វិច្ឆិកា នេះថា មានក្រុមគ្រួសារមកទាក់ទងសួររកសាកសពអនាថាម្នាក់ ដែលប្រទះឃើញក្នុងទឹកព្រែកនោះហើយ។
ប្រភពឱ្យដឹងថា សពជនរងគ្រោះឈ្មោះជិន ផាត អាយុ៥២ឆ្នាំ មានទីលំនៅភូមិព្រៃចនៀង ឃុំបានៀវ ស្រុកឈូក ខេត្តកំពត។ ជនរងគ្រោះខាងលើ មានជំងឺសរសៃប្រសាទ ត្រូវក្រុមគ្រួសារយកមកព្យាបាលនៅមន្ទីរពេទ្យបង្អែកខេត្តកំពត នៅថ្ងៃទី១៨ វិច្ឆិកា កន្លងមក ហើយគាត់បានរត់ចេញពីមន្ទីរពេទ្យបាត់ កាលពីយប់ថ្ងៃទី១៩ វិច្ឆិកា ២០១៦ ហើយក្រុមគ្រួសារតាមរកមិនឃើញទេ ។
លុះព្រឹកថ្ងៃទី២៣ ត្រូវឃើញរូបភាពសាកសពលើគេហទំព័រកោះសន្តិភាព និងប្រព័ន្ធសង្គមហ្វេសបុក ក៏មកទំនាក់ទំនងប៉ុស្តិ៍រដ្ឋបាល ដើម្បីយកអដ្ឋិធាតុទៅធ្វើបុណ្យតែម្តង ។
ចែករំលែកព័តមាននេះ