អ្នកវិភាគរុស្ស៊ីប្រាប់យោធាប្រទេសខ្លួន វាយប្រហារអង់គ្លេសឱ្យត្រឡប់ទៅយុគសម័យថ្មបំបែកវិញ
រុស្ស៊ី ៖ អ្នកវិភាគជនជាតិរុស្ស៊ីដ៏ល្បីឈ្មោះម្នាក់ បានប្រាប់យោធាប្រទេសខ្លួនឱ្យទម្លាក់គ្រាប់បែកលើ
រុស្ស៊ី ៖ អ្នកវិភាគជនជាតិរុស្ស៊ីដ៏ល្បីឈ្មោះម្នាក់ បានប្រាប់យោធាប្រទេសខ្លួនឱ្យទម្លាក់គ្រាប់បែកលើ
រុស្ស៊ី ៖ អ្នកវិភាគជនជាតិរុស្ស៊ីដ៏ល្បីឈ្មោះម្នាក់ បានប្រាប់យោធាប្រទេសខ្លួនឱ្យទម្លាក់គ្រាប់បែកលើស្ថានីយថាមពលរបស់ចក្រភពអង់គ្លេស។ ដើម្បីធ្វើឱ្យពួកគេវិលត្រឡប់ទៅរកយុគសម័យថ្មបំបែកវិញ។ នេះបើយោងតាមប្រភពពី Metro បានចេញផ្សាយកាលពីថ្ងៃទី១៧ ខែឧសភា ឆ្នាំ២០២២។
លោក Yaakov Kedmi បាននិយាយថា រុស្ស៊ីគួរតែវាយប្រហារចក្រភពអង់គ្លេសជាមួយនឹងមីស៊ីល Zircon។ ដែលជាកាំជ្រួចល្បឿនលឿនជាងសំឡេង និងមានសមត្ថភាពឈានដល់ ១០,៧៣៤គីឡូម៉ែត្រក្នុង១ម៉ោង។ ហើយគាត់ក៏បានលើកឡើងថា «Sarmat» ដែលជាកាំជ្រួចនុយក្លេអ៊ែរអន្តរទ្វីបដ៏មានឥទ្ធិពលបំផុតរបស់រុស្ស៊ី មិនសាកសមប្រើលើចក្រភពអង់គ្លេសនោះទេ។
លោក Kedmi បាននិយាយបែបមើលស្រាលយ៉ាងដូច្នេះថា «យើងមិនចាំបាច់ប្រើអាវុធធុនធំបែបនេះ សម្រាប់ចក្រភពអង់គ្លេសទាល់តែសោះ។ ការបាញ់ត្រឹមមួយ ឬមួយកន្លះចេញពីនាវាមុជទឹកជាមួយគ្រាប់មីស៊ីល Zircon គឺគ្រប់គ្រាន់ណាស់ទៅហើយ»។
អ្នកវិភាគវ័យ ៧៥ឆ្នាំរូបនេះ បានបន្តទៀតថា «ស្ថានីយ៍ថាមពលប្រហែល ៥០ ឬ ៦០ កន្លែងរបស់ចក្រភពអង់គ្លេសនឹងរលាយបាត់ត្រឹម១០នាទីប៉ុណ្ណោះ។ ១០នាទី មិនត្រូវការអ្វីបន្ថែមទៀតទេ។ ហើយពួកគេនឹងត្រឡប់ទៅយុគសម័យថ្មបំបែកវិញ»។
សុន្ទរកថារបស់លោក Yaakov Kedmi កើតឡើងយ៉ាងក្តៅគគុកឆ្លើយតបទៅនឹងវរសេនីយ៍ចូលនិវត្តន៍របស់រុស្ស៊ី លោក Mikhail Khodarenok ដែលបានព្រមានរុស្ស៊ីថា នឹងស្ថិតនៅក្នុងភាពឯកោភូមិសាស្ត្រនយោបាយពេញលេញ បន្ទាប់ពីឈ្លានពានអ៊ុយក្រែន។ ហើយគាត់ថែមទាំងបានចំអកការគំរា.មកំហែងអាវុ.ធនុយក្លេអ៊ែររបស់លោកពូទីន ដោយនិយាយថា វាមើលទៅពិតជាគួរឱ្យអស់សំណើចណាស់៕
ចែករំលែកព័តមាននេះ