ចិន និងរុស្ស៊ីធ្វើសមយុទ្ធរួមគ្នា ចំពេលលោកចូ បៃដិន ធ្វើទស្សនកិច្ចក្នុងតំបន់
ចិន-រុស្ស៊ី ៖ សហរដ្ឋអាមេរិកបានធ្វើការរិះគន់ចំពោះការធ្វើសមយុទ្ធយោធារួមគ្នារវាងរុស្ស៊ី និងចិន
ចិន-រុស្ស៊ី ៖ សហរដ្ឋអាមេរិកបានធ្វើការរិះគន់ចំពោះការធ្វើសមយុទ្ធយោធារួមគ្នារវាងរុស្ស៊ី និងចិន
ចិន-រុស្ស៊ី ៖ សហរដ្ឋអាមេរិកបានធ្វើការរិះគន់ចំពោះការធ្វើសមយុទ្ធយោធារួមគ្នារវាងរុស្ស៊ី និងចិននៅសមុទ្រចិនខាងកើត ដោយលើកឡើងថា ទីក្រុងប៉េកាំងនៅតែប្តេជ្ញាចិត្តចំពោះភាពជាដៃគូរបស់ខ្លួនជាមួយនឹងទីក្រុងម៉ូស្កូ ទោះបីមានការឈ្លានពានរបស់រុស្ស៊ីលើអ៊ុយក្រែន។
មហាអំណាចចិន និងរុស្ស៊ីបានធ្វើសមយុទ្ធជាលើកដំបូងរបស់ពួកគេកាលពីថ្ងៃអង្គារម្សិលមិញនេះនៅសមុទ្រខាងកើត ចាប់តាំងពីរុស្ស៊ីឈ្លានពានអ៊ុយក្រែនមក ខណៈប្រធានាធិបតីអាមេរិក លោក Joe Biden កំពុងធ្វើដំណើរទស្សនៈកិច្ចនៅក្នុងតំបន់។
មន្ត្រីជាន់ខ្ពស់អាមេរិកម្នាក់និយាយថា យន្តហោះទម្លាក់គ្រាប់បែកជាច្រើនគ្រឿងបានហោះពីលើសមុទ្រជប៉ុនកាលពីថ្ងៃអង្គារ និងបានបន្តទៅភាគខាងត្បូងឆ្ពោះទៅកាន់សមុទ្រចិនខាងកើត និងសមុទ្រហ្វីលីពីន។
អ្នកនាំពាក្យក្រសួងការបរទេសអាមេរិកលោក Ned Price បាននិយាយថា «សមយុទ្ធនោះទំនងជាត្រូវបានរៀបចំយ៉ាងល្អទុកជាមុនដោយប្រទេសទាំងពីរ»។
«ការសម្រេចចិត្តរបស់ទីក្រុងប៉េកាំងក្នុងការសហការជាមួយទីក្រុងម៉ូស្កូតាមរបៀបនេះចំពេលមានការឈ្លានពានបន្ថែមលើអ៊ុយក្រែន និងការគំរា.មប្រើអាវុ.ធនុយក្លេអ៊ែរពីវិមានក្រឹមឡាំងបានបង្ហាញពីភាពជាដៃគូគ្មានដែនកំណត់ ដែលពួកគេបានពិភាក្សាគ្នានៅក្នុងសេចក្តីថ្លែងការណ៍រួមរបស់ពួកគេ»។
កាលពីដើមខែកុម្ភៈ មុនពេលមានសង្គ្រាមឈ្លានពានអ៊ុយក្រែន ចិន និងរុស្ស៊ីបានបញ្ចេញសេចក្តីថ្លែងការណ៍រួមដ៏វែងមួយ ដែលបញ្ជាក់ឡើងវិញនូវសម្ព័ន្ធភាពរបស់ពួកគេ និងបានសម្តែងការប្រឆាំងនឹងការពង្រីកខ្លួនរបស់អង្គការណាតូ៕ (យោងតាមប្រភព៖ Aljazeera)
ចែករំលែកព័តមាននេះ