ADផ្ទាំងផ្សព្វផ្សាយពាណិជ្ជកម្ម

Picture

សំាងថ្លៃកប់ពពកនៅមានអ្នកលក់ខ្លះលួចបន្លំលីត្រ និងគុណភាពទៀត

1 ឆ្នាំ មុន

កន្លង​ទៅ​មាន​ពលរដ្ឋ​អ្នក​ប្រើប្រាស់​ប្រេងសាំង​មិន​តិច​ទេ​បាន​រអ៊ូរទាំ​ថា​អ្នកលក់​សាំង​ស៊ី​លី​ត្រ ។ ចាក់​១០​លី​ត្រ​ទំនង​មិន​គ្រប់​ចំនួន​ឡើយ ។ ពលរដ្ឋ​ខ្លះ​ថា ម៉ាស៊ីន​ចាក់​សាំង​ខ្លះ​ចេញ​តែ​ខ្យល់ ១០​លី​ត្រ​ទំនង​ចេញ​តែ​៩​លី​ត្រ ។ ទោះ​រអ៊ូ និង​សង្ស័យ​បែប​ណា…

កន្លង​ទៅ​មាន​ពលរដ្ឋ​អ្នក​ប្រើប្រាស់​ប្រេងសាំង​មិន​តិច​ទេ​បាន​រអ៊ូរទាំ​ថា​អ្នកលក់​សាំង​ស៊ី​លី​ត្រ ។ ចាក់​១០​លី​ត្រ​ទំនង​មិន​គ្រប់​ចំនួន​ឡើយ ។

ពលរដ្ឋ​ខ្លះ​ថា ម៉ាស៊ីន​ចាក់​សាំង​ខ្លះ​ចេញ​តែ​ខ្យល់ ១០​លី​ត្រ​ទំនង​ចេញ​តែ​៩​លី​ត្រ ។ ទោះ​រអ៊ូ និង​សង្ស័យ​បែប​ណា ប៉ុន្តែ​ពលរដ្ឋ​មិនដឹង​ធ្វើ​យ៉ាង​មេ្ត​ច ពីព្រោះ​វា​ទាក់ទង​បច្ចេកទេស ។ ការ​តវ៉ា​ជាមួយ​បុគ្គលិក​ចាក់​សាំង​បាន​ត្រឹម​ថា «​គ្មាន​នរណា​ស៊ីសាំង​បង​ទេ​» ។ ភាព​ស្មោះត្រង់ សីលធម៌​ជា​មធ្យោបាយ​មួយ​សំខាន់​ក្នុង​ការ​ធានា​ថា សាំង​គ្រប់​ចំណុះ មានគុណ​ភាព​តាម​ស្តង់ដារ ។ ស្មោះត្រង់ មិន​ចំណាយ​ប្រាក់ មិន​រំខាន​អាជ្ញាធរ​ឡើយ ។

ស្រប​ពេល​ដែល​ប្រេងសាំង​កំពុង​ឡើងថ្លៃ​កប់​ពពក ដោយសារ​សង្គ្រាម​រុ​ស្ស៊ី និង​អ៊ុយ​ក្រែក​នេះ អាជ្ញា​មាន​សមត្ថកិច្ច​បាន​រក​ឃើញ​កន្លែង​លក់​ប្រេងសាំង​មួយ​ចំនួន​លក់​ប្រេងសាំង​មិន​គ្រប់​ចំណុះ គុណភាព​មិន​ស្រប​តាម​ស្តង់ដារ​ជា​បន្តបន្ទាប់ ។

ជាក់ស្តែង​នៅ​ថ្ងៃ​ទី​២៣ ខែឧសភា​មុន​នេះ មន្ត្រី​អគ្គនាយកដ្ឋាន​ការពារ​អ្នក​ប្រើប្រាស់ និង​ការ​ប្រកួតប្រជែង និង​បង្ក្រាប​ការ​ក្លែងបន្លំ នៃ​ក្រសួងពាណិជ្ជកម្ម ក្នុង​ការ​ទប់ស្កាត់​អំពើ​មិន​សុចរិត និង​ការពារ​សិទ្ធិ​របស់​អ្នក​ប្រើប្រាស់​ក្នុង​វិស័យ​ធុរកិច្ច​ប្រេងឥន្ធនៈ ខេត្តកំពង់ឆ្នាំង ខេត្តពោធិ៍សាត់ ខេត្ត​ព្រះ​សីហ​នុ ខេត្តកណ្ដាល និង​ខេត្តកំពង់ស្ពឺ​បាន​នឹង​បន្ត​ចុះ​ត្រួតពិនិត្យ​ប្រេងឥន្ធនៈ​នៅ​តាម​ស្ថានីយ​/​ដេប៉ូ ដើម្បី​ស្វែងរក​ភាព​មិន​អនុលោម​ណាមួយ ចៀសវាង​ការ​កេងប្រវ័ញ្ច​ណាមួយ​ពី​អតិថិជន​ដែល​ជា​អ្នក​ប្រើប្រាស់ ។

ក្នុង​បេសកកម្ម​នេះ មន្ត្រី​ជំនាញ​បាន​រក​ឃើញ​ភាព​មិន​អនុលោម​លើ​ដេប៉ូ​ប្រេងឥន្ធនៈ​ចំនួន​៥​ទីតាំង ក្នុង​ចំណោម​២៥​ស្ថានីយ​/​ដេប៉ូ​ដែល​បាន​ត្រួតពិនិត្យ ។ ស្ថានីយ​លក់​សាំង​ល្មើស​ទាំងនោះ​ព្រម​ទទួល​ពិន័យ​អន្តរការណ៍​ពី​មន្ត្រី​ជំនាញ​ផង​ដែរ ។

ក្រៅពី​នេះ នៅ​ខេត្តកំពង់ឆ្នាំង ខេត្តកំពង់ចាម ខេត្តព្រៃវែង ខេត្តសៀមរាប ខេត្តបាត់ដំបង និង​រាជធានី​ភ្នំពេញ មន្ត្រី​ជំនាញ​ដដែល កាលពី​ថ្ងៃ​ទី​១៨​និង​១៩ ខែឧសភា ឆ្នាំ​២០២២​បាន​ចុះ​ត្រួតពិនិត្យ​អនុលោម​ភាព​តាម​ស្ថានីយ និង​ដេប៉ូ​ប្រេងឥន្ធនៈ​សរុប​ចំនួន​២៥​ទីតាំង​ក្នុង​នោះ​បាន​រក​ឃើញ​ថា មាន​ដេប៉ូ​ប្រេងឥន្ធនៈ​ចំនួន​៧​ទីតាំង​បាន​លក់​សាំង​មិន​មាន​ភាព​អនុលោម​តាម​ស្តង់ដារ ។

លទ្ធផល​ការងារ​របស់​មន្ត្រី​ជំនាញ​បង្ហាញ​ថា ការ​បន្លំ​លី​ត្រ និង​គុណភាព​ប្រេងសាំង​នៅ​កម្ពុជា​ពិតជា​មាននៅ​ក្នុង​ពេល​សាំង​កំពុង​ឡើងថ្លៃ​ខ្លាំង​នោះ ។ ចន្លោះ​ពី​ថ្ងៃ​ទី​២១ ដល់​៣១ ខែឧសភា ឆ្នាំ​២០២២ សាំង​ធម្មតា​១​លី​ត្រ តម្លៃ​៥៦០០​រៀល ដោយឡែក​ប្រេងម៉ាស៊ូត ១​លី​ត្រ តម្លៃ​៥.៤០០​រៀល បើ​តាម​ការ​ជូនដំណឹង​របស់​ក្រសួងពាណិជ្ជកម្ម ។ ចំ​បោះ​ប្រេងសាំង​ស៊ូ​ពែរ មាន​តម្លៃ ៦១៥០​រៀល​ក្នុង​មួយ​លី​ត្រ ៕

អត្ថបទសរសេរ ដោយ

កែសម្រួលដោយ