លោកតាអាចារ្យជិះម៉ូតូកូនស្រីទៅសុំសីល លុះចេញវិញមិនឃើញផ្អើលពេញទីធ្លាវត្ត
- សៀមរាប
មានការភ្ញាក់ផ្អើលមួយបានកើតឡើងដោយមានករណីចោរចូលលួចម៉ូតូលោកតាអាចារ្យម្នាក់នៅក្នុងទីធ្លាវត្តពួក ស្ថិតក្នុង
មានការភ្ញាក់ផ្អើលមួយបានកើតឡើងដោយមានករណីចោរចូលលួចម៉ូតូលោកតាអាចារ្យម្នាក់នៅក្នុងទីធ្លាវត្តពួក ស្ថិតក្នុង
ខេត្តសៀមរាប ៖ បើតាមសេចក្តីរាយការណ៍បឋមបានឲ្យដឹងថា មានការភ្ញាក់ផ្អើលមួយបានកើតឡើងកាលពីវេលាម៉ោង៥ទៀបភ្លឺ ថ្ងៃទី២៣ ខែឧសភា ឆ្នាំ២០២២ ដោយមានករណីចោរចូលលួចម៉ូតូលោកតាអាចារ្យម្នាក់នៅក្នុងទីធ្លាវត្តពួក ស្ថិតក្នុងភូមិកំពង់តាយ៉ង ឃុំពួក ស្រុកពួក ខេត្តសៀមរាប ខណ:ពេលលោកតាអាចារ្យបានចតម៉ូតូទុក ដើម្បីចូលទៅថ្វាយបង្គំព្រះសង្ឃសុំសីល ។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ទួន កូវ ភេទប្រុស អាយុ៧២ឆ្នាំ រស់នៅភូមិពួកចាស់ ឃុំពួក ស្រុកពួក ខេត្តសៀមរាប មុខរបរកសិករ ចំណែកម៉ូតូ១គ្រឿងដែលបាត់បង់ ម៉ាកហុងដាឌ្រីម ពណ៌ខ្មៅ ផលិតឆ្នាំ២០១៨ ពាក់ផ្លាកលេខ សៀមរាប 1AD-6663 ជាកម្មសិទ្ធិរបស់ឈ្មោះ ឡុច សាមឿន ភេទស្រី អាយុ៤២ឆ្នាំ (ត្រូវជាកូនស្រីលោកតាអាចារ្យ)។
សេចក្តីរាយការណ៍បានបន្តទៀតថា មុនពេលកើតហេតុ នៅវេលាម៉ោង៤និង៣០នាទីព្រឹកថ្ងៃខែខាងលើ លោតាអាចារ្យ ទួន កូវ បានជិះម៉ូតូកូនស្រីទៅវត្តពួក ដើម្បីសុំសីល ហើយគាត់ក៏បានទុកម៉ូតូនៅខាងលិចសាលាឆាន់ក្បែរជណ្ដើរប្រហែល២ម៉ែត្រ រួចក៏បានដកកូនសោពីម៉ូតូចេញ តែពុំបានបិទសោសុវត្ថិភាពនោះទេ ហើយលោកតាក៏បានដើរទៅសមាទានសីលនៅកន្លែងព្រះបរិនិពានទៅ។
ប្រភពដដែលបន្តថា លុះដល់វេលាម៉ោង៥ទៀបភ្លឺថ្ងៃដដែល លោកតាអាចារ្យក៏បានត្រឡប់ទៅយកម៉ូតូវិញ តែពុំឃើញនោះទេ ភ្លាមៗនោះក៏មានលោកតាម្នាក់ទៀតមានឈ្មោះ ម៉ោក ចុចុ អាយុ៥៧ឆ្នាំ ដែលទៅសុំសីលជាមួយគ្នា បានប្រាប់ថា គាត់បានឃើញជនសង្ស័យមិនស្គាល់អត្តសញ្ញាណ២នាក់ អាយុចន្លោះពី២០ឆ្នាំទៅ២៥ឆ្នាំ ជិះម៉ូតូម្នាក់មួយគ្រឿងចេញពីវត្តនេះ ដែលជនសង្ស័យទាំង២នាក់នោះ ទំនងជាចោរដែលធ្វើសកម្មភាពលួចម៉ូតូរបស់ជនរងគ្រោះនៅក្នុងវត្ត។
ក្រោយពេលមានការភ្ញាក់ផ្អើល សមត្ថកិច្ចប៉ុស្តិ៍នគរបាលរដ្ឋបាលពួក និងផ្នែកជំនាញនគរបាលយុត្តិធម៌ បានចុះទៅដល់កន្លែងកើតហេតុ និងបានធ្វើកំណត់ហេតុសាកសួរជនរងគ្រោះ ដោយកំណត់មុខសញ្ញា ដើម្បីធ្វើស្រាវជ្រាវ និងស្វែងរកចាប់ខ្លួនក្រុមចោរដែលបានលួចម៉ូតូរបស់លោកតាអាចារ្យខាងលើនោះ ៕
ចែករំលែកព័តមាននេះ