រាជធានីភ្នំពេញ ៖ រថយន្តកូរ៉ូឡាបើកវ៉ារថយន្តកុងតឺន័រ ធ្វើឱ្យរថយន្តកុងតឺន័របុកពីក្រោយរុញផ្ទប់នឹងរថយន្ត២គ្រឿងទៀត (បញ្ច្រាសគ្នា) សំណាងល្អ មិនបង្កឱ្យមានរងរបួសមនុស្សនោះទេ កាលពីវេលាម៉ោង១០ និង៣០នាទីយប់ថ្ងៃទី០៦ វិច្ឆិកា តាមបណ្តោយផ្លូវជាតិលេខ៤ ចំណុចភូមិអង្គកែវ សង្កាត់ចោមចៅ ខណ្ឌពោធិ៍សែនជ័យ ។
រថយន្តបង្កម៉ាកកូរ៉ូឡា ពណ៌កណ្តុរល្មែះ ពាក់ស្លាកលេខកណ្តាល 2A-4043 បើកបរក្នុងទិដៅពីកើតទៅលិច និងរថយន្តកុងតឺ
ន័រ ។ ចំណែករថយន្តរងគ្រោះមាន២គ្រឿងទៀត ម៉ាកហ្វត ពណ៌ស្ករ ពាក់ស្លាកលេខភ្នំពេញ2W,1604 ជិះគ្នា៤នាក់ក្នុងទិសដៅលិចទៅកើត និងរថយន្តមួយគ្រឿងទៀតម៉ាកឡិចស៊ីស RX300 ពណ៌.ស ពាក់ស្លាកលេខព្រះសីហនុ2A5003 ជិះគ្នា៣នាក់។
តាមប្រភពពីកន្លែងកើតហេតុឱ្យដឹងថា ខណៈមេឃភ្លៀងរលឹមស្រិចៗ គេឃើញរថយន្តកូរ៉ូឡាមួយគ្រឿង បើកបរដោយបុរសម្នាក់ក្នុងទិសដៅពីកើតទៅលិច តាមផ្លូវជាតិលេខ៤ មកដល់ចំណុចភូមិអង្គកែវ រថយន្តកូរ៉ូឡា បានព្យាយាមវ៉ារថយន្តកុងតឺន័រ២គ្រឿងបើកស្របទិសគ្នា ។ ពេលដែលវ៉ាផុតរថយន្តកុងតឺន័រមួយគ្រឿង ហើយរថយន្តកូរ៉ូឡាបន្ថយល្បឿន ធ្វើឲ្យរថយន្តកុងតឺន័រមួយគ្រឿងទៀត បើកមកតាមក្រោយបុកគូទពីក្រោយផ្ទប់នឹងរថយន្តហ្វតដែលបើកក្នុងទិសដៅបបញ្ច្រាសគ្នា បុកចំពីចំហៀងរថយន្ត
ហ្វតចំកង់ក្រោយចំហៀងខាងឆ្វេង ធ្វើឲ្យរថយន្តកូរ៉ូឡាបានវិលក្បាល១ជុំត្រឡប់ក្រោយ ជ្រុលទៅប៉ះរថយន្តឡិចស៊ីសដែលបើកមកពីក្រោយរថយន្តហ្វតខូចខាតខាងមុខ ។ ចំណែករថយន្តកូរ៉ូឡាខូចខាតស្ទើរទាំងស្រុង តែសំណាងល្អ អ្នកបើកបរមិនមានរងរបួសឡើយ។ ចំណែករថយន្តកុងតឺន័រអាងខ្លួនធំជាងមិនខូតខាតអ្វី បានបន្តដំណើររត់ដោយសុវត្ថិភាព សល់តែរថយន្ត៣គ្រឿងនៅកន្លែង ។
ក្រោយពេលឃើញហេតុ សមត្ថកិច្ចសមូលដ្ឋានបានទៅសម្រួលចរាចរណ៍កុំឱ្យកកស្ទះ និងបានទាក់ទៅជំនាញមកវាស់វែង តែម្ចាស់រថយន្តទាំង៣គ្រឿង បានសុំចរចាក្នុងនោះម្ចាស់រថយន្តហ្វតខូចខាតតិចតួចមិនទាមទារសំណងទេ ចំណែករថយន្តឡិច
ស៊ីស ត្រូវបានខាងរថយន្តកូរ៉ូឡាចេញថ្លៃជួសជុល យដើម្បីបញ្ចប់រឿង ។
ចែករំលែកព័តមាននេះ