សហរដ្ឋអាមេរិក ៖ តម្លៃមាសនាពេលអនាគតនៅលើទីផ្សារ Comex របស់ New York Mercantile Exchange បានធ្លាក់ចុះកាលពីថ្ងៃសុក្រ ខណៈប្រាក់ដុល្លារអាមេរិកកាន់តែរឹងមាំ បន្ទាប់ពីការបោះឆ្នោត
សហរដ្ឋអាមេរិក ៖ តម្លៃមាសនាពេលអនាគតនៅលើទីផ្សារ Comex របស់ក្រុមហ៊ុន New York Mercantile Exchange បានធ្លាក់ចុះកាលពីថ្ងៃសុក្រ ខណៈប្រាក់ដុល្លារអាមេរិកកាន់តែរឹងមាំ បន្ទាប់ពីការបោះឆ្នោតជ្រើសរើសប្រធានាធិបតីសហរដ្ឋអាមេរិក ។
កិច្ចសន្យាសកម្មបំផុតនៃមាសសម្រាប់ចែកចាយនៅខែធ្នូ បានធ្លាក់ចុះ៤២,១ដុល្លារអាមេរិក ឬ៣,៣២% ដែលមានតម្លៃ១.២២៤,៣០ដុល្លារក្នុង១អោន ។
ការបោះឆ្នោតនៅសហរដ្ឋអាមេរិក វិនិយោគិនជឿថា ប្រធានាធិបតីជាប់ឆ្នោត លោក Donald Trump នឹងកាត់បន្ថយពន្ធលើប្រាក់ចំណូល និងពន្ធសាជីវកម្ម ដែលក្រុមហ៊ុនសហរដ្ឋអាមេរិកជាច្រើននឹងរីករាយជាមួយប្រាក់ចំណេញបន្ថែមទៀតក្នុងរយៈពេលប៉ុន្មានឆ្នាំខាងមុខ ។ ដូច្នេះ វាបានគាំទ្រដល់ប្រាក់ដុល្លារអាមេរិក ប៉ុន្តែដាក់សម្ពាធទៅលើមាស ។
សន្ទស្សន៍ប្រាក់ដុល្លារអាមេរិកបានកើនឡើង០,២៣% ។ សន្ទស្សន៍នេះជារង្វាស់នៃប្រាក់ដុល្លារធៀបជាមួយរូបិយប័ណ្ណសំខាន់មួយចំនួន។ មាស និងប្រាក់ដុល្លារ ជាធម្មតា គឺមានទិសដៅផ្ទុយគ្នា មានន័យថា ប្រសិនបើប្រាក់ដុល្លារកើនឡើង តម្លៃមាសនាពេលអនាគតនឹងធ្លាក់ចុះ ដោយសារប្រាក់ដុល្លារមានតម្លៃថ្លៃសម្រាប់វិនិយោគិន ។
រដ្ឋមន្ត្រីរតនាគារធ្វើការយ៉ាងជិតស្និទ្ធជាមួយធនាគារកណ្តាលសហរដ្ឋអាមេរិក ដែលវិនិយោគិនជាច្រើនជឿជាក់ថា ធនាគារកណ្តាលអាចនឹងបង្កើនអត្រាការប្រាក់ពី០,៥០ទៅ០,៧៥ ក្នុងអំឡុងពេលកិច្ចប្រជុំរបស់ FOMC នៅខែធ្នូ។ នេះបើតាមក្រុមហ៊ុន CME Group ។
តម្លៃមាសត្រូវបានដាក់នៅក្រោមសម្ពាធ ខណៈសាកលវិទ្យាល័យ Michigan ដែលមានមូលដ្ឋាននៅសហរដ្ឋអាមេរិកបង្ហាញថា កម្រិតសន្ទស្សន៍អតិថិជនកើនឡើង៩១,៦ ជាតួលេខមួយល្អប្រសើរជាងការរំពឹងទុក ។ ប៉ុន្តែក្រុមអ្នកវិភាគកត់សម្គាល់ថា វាបានឈានដល់កម្រិតខ្ពស់ក្នុងរយៈពេល៥ខែ ហើយទំនងជានឹងដាក់សម្ពាធបន្ថែមទៀតលើលោហៈមានតម្លៃនេះ ដែលនឹងកាត់បន្ថយតម្រូវការ ។
ចំណែកតម្លៃប្រាក់សម្រាប់ចែកចាយនៅខែធ្នូបានធ្លាក់ចុះ១,៣៥៥ដុល្លារ ឬស្មើនឹង៧,២៣% ប្រហែល១៧,៣៨២ដុល្លារក្នុង១អោន ។ តម្លៃផ្លាទីនសម្រាប់ចែកចាយនៅខែមេសា បានធ្លាក់ចុះ៣៩ដុល្លារ ឬស្មើនឹង៣,៩៧% ប្រមាណ៩៤៣,២០ដុល្លារក្នុង១អោន ៕
ចែករំលែកព័តមាននេះ