ស៊ុយអែតនឹងបញ្ជូនអ្នកការទូតទៅចរចា ក្រោយតួកគីជំទាស់ការចូលជាសមាជិកអង្គការណាតូ
ស៊ុយអែត ៖ ស៊ុយអែតនឹងបញ្ជូនអ្នកការទូតរបស់ខ្លួនទៅកាន់ប្រទេសតួកគីដើម្បីព្យាយាមឈ្នះលើ
ស៊ុយអែត ៖ ស៊ុយអែតនឹងបញ្ជូនអ្នកការទូតរបស់ខ្លួនទៅកាន់ប្រទេសតួកគីដើម្បីព្យាយាមឈ្នះលើការជំទាស់របស់តួកគី ចំពោះផែនការរបស់ស៊ុយអែតក្នុងការចូលរួមអង្គការណាតូ។ នេះបើយោងតាមការបញ្ជាក់របស់រដ្ឋមន្ត្រីការពារជាតិស៊ុយអែតលោក Peter Hultqvist។
គណបក្សប្រជាធិបតេយ្យសង្គមដែលកំពុងកាន់អំណាចនៅស៊ុយអែត កាលពីថ្ងៃអាទិត្យ ទី១៥ ឧសភា ម្សិលមិញនេះបានប្រកាសគាំទ្រឲ្យស៊ុយអែតចូលអង្គការណាតូ និងសង្គមថាទទួលបានការចូលអង្គការណាបានឆាប់រហ័ស បន្ទាប់ពីមានការឈ្លានពានរបស់រុស្ស៊ីលើអ៊ុយក្រែន។
ចំណែកហ្វាំងឡង់ក៏បានប្រកាសថាខ្លួននឹងដាក់ពាក្យសុំចូលអង្គការណាតូផងដែរ។
ទោះយ៉ាងណា ប្រទេសតួកគីបានធ្វើឲ្យសម្ព័ន្ធមិត្តណាតូមានការភ្ញាក់ផ្អើលនៅពេលតួកគីនិយាយថា ខ្ញុំនឹងមិនពិនិត្យមើលការដាក់ពាក្យរបស់ស៊ុយអែត និងហ្វាំងឡង់ជាវិជ្ជមានឡើយ ដោយប្រធានាធិបតីតួកគីលោក Recep Tayyip Erdogan បាននិយាយថាបណ្តាលប្រទេសនៅអ៊ឺរ៉ុបខាងជើងគឺជាកន្លែងស្នាក់អាស្រ័យរបស់អង្គការភេរវករ។
រដ្ឋមន្ត្រីការពារជាតិស៊ុយអែតថ្លែងប្រាប់ប្រព័ន្ធផ្សព្វផ្សាយ SVT ដូច្នេះថា «យើងនឹងបញ្ជូនក្រុមអ្នកការទូតទៅធ្វើការពិភាក្សាគ្នា និងចរចារជាមួយនឹងតួកគី ដូច្នេះយើងអាចឃើញពីរបៀបដោះស្រាយ និងអ្វីដែលជាការពិត»។
តួកគីនិយាយថា ខ្លួនចង់អោយបណ្តាលប្រទេសន័រឌីក (Nordic countries) បញ្ឍប់ការគាំទ្រដល់ក្រុមសកម្មប្រយុទ្ធ Kurdish ដែលមានវត្តមាននៅក្នុងទឹកដីរបស់ពួកគេ និងដកបម្រាមលើការលក់អាវុ.ធមួយចំនួនដល់ប្រទេសតួកគី។
ចំណែកអង្គការណាតូ និងសហរដ្ឋអាមេរិកវិញបាននិយាយថាពួកគេមានទំនុកចិត្តថា តួកគីនឹងមិនប្រកាន់ចំពោះការចូលជាសមាជិកអង្គការណាតូរបស់ហ្វាំងឡង់ និងស៊ុយអែតឡើយ។
រាល់ការសម្រេចចិត្តលើការទទួលយកសមាជិកថ្មីរបស់អង្គការណាតូតម្រូវឲ្យមានការយល់ព្រមពីប្រទេសសមាជិកទាំងអស់ ៣០ និងសភារបស់ប្រទេសទាំងនោះ ប៉ុន្តែអ្នកការទូតនិយាយថា ប្រធានាធិបតីតួកគីនឹងរងសម្ពាធ ខណៈដែលប្រទេសហ្វាំងឡង់ និងស៊ុយអែតនឹងពង្រឹងអង្គការណាតូយ៉ាងខ្លាំងនៅសមុទ្របាល់ទិក (Baltic Sea)។
អគ្គលេខាធិការអង្គការណាតូលោក Jens Stoltenberg និយាយនៅថ្ងៃអាទិត្យម្សិលមិញថា «ខ្ញុំមានជំនឿចិត្តថា យើងនឹងអាចដោះស្រាយកង្វល់របស់តួកគីបានដែលមិនពន្យារពេលការចូលជាសមាជិក»៕ (យោងតាមប្រភព៖ Reuters)
ចែករំលែកព័តមាននេះ