ប្រទេសអេហ្ស៊ីប ៖ រដ្ឋមន្ត្រីក្រសួងធនធានរ៉ែ និងប្រេងអេហ្ស៊ីប លោក Tarak El-Molla បានឱ្យដឹងកាលពីថ្ងៃអង្គារថា ការសម្រេចចិត្តរបស់ប្រទេសលោក ក្នុងការធ្វើឲ្យលុយផោនស្វែងរកអត្រាប្តូរប្រាក់ដោយខ្លួនឯង
ប្រទេសអេហ្ស៊ីប ៖ រដ្ឋមន្ត្រីក្រសួងធនធានរ៉ែ និងប្រេងអេហ្ស៊ីប លោក Tarak El-Molla បានឱ្យដឹងកាលពីថ្ងៃអង្គារថា ការសម្រេចចិត្តរបស់ប្រទេសលោក ក្នុងការធ្វើឲ្យលុយផោនស្វែងរកអត្រាប្តូរប្រាក់ដោយខ្លួនឯងនៅលើទីផ្សារអន្តរជាតិ នឹងជួយឲ្យអារ៉ាប់ដែលមានប្រជាជនច្រើនបំផុតក្លាយជាប្រទេសនាំចេញប្រេង និងឧស្ម័នសុទ្ធក្នុងឆ្នាំ២០២១ ។
លោកបានប្រាប់អ្នកកាសែតក្នុងសន្និសីទប្រេងអន្ដរជាតិនៅទីក្រុង Abu Dhabi ថា ៖ « ការធ្វើឲ្យលុយផោនស្វែងរកអត្រាប្តូរប្រាក់ដោយខ្លួនឯងនៅលើទីផ្សារអន្តរជាតិនេះ គឺជាជំហានមួយល្អណាស់ ប៉ុន្តែយើងមិនទាន់ដឹងពីពេលវេលាច្បាស់លាស់សម្រាប់បង្កើនការនាំចេញប្រេងនោះទេ » ។
លោករដ្ឋមន្ត្រីបន្ថែមថា ៖ « យើងកំពុងខិតខំផ្លាស់ប្តូរខ្លួនយើងឲ្យក្លាយជាប្រទេសនាំចេញថាមពលសុទ្ធ ហើយបានកំណត់គោលដៅនៅត្រឹមឆ្នាំ២០២១ » ។
ធនាគារកណ្តាលនៃប្រទេសអេហ្ស៊ីបបានប្រកាសកាលពីថ្ងៃព្រហស្បតិ៍ អំពីការធ្លាក់ថ្លៃលុយផោនចំនួន៤៨% ដែលអនុញ្ញាតឱ្យលុយផោនស្វែងរកអត្រាប្តូរប្រាក់ដោយខ្លួនឯងក្នុងទីផ្សារហិរញ្ញវត្ថុ ដោយផ្អែកលើការផ្គត់ផ្គង់ និងតម្រូវការ ។
ប្រទេសអេហ្ស៊ីបមានគោលបំណងបង្កើនភាគហ៊ុនថាមពលកកើតឡើងវិញដូចជា ថាមពលពន្លឺព្រះអាទិត្យឲ្យបាន៣៥% នៅឆ្នាំ២០៣៥ ។
លោក El-Molla បន្ថែមទៀតថា ៖ «អេហ្ស៊ីបនឹងក្លាយជាមជ្ឈមណ្ឌលថាមពលសំខាន់មួយក្នុងមជ្ឈិមប្រទេសនាពេលអនាគត ដែលនេះគឺជាផែនការរបស់យើង » ៕
ចែករំលែកព័តមាននេះ