ADផ្ទាំងផ្សព្វផ្សាយពាណិជ្ជកម្ម

Picture

លោកពូ​ទី​ន ​មិនពេញ​​ចិត្តនឹង​ឈ្មោះ​មិត្ត​ប្រុស​របស់​កូនស្រី​ខ្លួន

1 ខែ មុន

រុ​ស្ស៊ី ៖ ខណៈ​ដែល​កងកម្លាំង​របស់​ប្រធាន​ធិ​បតី​រុ​ស្ស៊ី លោក Vladimir Putin កំពុង​តែ​ពិបាក​ខ្លាំង​ក្នុង​

រុ​ស្ស៊ី ៖ ខណៈ​ដែល​កងកម្លាំង​របស់​ប្រធាន​ធិ​បតី​រុ​ស្ស៊ី លោក Vladimir Putin កំពុង​តែ​ពិបាក​ខ្លាំង​ក្នុង​ការ​ស្វែងរក​ជ័យជម្នះ សម្រាប់​សង្គ្រាម​ឈ្លានពាន​លើ​អ៊ុយ​ក្រែ​ន​នោះ​។ ឈ្មោះ​មិត្ត​ប្រុស​កូនស្រី​របស់​គាត់​ត្រូវ​បាន​គេ​លើក​ឡើង​ថា ប្រៀប​ដូច​ជា​យក​អំបិល​មក​លាប​លើ​ស្នាម​របួស​អ៊ឹ​ចឹ​ង​។ នេះ​បើ​យោង​តាម​ប្រភព​ពី Metro ចេញផ្សាយ​កាលពី​ថ្ងៃ​ទី​១៩ ខែឧសភា កន្លង​ទៅ​។

នាង Katerina Tikhonova អាយុ​៣៥​ឆ្នាំ ដែល​ជា​កូនស្រី​ទី​២​របស់​លោកពូ​ទី​ន កំពុង​មាន​ទំនាក់ទំនង​ស្នេហា​ជាមួយ​អ្នករបាំ​បា​ឡេ​ជនជាតិ​រុ​ស្ស៊ី ដែល​ឈ្មោះ​ថា Igor Zelensky អាយុ​៥២​ឆ្នាំ ។ ហើយ​ខណៈ​ការ​ដាក់​ទណ្ឌកម្ម​របស់​លោក​ខាងលិច​ប្រឆាំង​នឹង​នាង បាន​បញ្ឈប់​ការ​ហោះហើរ​របស់​នាង​ពី​ទីក្រុង​មូ​ស្គូ​ទៅ​កាន់​ទីក្រុង​ម៉ូ​និ​ច ប្រទេស​អា​ល្លឺ​ម៉​ង់​។ ដើម្បី​រស់នៅ​ជាមួយ​មិត្ត​ប្រុស​នាង ដែល​មាន​នាមត្រកូល​ដូច​គ្នា​នឹង​ប្រធានាធិបតី​អ៊ុយ​ក្រែ​ន លោក Voloydmyr Zelensky ។

លោក Igor Zelensky គឺជា​អ្នករបាំ​ឈានមុខ​គេ​របស់​រុ​ស្ស៊ី ហើយ​ថ្មី​ៗ​នេះ គាត់​គឺជា​អ្នកដឹកនាំ​កំពូល​ម្នាក់ នៅ​ឯ​ក្រុម​របាំ​បា​ឡេ​អាជីព​របស់​អា​ល្លឺ​ម៉​ង់ Bavarian State Ballet​។ អ្នក​ទាំង​២​មាន​ចំណងដៃ​កូនស្រី​ម្នាក់​ជាមួយ​គ្នា ដែល​បាន​កើត​នៅ​ឆ្នាំ ២០១៧​។

គួរ​រំលឹក​ជូន​ថា Tikhonova ដែល​ធ្លាប់​ជា​អ្នក​រាំ​កាយសម្ព័ន្ធ ដែល​ប្រែខ្លួន​ជា​អ្នក​វិទ្យាសាស្ត្រ និង​អ្នកជំនួញ​នោះ បាន​រៀប​ការ​ជាមួយ​មហាសេដ្ឋី​វ័យក្មេង​បំផុត​របស់​រុ​ស្ស៊ី លោក Kirill Shamalov អាយុ​៤០​ឆ្នាំ នៅ​ឆ្នាំ ២០១៣​។ ប៉ុន្តែ​ពួក​គេ​បាន​លែងលះ​គ្នា​ជា​ផ្លូវការ​នៅ​ដើមឆ្នាំ ២០១៨​។ គ្រា​ដែល​នាង​មាន​ទំនាក់ទំនង​ជាមួយ​លោក Igor Zelensky ៕

Picture
Picture
នាង Katerina Tikhonova
Picture
លោក Igor Zelensky
Picture
ប្រធានាធិបតីអ៊ុយក្រែន លោក Volodymyr Zelenskyy
Picture
នាង Katerina Tikhonova
Picture
លោក Igor Zelensky
Picture
លោក Igor Zelensky
Picture
នាង Katerina Tikhonova