លោកជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានឱ្យដឹងថា ស្ថានទូតកម្ពុជាប្រចាំសិង្ហបុរី បានអន្តរាគមន៍ជួយសង្គ្រោះនារីខ្មែរចំនួន៣នាក់ ដែលចាញ់បោកមិត្តភក្តិទៅធ្វើការជានារីខារ៉ាអូខេនៅសិង្ហបុរី ឱ្យវិលត្រឡប់មកប្រទេសកម្ពុជាវិញ ។
លោកជុំ សុន្ទរី អ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានឱ្យដឹងថា ស្ថានទូតកម្ពុជាប្រចាំសិង្ហបុរី បានអន្តរាគមន៍ជួយសង្គ្រោះនារីខ្មែរចំនួន៣នាក់ ដែលចាញ់បោកមិត្តភក្តិទៅធ្វើការជានារីខារ៉ាអូខេនៅសិង្ហបុរី ឱ្យវិលត្រឡប់មកប្រទេសកម្ពុជាវិញ ។
លោកបន្តថា នារីខ្មែរទាំង៣នាក់នេះ បានសម្រេចចិត្តទៅធ្វើការនៅសិង្ហបុរីដោយរំពឹងថា នឹងបានការងារជាអ្នកចាប់ទឹកកកនៅក្នុងក្លឹបរាំកម្សាន្ត តាមការអះអាងរបស់មិត្តភក្តិ ប៉ុន្តែនៅពេលទៅដល់សិង្ហបូរី កាលថ្ងៃទី១៤ តុលា នារីទាំង៣នាក់ទាំងនោះ ត្រូវបានគេណែនាំឲ្យធ្វើការជានារីខារ៉ាអូខេវិញ ។ បន្ទាប់មកនារីរងគ្រោះបានស្នើសុំថៅកែខារ៉ាអូខេ សុំឱ្យបញ្ជូនមកកម្ពុជាវិញ តែត្រូវបានថៅកែតម្រូវឲ្យពួកនាងសងប្រាក់ចំនួន១៥០០ដុល្លារសិង្ហបូរីលើថ្លៃសំបុត្រយន្តហោះ និងថ្លៃកន្លែងស្នាក់នៅ ដើម្បីទទួលបានលិខិតឆ្លងដែនវិញ ។
លោកជុំ សុន្ទរី បានឲ្យដឹងទៀតថា ដោយសារការចាញ់បោកបែបនេះ ទើបនារីទាំង៣នាក់ បានស្នើសុំស្ថានទូតកម្ពុជាប្រចាំសិង្ហបុរី ជួយយកលិខិតឆ្លងដែនពីថៅកែខារ៉ាអូខេ និងជួយឲ្យបានត្រឡប់មកកម្ពុជាវិញ ។
លោកបានបញ្ជាក់ថា ក្រោមកិច្ចអន្តរាគមន៍របស់ស្ថានទូត ភាគីថៅកែខារ៉ាអូខេបានយល់ព្រមប្រគល់លិខិតឆ្លងដែនទាំង៣ច្បាប់ និងទិញសំបុត្រយន្តហោះ ឱ្យយនារីខ្មែរទាំង៣នាក់នោះបានត្រឡប់មកកម្ពុជាវិញ។
ចែករំលែកព័តមាននេះ