ចាប់ខ្លួនប្រុសស្រី៥នាក់ ដកហូតថ្នាំញៀនម៉ាទឹកកក៥កញ្ចប់
ខេត្តកំពង់ឆ្នាំង ៖ ជនសង្ស័យប្រុសស្រី៥នាក់ត្រូវបានកម្លាំងនគរបាលក្រុងកំពង់ឆ្នាំងសហការជាមួយកម្លាំងនគរបាលការិយាល័យប្រឆាំងគ្រឿងញៀ.នខេត្ត ធ្វើការ …
ខេត្តកំពង់ឆ្នាំង ៖ ជនសង្ស័យប្រុសស្រី៥នាក់ត្រូវបានកម្លាំងនគរបាលក្រុងកំពង់ឆ្នាំងសហការជាមួយកម្លាំងនគរបាលការិយាល័យប្រឆាំងគ្រឿងញៀនខេត្ត ធ្វើការចាប់ឃាត់ខ្លួនជាបន្តបន្ទាប់ក្នុងបទចែកចាយ ប្រើប្រាស់ និងរក្សារទុកនូវសារធាតុញៀន ។ កិច្ចប្រតិបត្តិការបង្ក្រាបនេះបានធ្វើឡើងនៅវេលាម៉ោង៦ និង៣០នាទីព្រឹក ថ្ងៃទី២០ ខែវិច្ឆិកា ឆ្នាំ២០១៦ នៅភូមិពាំងបី សង្កាត់ផ្សារឆ្នាំង ក្រុងកំពង់ឆ្នាំង ។
មន្ត្រីនគរបាលក្រុងកំពង់ឆ្នាំង បានឲ្យដឹងថា ជនសង្ស័យទាំង៥នាក់ខាងលើមាន ១-ឈ្មោះ ឡា តារា អាយុ២៨ឆ្នាំ, ២-ឈ្មោះ ក្រុង ឆេងលី ភេទស្រី អាយុ១៩ឆ្នាំ, ៣-ឈ្មោះ ឡា ចន្នី អាយុ២១ឆ្នាំ, ៤-ឈ្មោះ ជួប វឌ្ឍនៈ អាយុ១៦ឆ្នាំ និង ៥-ឈ្មោះ ភី ចាន់ថន អាយុ១៨ឆ្នាំ ពួកគេទាំង៥នាក់មានទីលំនៅភូមិ-សង្កាត់ឃាត់ខ្លួនខាងលើ ។
ប្រភពដដែលបានបន្តថា ដោយមានកិច្ចសហការល្អពីប្រជាពលរដ្ឋ សមត្ថកិច្ចក្រុងនិងខេត្តបានសហការជាគ្នាដោយមានការសម្របសម្រួលពីតំណាងអយ្យការផង បានចុះធ្វើការឆែកឆេរ និងចាប់ឃាត់ខ្លួនជនសង្ស័យខាងលើជាបន្តបន្ទាប់ ព្រមទាំងដកហូតបានវត្ថុតាងរួមមាន ថ្នាំម្សៅក្រាមពណ៌សថ្លា(ម៉ាទឹកកក)ចំនួន៥កញ្ចប់, ដាវ១ដើម, កាំបិតចុងស្រួច១, ថង់ប្លាស្ទិកសម្រាប់វេចខ្ចប់ថ្នាំញៀន១ដុំធំ និងឧបករណ៍ប្រើប្រាស់ថ្នាំញៀនមួយចំនួនទៀត ។
បច្ចុប្បន្ន ជនសង្ស័យទាំង៥នាក់ និងវត្ថុតាង ត្រូវបានសមត្ថកិច្ចកិច្ចនគរបាលកសាងសំណុំរឿងបញ្ជូនទៅតុលាការតាមនិតិវិធីច្បាប់ ៕
ចែករំលែកព័តមាននេះ