ផ្ទះខ្យល់លោតៗ គឺជាកន្លែងសម្រាប់ក្មេងៗមួយចំនួនប្រាថ្នាចង់លេង ប៉ុន្តែវាក៏អាចជាកន្លែងមួយដ៏គ្រោះថា្នក់ដល់ពួកគេផងដែរ ។ ដូចយើងដឹងហើយថា មានក្មេងមិនតិចនាក់ទេ ដែលមកលេងនៅកន្លែងប្រភេទនេះ ហើយញើសរបស់ពួកគេក៏បានប្រឡាក់ជាមួយកៅស៊ូផ្ទះខ្យល់នោះ ដែលអាចធ្វើឱ្យមានការកកើតពពួកបាក់តេរីជាច្រើនជាប់នៅទីនោះ ។
ជាក់ស្តែង មានករណីដែលមិនគួរកើតឡើងមួយទៅលើកូនប្រុសរបស់នាង Brenda Sanderson ដែលពេលនោះ គាត់បាននាំកូនទៅចូលរួមក្នុងពិធីជប់លៀងមួយ និងឱ្យកូននាងចូលលេងនៅក្នុងផ្ទះខ្យល់លោតៗមួយនោះ។ ប៉ុន្មានថ្ងៃក្រោយមក ស្រាប់តែ កូនប្រុសនាងចាប់ផ្តើមឡើងកន្ទួលរមាស់ក្រហមពេញដៃ ។
ដោយសារតែនាងគិតថា វាគ្រាន់តែជាអាឡែហ្ស៊ីបន្តិចបន្តួចតែប៉ុណ្ណោះ ទើបនាងគ្រាន់តែលាបថ្នាំឲ្យ ។ តែស្នាមក្រហមទាំងនោះមិនបានបាត់ទៅវិញទេ ។ វាចេះតែរាលដាលទៅកន្លែងផ្សេងៗទៀត នៅលើខ្លួនរបស់កូននាង ពេលនោះទើបនាងដឹងថា ស្ថានភាពជំងឺមិនស្រួលហើយ។
ពេលនាងយកកូនទៅជួបគ្រូពេទ្យ ទើបដឹងថា កូននាងបានឆ្លងបាក់តេរីប្រភេទ Staphylococcus មានជាប់នៅនឹងកៅស៊ូរបស់ផ្ទះខ្យល់លោតៗ ។
ក្រៅពីអាចធ្វើឱ្យមានការឆ្លងបាក់តេរី វាក៏អាចធ្វើឲ្យកូនរបស់លោកអ្នកត្រូវរបួសដែរ។ ដូចនេះហើយ ចូរម្តាយឪពុកទាំងអស់ គួរតែប្រយ័ត្ន ចំពោះឱ្យទៅលេងកន្លែងទាំងនោះ ។
ចែករំលែកព័តមាននេះ