ប្រទេសមីយ៉ាន់ម៉ា ៖ ក្រុមមន្ត្រីមីយ៉ាន់ម៉ាបាននិយាយថា ម្ចាស់រោងចក្រផលិតអង្ករធំៗនឹងត្រូវបានអនុញ្ញាតឱ្យនាំចេញស្រូវនៅខែវិច្ឆិកាប៉ុណ្ណោះ ។ នេះជាការបញ្ជាក់មិនទាន់ផ្លូវការពីការិយាល័យលោកប្រធានាធិបតី ។
រដ្ឋមន្ត្រីក្រសួងពាណិជ្ជកម្ម លោក Than Myint ឱ្យដឹងថា ក្រសួងនឹងអនុញ្ញាតឱ្យនាំចេញអង្ករជាបណ្តោះអាសន្នដើម្បីទូទាត់ការចំណាយចំពោះផលិតផលរបស់កសិករ ដើម្បីប្រឆាំងនឹងតម្លៃស្រូវធ្លាក់ចុះយ៉ាងខ្លាំងក្នុងរដូវវស្សា ។
លោករដ្ឋមន្ត្រី Myat Moe Kyaw នាយករងក្រសួងពាណិជ្ជកម្ម បាននិយាយជំនួសឲ្យលេខាធិការរង លោក Khin Maung Lwin ដែលធ្វើដំណើរទៅចូលរួមសន្និសីទទាក់ទងនឹងពាណិជ្ជកម្មនៅសណ្ឋាគារហ៊ីលតុន ទីក្រុងណៃពិដោ កាលពីថ្ងៃទី៣ វិច្ឆិកាថា ក្រុមមន្ត្រីបានចាប់ផ្តើមអនុវត្តការសម្រេចចិត្តនេះហើយ។ លោកនិយាយថា ៖ «យើងនៅតែសិក្សាពីគម្រោងនាំចេញស្រូវក្នុងខែវិច្ឆិកាតែមួយគត់ ។ ក្រសួងនឹងស្វែងរកការអនុញ្ញាតពីការិយាល័យប្រធានាធិបតី ព្រមទាំងអនុសាសន៍ពីក្រសួងកសិកម្ម បសុសត្វ និងប្រព័ន្ធធារាសាស្ត្រ » ។
ជាធម្មតា រដ្ឋាភិបាលអនុញ្ញាតឲ្យមានការនាំចេញស្រូវតែក្នុងកាលៈទេសៈពិសេសប៉ុណ្ណោះ។ ក្រសួងពាណិជ្ជកម្មនិយាយថា ការនាំចេញគ្រាប់ពូជ thwel គុជខ្យងទៅកាន់ប្រទេសចិន ។ វាជាស្រូវមួយប្រភេទត្រូវបានគេអនុញ្ញាតឱ្យនាំចេញកាលពីឆ្នាំមុនក្នុងបរិមាណកំណត់ ។
ការធ្លាក់ចុះនៃតម្លៃស្រូវខ្លាំងនៅឆ្នាំនេះ បានជំរុញឱ្យមានផែនការនាំចេញដើម្បីជួយប៉ះប៉ូវលើការចំណាយផលិតផលរបស់កសិករ ។
អនុប្រធានលេខាធិការអចិន្ត្រៃយ៍ក្រសួងកសិកម្ម លោក Myo Tint Tun បានប្រាប់កាសែត The Myanmar Times ថា ៖ « ក្រសួងនឹងគាំទ្រផែនការនេះ ប្រសិនបើការប្រើប្រាស់ក្នុងស្រុកមានបរិមាណលើសតម្រូវការ ។ យើងនឹងមើលទៅលើផ្នែកផលិតកម្មនៅឆ្នាំនេះ ហើយគណនាពីផលលើស » ។
លោក Myat Moe Kyaw ឱ្យដឹងថា ក្រុមហ៊ុននាំចេញអង្ករធំជាងគេក្នុងខែតុលា នឹងទទួលបានការអនុញ្ញាតឲ្យនាំចេញ ។ យើងនឹងជ្រើសរើសក្រុមហ៊ុនទាំងនោះដោយផ្អែកលើបរិមាណនៃការនាំចេញអង្ករ និងស្ថិរភាពហិរញ្ញវត្ថុរបស់ពួកគេ ៕
ចែករំលែកព័តមាននេះ