អូស្ត្រាលីរកឃើញជំងឺអ៊ុតស្វា លើកដំបូងលើអ្នកដំណើរមកពីក្រៅប្រទេស
អូស្ត្រាលី ៖ ប្រទេសអូស្ត្រាលីនៅថ្ងៃសុក្រ ទី២០ ឧសភា នេះបានប្រកាសរកឃើញជំងឺអ៊ុតស្វា
អូស្ត្រាលី ៖ ប្រទេសអូស្ត្រាលីនៅថ្ងៃសុក្រ ទី២០ ឧសភា នេះបានប្រកាសរកឃើញជំងឺអ៊ុតស្វា
អូស្ត្រាលី ៖ ប្រទេសអូស្ត្រាលីនៅថ្ងៃសុក្រ ទី២០ ឧសភា នេះបានប្រកាសរកឃើញជំងឺអ៊ុតស្វា (moneypox) ជាលើកដំបូងលើអ្នកដំណើរម្នាក់ដែលទើបត្រឡប់មកពីប្រទេសអង់គ្លេស។
បុរសដែលមានជំងឺនេះស្ថិតក្នុងវ័យជាង ៣០ឆ្នាំ។ គាត់បានធ្វើដំណើរមកដល់ទីក្រុង Melbourne ប្រទេសអូស្ត្រាលីកាលពីថ្ងៃច័ន្ទកន្លងទៅនេះ។ នេះបើយោងតាមការបញ្ជាក់របស់នាយកដ្ឋានសុខាភិបាលនៃរដ្ឋ Victoria ខណៈដែលករណីអាចកើតមានត្រូវបានគេកំណត់ថាកើតនៅក្នុងទីក្រុង Sydney ក្នុងខ្លួនបុរសម្នាក់ដែលស្ថិតក្នុងវ័យ ៤០ឆ្នាំដែលទើបតែធ្វើដំណើរទៅកាន់អ៊ឺរ៉ុប។
បុរសទាំងពីរនាក់នេះមានអាការៈស្រាល ក្រោយត្រឡប់មកកាន់ប្រទេសអូស្ត្រាលីវិញដោយមានរោគសញ្ញាជាជំងឺអ៊ុតស្វា។
លោក Kerry Chant ប្រធានផ្នែកសុខភាពនៃរដ្ឋ New South Wales បានថ្លែងប្រាប់អ្នកសារព័ត៌មានដូច្នេះថា «វាគ្រាន់តែជាការធានាសហគមន៍ឡើងវិញប៉ុណ្ណោះ វាមិនមែនជាយន្តការនៃការរីករាលដាលដូចកូវីដ ១៩ ឬជំងឺគ្រុនផ្តាសាយធំនោះទេ»។
ករណីជំងឺអ៊ុតស្វានេះ ត្រូវបានគេរកឃើញនៅក្នុងប្រទេសមួយចំនួននៅក្នុងរយៈពេលប៉ុន្មានសប្តាហ៍ថ្មីៗនេះ រួមមាននៅអង់គ្លេស អ៊ីតាលី ប៉ទុយហ្គាល់ អេស្ប៉ាញ កាណាដា និងអាមេរិក។
ជំងឺអ៊ុតស្វា (moneypox) ដែលភាគច្រើនកើតឡើងនៅតំបន់អាហ្វ្រិចកណ្តាល និងខាងលិចគឺជាមេរោគដ៏កម្រស្រដៀងទៅនឹងជំងឺអ៊ុតស្វាយដែរ ទោះបីវាមានលក្ខណៈស្រាលជាងក៏ដោយ។ វាត្រូវបានរកឃើញលើកដំបូងនៅក្នុងប្រទេសកុងហ្គោ នៅក្នុងឆ្នាំ ១៩៧០។
រោគសញ្ញានៃជំងឺប្រភេទនេះមានដូចជា គ្រុនក្តៅ ឈឺក្បាល កន្ទួលលើស្បែកចាប់ផ្តើមនៅលើផ្ទៃមុខ និងរីករាលដាលពេញខ្លួនទាំងអស់។ មនុស្សអាចឆ្លងជំងឺប្រភេទនេះតាមរយៈការប៉ះពាល់ផ្ទាល់ជាមួយនឹងអ្នកមានមេរោគនេះ៕ (យោងតាមប្រភព៖ Reuters)
ចែករំលែកព័តមាននេះ