ជំនន់ទឹកភ្លៀងនៅបន្តលិចស្រូវប្រជាកសិករ ប៉ះពាល់៤ឃុំ មានផ្ទៃដីជាង២ពាន់ហិកតា
- បន្ទាយមានជ័យ
ជំនន់ទឹកភ្លៀងនៅបន្តជន់លិចស្រូវរបស់ប្រជាកសិករ បណ្តាលឱ្យប៉ះពាល់អស់ចំនួន៤ឃុំ ដែលមានផ្ទៃដី២.៥១៩ហិកតា នេះបើគិតរហូតមកដល់
ជំនន់ទឹកភ្លៀងនៅបន្តជន់លិចស្រូវរបស់ប្រជាកសិករ បណ្តាលឱ្យប៉ះពាល់អស់ចំនួន៤ឃុំ ដែលមានផ្ទៃដី២.៥១៩ហិកតា នេះបើគិតរហូតមកដល់
ខេត្តបន្ទាយមានជ័យ ៖ ជំនន់ទឹកភ្លៀងនៅបន្តជន់លិចស្រូវរបស់ប្រជាកសិករ បណ្តាលឱ្យប៉ះពាល់អស់ចំនួន៤ឃុំ ដែលមានផ្ទៃដី២.៥១៩ហិកតា នេះបើគិតរហូតមកដល់ថ្ងៃទី១៨ ខែឧសភា ឆ្នាំ២០២២ នៅក្នុងស្រុកមង្គលបូរី។
បើយោងតាមរបាយការណ៍រដ្ឋបាលស្រុកមង្គលបូរី បានប្រាប់ថា រហូតដល់ថ្ងៃទី១៨ ខែឧសភា ឆ្នាំ២០២២នេះ ជំនន់ទឹកភ្លៀងបានជន់លិចស្រូវរបស់ប្រជាកសិករ ធ្វើឱ្យប៉ះពាល់ដល់៤ឃុំ ដែលមានផ្ទៃដីចំនួន២.៥១៩ហិកតា ក្នុងនោះមាន ៖ ១- ឃុំរហាត់ទឹក ប៉ះពាល់ចំនួន១៣ភូមិ មានផ្ទៃដីចំនួន១.១៩០ហិកតា ២- ឃុំអូរប្រាសាទ ប៉ះពាល់៤ភូមិ មានផ្ទៃដី៦០០ហិកតា ៣- ឃុំចំណោម ប៉ះពាល់៧ភូមិ ដែលមានផ្ទៃដី៦៥០ហិកតា និង៤- ឃុំបន្ទាយនាង ប៉ះពាល់ចំនួន៣ភូមិ ដែលមានផ្ទៃដី៧៩ហិកតា។
ជំនន់ទឹកភ្លៀងដែលបានជន់លិចស្រូវរបស់ប្រជាកសិករនេះ មានរយៈពេលជិត១០ថ្ងៃមកហើយ ដែលជន់លិចដំបូងនៅឃុំរហាត់ទឹក និងឃុំអូរប្រាសាទ ហើយក៏បន្តជន់លិចឃុំចំណោម និងឃុំបន្ទាយនាង បន្តទៀត បើសិនជាភ្លៀងនៅបន្តធ្លាក់ទឹកជំនន់នៅបន្តជន់លិចស្រូវ របស់ប្រជាពលរដ្ឋតាមបណ្តាឃុំមួយចំនួនទៀត ដែលនៅជាប់ដងស្ទឹងមង្គលបូរី នៅផ្នែកខាងលើ។
ប្រជាកសិករ ក៏បានបញ្ជាក់ថា ស្រុកមង្គលបូរី រងផលប៉ះពាល់ដោយទឹកជំនន់២ទៅ៣ឆ្នាំជាប់គ្នាហើយ បណ្តាលប្រជាពលរដ្ឋរងគ្រោះលិចដំណាំស្រូវ ហើយឆ្នាំ២០២២នេះ ក៏មិនទាន់ដល់រដូវផង ក៏ត្រូវបានជំនន់ទឹកភ្លៀងជន់លិចស្រូវរបស់ប្រជាកសិកររស់នៅតាមដងស្ទឹងផ្នែកខាងលើ ដោយសារមូលហេតុក្រសួងធនធានទឹក និងឧតុនិយម បានកសាងសំណង់ពោធិ៍ដើមឃុំរហាត់ទឹក ហើយបានបិទជិតមិនអោយហូរចូលស្ទឹងផ្នែកខាងក្រោម ទើបបណ្តាលឱ្យជន់លិចស្រូវរបស់ប្រជាពលរដ្ឋរស់នៅតាមដងស្ទឹងតែម្តង។
លោក ឡាយ សុធី អនុប្រធានមន្ទីរធនធានទឹក និងឧតុនិយមខេត្តបន្ទាយមានជ័យ ក៏បានប្រាប់ផងដែរថា ក្រោយពេលមានជំនន់ទឹកភ្លៀងបានជន់លិចស្រូវប្រជាកសិករនៅស្រុកមង្គលបូរី ហើយមន្ត្រីជំនាញក៏បានបើករំដោះទឹកទៅអូរស្តាថ្មី ឱ្យធ្លាក់ទៅផ្នែកខាងក្រោម និងបើកទម្លាក់ចូលស្ទឹងសិរីសោភ័ណ ត្រូវបានរំដោះទឹកមួយចំនួនអាចស្រកជាបណ្តើៗហើយ៕
ចែករំលែកព័តមាននេះ