ប្រមុខអង្គការណាតូថា អ៊ុយក្រែនអាចឈ្នះសង្គ្រាមប្រឆាំងរុស្ស៊ី
ណាតូ ៖ អគ្គលេខាធិការអង្គការណាតូ លោក Jens Stoltenberg បាននិយាយថា អ៊ុយក្រែនអាចឈ្នះសង្គ្រាមប្រឆាំង
ណាតូ ៖ អគ្គលេខាធិការអង្គការណាតូ លោក Jens Stoltenberg បាននិយាយថា អ៊ុយក្រែនអាចឈ្នះសង្គ្រាមប្រឆាំង
ណាតូ ៖ អគ្គលេខាធិការអង្គការណាតូ លោក Jens Stoltenberg បាននិយាយថា អ៊ុយក្រែនអាចឈ្នះសង្គ្រាមប្រឆាំងនឹងរុស្ស៊ីបាន ដោយសារប្រជាជនអ៊ុយក្រែនមានភាពក្លាហានប្រយុទ្ធការពារទឹកដីរបស់ពួកគេ។
«អ៊ុយក្រែនអាចឈ្នះសង្គ្រាមនេះបាន។ ប្រជាជនអ៊ុយក្រែនកំពុងប្រយុទ្ធការពារទឹកដីកំណើតរបស់ពួកគេដោយភាពក្លាហាន»។ នេះជាការថ្លែងរបស់លោក Jens Stoltenberg បន្ទាប់ពីកិច្ចប្រជុំអង្គការណាតូស្តីពីការចូលជាសមាជិករបស់ប្រទេសហ្វាំងឡង់ និងស៊ុយអែត។
លោកថ្លែងទៀតថា ការរុលទៅមុខរបស់កងទ័ពរុស្ស៊ីមានភាពយឺតខ្លាំង ហើយអង្គការណាតូត្រូវតែបន្តបង្កើនការគាំទ្រផ្នែកយោធារបស់ខ្លួនដល់អ៊ុយក្រែន។
«សង្គ្រាមរបស់រុស្ស៊ីនៅក្នុងប្រទេសអ៊ុយក្រែនមិនដំណើរការដូចផែនការរបស់ទីក្រុងម៉ូស្កូនោះទេ។ ពួកគេបរាជ័យក្នុងការវា.យយកទីក្រុងគៀវ។ ពួកគេដកថយចេញពីជុំវិញក្រុង Kharkiv។ ការវា.យលុកដ៏ធំរបស់ពួកគេនៅក្នុងតំបន់ Donbas បានជាប់គាំង។ រុស្ស៊ីមិនសម្រេចបានគោលដៅយុទ្ធសាស្ត្ររបស់ខ្លួននោះទេ»។
ចំណែកការវា.យតម្លៃរបស់ភ្នាក់ងារចារកម្មអង់គ្លេសបានរកឃើញថា រុស្ស៊ីបាត់បង់កងទ័ពជើងគោកចំនួន ១ភាគ ៣ដែលត្រូវបានដាក់ពង្រាយកាលពីខែកុម្ភៈ។ ការវា.យលុករបស់រុស្ស៊ីនៅតំបន់ Donbas បានធ្លាក់ចុះគួរឲ្យកត់សម្គាល់ ហើយទំនងជាមិនរីកចម្រើននោះទេក្នុងរយៈពេល ៣០ថ្ងៃខាងមុខ៕ (យោងតាមប្រភព៖ Aljazeera)
ចែករំលែកព័តមាននេះ