កូនស្រីលោក កឹម សុខា រិះគន់លោក សម រង្ស៊ី
- ភ្នំពេញ
កូនស្រីរបស់លោកកឹម សុខា គឺ កឹម មនោវិទ្យា បានរិះគន់ដល់លោក សម រង្ស៊ី និងក្រុមរបស់គាត់ក្នុងស្ថានភាពនយោបាយថ្មីមួយ ដែលឈានដល់ការបែក…
កូនស្រីរបស់លោកកឹម សុខា គឺ កឹម មនោវិទ្យា បានរិះគន់ដល់លោក សម រង្ស៊ី និងក្រុមរបស់គាត់ក្នុងស្ថានភាពនយោបាយថ្មីមួយ ដែលឈានដល់ការបែក…
កូនស្រីរបស់លោកកឹម សុខា គឺ កឹម មនោវិទ្យា បានរិះគន់ដល់លោក សម រង្ស៊ី និងក្រុមរបស់គាត់ក្នុងស្ថានភាពនយោបាយថ្មីមួយ ដែលឈានដល់ការបែក បាក់ផ្ទៃក្នុងសង្គ្រោះជាតិជាស្ថាពរ ។
តាមរយៈសារដែលផុសនៅក្នុងហ្វេសប៊ុក កាលពីថ្ងៃ១៦ ខែមិថុនា កញ្ញា កឹម មនោវិទ្យា បាននិយាយថា ដោយសារលោក សម រង្សី និងក្រុមចាប់ផ្តើមមាន ទស្សនៈខុសពីលោក កឹម សុខា ចាប់តាំងពីលោកត្រូវបានជាប់ពន្ធនាគារមក ក្រុមនេះបានដើរចេញពីលោក កឹម សុខា បន្តិចម្តងៗរហូតដល់ជាផ្លូវការ នៅថ្ងៃ២៧ វិច្ឆិកា ឆ្នាំ២០២១ ជាស្ថាពរ។
កញ្ញាបានរិះគន់ដល់លោកសម រង្ស៊ី និងក្រុមរបស់គាត់ថា លោកអ្នកខ្វះសច្ចភាព ខ្វះការទទួលខុសត្រូវ មើលងាយអ្នកគាំទ្រខ្លួន ដោយមិនទទួលថា ខ្លួនជា អ្នកបោះបង់់វាយប្រហារព្យាយាមកំចាត់ និងដើរចេញពីលោក កឹម សុខា ដោយភាពឈ្នានីសគិតខ្លី ។
កញ្ញានិយាយទៀតថា យើងហ៊ានរិះគន់លោកអ្នកជាចំហរ យើងហ៊ានបង្ហាញកំហុស លោកអ្នក យើងមានសច្ចភាព យើងហ៊ាននិយាយ និងទទួលការពិត ។ ការដែលលោកអ្នកគ្មានសច្ចភាពនេះហើយ ដែលធ្វើអោយយើងចែកផ្លូវគ្នា ជាស្ថាពរ។
រូបភាពបែកបាក់គ្នានៃក្រុមសម រង្ស៊ី និងក្រុម កឹម សុខា បានចេញរូបរាង កាន់តែច្បាស់នៅពេលដែលលោក កឹម សុខា បាននិយាយនៅក្នុងតុលាការថា កឹម សុខា និងសម រង្សី លែងជាមនុស្សតែមួយទៀតហើយ ។
ទោះបីជាយ៉ាងណាក៏ដោយលោក សម រង្ស៊ី នៅតែនិយាយថា សម្ព័ន្ធភាព រវាងលោក និងលោក កឹម សុខា មិនមានអ្វីប្រែប្រួលទេ ។ នេះបើតាម សម្តីរបស់លោកក្នុងបទសម្ភាសន៍ជាមួយវិទ្យុបរទេស ។
លោក ពន្យល់ថា យុទ្ធសាស្ត្រ និងគោលដៅ គឺនៅដូចគ្នាដដែល បើទោះបីជាយុទ្ធវិធីអាចខុសគ្នាខ្លះ ៕
ចែករំលែកព័តមាននេះ