ខេត្តបន្ទាយមានជ័យ ៖ ជនរងគ្រោះទី២ នៃករណីឆ.ក់ចរន្តអគ្គិសនីនៅអាងអូរខៃដន ក្រុងប៉ោយប៉ែត ដែលបាត់ខ្លួន តាំងពីរសៀលថ្ងៃទី១៧ មិថុនានេះ បានរកឃើញហើយ ដោយក្រុមអ្នកមុជទឹកថៃ…
ខេត្តបន្ទាយមានជ័យ ៖ ជនរងគ្រោះទី២ នៃករណីឆ.ក់ចរន្តអគ្គិសនីនៅអាងអូរខៃដន ក្រុងប៉ោយប៉ែត ដែលបាត់ខ្លួន តាំងពីរសៀលថ្ងៃទី១៧ មិថុនានេះ បានរកឃើញហើយ ដោយក្រុមអ្នកមុជទឹកថៃ ម៉ោងជិត១២ថ្ងៃទី១៨ ខែមិថុនានេះ ខណៈម្នាក់ទៀតរកឃើញកាលពីល្ងាចម្សិលមិញ ។
ជនរងគ្រោះទី២ ដែលទើបនឹងរកឃើញនេះ ឈ្មោះ ឡេះ ស៊ីណាន ភេទប្រុស អាយុ២៦ឆ្នាំ ជាបុគ្គលិកកាស៊ីណូ ផ្នែកចែកបៀ និងមានទីលំនៅភូមិទំនប់ក៥ សង្កាត់ និងក្រុងប៉ោយប៉ែត ។
ជាក់ស្តែងនៅព្រឹកថ្ងៃទី១៨ ខែមិថុនានេះ នៅបន្តរុករក ខណៈជនរងគ្រោះម្នាក់រកឃើញ កាលពីល្ងាចថ្ងៃកើតហេតុ ។ ជនរងគ្រោះដែលបានរកឃើញឈ្មោះ សែម លឹម ហៀង ហៅពេជ្រ ភេទប្រុស អាយុ២០ឆ្នាំ មានទីលំនៅភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ។
សូមបញ្ជាក់ថា ៖ កាលពីម្សិលមិញមានយុវជន២នាក់សង្ស័យឆ្លងចរន្តអគ្គិសនីឆ.ក់បណ្ដាលឲ្យលិចបាត់ខ្លួនទៅក្នុងទឹក បង្កឱ្យមានការភ្ញាក់ផ្អើលនៅចំណុចអាងអូរខៃដន ស្ថិតក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ៕
សូមរំលឹក ៖ សង្ស័យឆ.ក់ចរន្តអគ្គិសនីលង់ទឹក២នាក់ រកឃើញម្នាក់ និងកំពុងបន្តរុករកម្នាក់ទៀត
ចែករំលែកព័តមាននេះ