ខេត្តប៉ៃលិន ៖ បើតាមលោក ឆម វ៉ាន់ធី នាយការិយាល័យនគបាលព្រហ្មកំរិតធ្ងន់នៃស្នងការនគរបាលខេត្តប៉ៃលិនបានឱ្យដឹងថា បន្ទាប់ពីទទួលបាននូវពាក្យបណ្តឹងរបស់ស្ត្រីរងគ្រោះ កំលាំងបានសហការជាមួយនគរបាលខេត្តតាកែវ ធ្វើការចាប់ខ្លួនជនសង្ស័យ
ខេត្តប៉ៃលិន ៖ បើតាមលោក ឆម វ៉ាន់ធី នាយការិយាល័យនគបាលព្រហ្មកំរិតធ្ងន់នៃស្នងការនគរបាលខេត្តប៉ៃលិនបានឱ្យដឹងថា បន្ទាប់ពីទទួលបាននូវពាក្យបណ្តឹងរបស់ស្ត្រីរងគ្រោះ កំលាំងបានសហការជាមួយនគរបាលខេត្តតាកែវ ធ្វើការចាប់ខ្លួនជនសង្ស័យម្នាក់ តាមដីកាលេខ៣៤១ព.ស១៦ ចុះថ្ងៃទី២៧ តុលា ឆ្នាំ២០១៦ របស់លោកព្រះរាជអាជ្ញារង ថុល គឹមហ៊ឹង បង្គាប់ឲ្យតាមចាប់ខ្លួនក្នុងករីណីរំលោភសេពសន្ថវៈ និងប្រើហិង្សាទៅលើនារីអាយុ២៣ឆ្នាំម្នាក់ កាលពីថ្ងៃទី២៦ តុលា កន្លងទៅ រួចរត់គេចទៅស្នាក់នៅក្នុងខេត្តតាកែវ ។
លោកបន្តទៀតថា លុះនៅម៉ោង១០ និង១៥នាទីថ្ងៃទី២៩ តុលា នេះ ស្ថិតនៅចំណុចសាលារៀនអនុវិទ្យាល័យសុខ អានព្រៃធំ ស្ថិតក្នុងភូមិព្រៃធំ ឃុំពេជ្រសា ស្រុកកោះអណ្តែត ខេត្តតាកែវ កំលាំងសហការក៏បានឃាត់ខ្លួនបានជនសង្ស័យឈ្មោះសៀង សែន ភេទប្រុស អាយុ៣៧ឆ្នាំ ជាអ្នកបើកបររថយន្តឈ្នួល រស់នៅភូមិអូរច្រាកណ្តាល សង្កាត់ទួលល្វា ក្រុងប៉ៃលិន ខេត្តប៉ៃលិន ។
ចែករំលែកព័តមាននេះ