ថ្ងៃនេះ SingMeng Telemedia សូមប្រកាសបើកដំណើរការមធ្យោបាយបង់ថ្លៃសេវាតាមរយៈ Wing ជាផ្លូវការ។ រាល់អតិថិជនរបស់ SingMeng គឺអាចបង់វិក្កយបត្រពាក់ព័ន្ធ(ឥតយកថ្លៃសេវា)ដោយងាយស្រួលតាមរយៈ Wing ហើយក៏ពុំចាំបាច់ត្រូវធ្វើដំណើរ ជាពិសេសមកកាន់សាលអាជីវកម្មរបស់ក្រុមហ៊ុន SingMeng ទៀតដែរ !
SingMeng Telemedia គឺជាប្រតិបត្តិករទី១ ផ្តល់សេវាអ៊ីនធើរណិត Broadband និងទូរទស្សន៍ឌីជីថលដែលមានគុណភាពល្អនៅកម្ពុជា ក្រុមហ៊ុនបានដាក់ចេញនូវផលិតផលដែលបានដំឡើងកម្រិតថ្មីទាំងស្រុង និងតម្លៃពិសេសនៅឆ្នាំនេះ ដោយទទួលបានការស្វាគមន៍យ៉ាងខ្លាំងពីសំណាក់អ្នកប្រើប្រាស់ទូទៅ! អ្នកប្រើប្រាស់លក្ខណៈគ្រួសារនៅតាមទីក្រុង ដោយគ្រាន់តែបង់ $16.99 រាល់ខែ គឺអាចទទួលបានសេវាអ៊ីនធើរណិតBroadband ខ្សែកាបអុបទិកដែលមានល្បឿនលឿន 6Mbps និងសេវាទូរទស្សន៍អន្តរកម្មឌីជីថលចំនួនមួយ។ រីឯសេវាទូរទស្សន៍ឌីជីថលសម្រាប់គ្រួសារតាមជនបទវិញ ដោយគ្រាន់តែបង់ $2 រាល់ខែ គឺអាចទស្សនាកម្មវិធីទូរទស្សន៍ដែលមានរូបភាពភ្លឺច្បាស់ចំនួន៣៥ប៉ុស្តិ៍។
SingMeng Telemedia គឺជាក្រុមហ៊ុនដំបូងគេដែលផ្តល់បណ្តាញខ្សែកាបអុបទិកទាំងស្រុងភ្ជាប់ផ្ទាល់ដល់គេហដ្ឋាន (End-to-end Full-optical Network) បណ្តាញស្នូលបានគ្របដណ្តប់ដល់២៥ខេត្ត-ក្រុងទូទាំងប្រទេស ក្រុមហ៊ុនមានផលិតផលសរុបចំនួន៤គឺ អ៊ីនធើរណិត Broadband ខ្សែកាបអុបទិកទាំងស្រុង ទូរទស្សន៍ឌីជីថលអន្តរកម្ម ទូរទស្សន៍ឌីជីថលឥតខ្សែ និងទូរទស្សន៍តាមទូរសព្ទដៃ ហើយអាជីវកម្មបានប្រតិបត្តិការជាផ្លូវការនៅទីតាំងចំនួនបី គឺរាជធានីភ្នំពេញ ខេត្តសៀមរាប និងខេត្តព្រះសីហនុ។
ចែករំលែកព័តមាននេះ