បុរស៣នាក់ជួបគ្រោះត្រូវមនុស្សមួយក្រុមជិត១០នាក់កា.ប់ប្លន់ផ្អើលផ្លូវ៣០ម៉ែត្រ
- ភ្នំពេញ
យុវជន៣នាក់ ជិះម៉ូតូចេញពីផ្ទះ ក្នុងគោលបំណងទៅលេងក្លឹបកំសាន្ត ហើយក៏ត្រូវជនសង្ស័យមួយក្រុមមកធ្វើសកម្មភាពកា.ប់គំរា.មប្លន់យក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជន៣នាក់ ជិះម៉ូតូចេញពីផ្ទះ ក្នុងគោលបំណងទៅលេងក្លឹបកំសាន្ត ហើយក៏ត្រូវជនសង្ស័យមួយក្រុមមកធ្វើសកម្មភាពកា.ប់គំរា.មប្លន់យកម៉ូតូទៅបានសំរេច បង្កឱ្យមានការភ្ញាក់ផ្អើលកាលពីវេលាម៉ោង៨និង២០នាទីយប់ ថ្ងៃទី១៥ ខែឧសភា ឆ្នាំ២០២២ ជិតនឹងក្រសួងកិច្ចការនារី ផ្លូវ៣០ម៉ែត្រ ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ ។
សេចក្តីរាយការណ៍បន្តថា ជនរងគ្រោះជាម្ចាស់ម៉ូតូខាងលើមានឈ្មោះ តេន ជីហៅ ភេទប្រុស អាយុ១៩ឆ្នាំ មុខរបរជាងតុទូ ស្នាក់នៅម្តុំផ្សារទួលពង្រ សង្កាត់ចោមចៅ១ ខណ្ឌពោធិសែន ។ ចំណែក២នាក់ទៀតមិនបានអោយស្គាល់អត្តសញ្ញាណនោះទេ រីឯម៉ូតូដែលជនសង្ស័យប្លន់យកទៅបាត់នោះ ម៉ាកស៊ុយសុគីនិច ពណ៌ស ពាក់ស្លាកលេខ ស្វាយរៀង 1k 2211 ។
បើតាមការរៀបរាប់របស់ជនរងគ្រោះ បានអោយដឹងថា មុនពេលកើតហេតុ ពួកគាត់មានគ្នា៣នាក់បានជិះម៉ូតូម៉ាកស៊ុយស៊ុគីនិច ពណ៌ស ចេញពីចំការដូង ខណ្ឌដង្កោ ក្នុងគោលបំណងទៅលេងនៅក្លឹបកម្សាន្តមួយកន្លែងនៅខណ្ឌសែនសុខ ដោយជិះធ្វើដំណើរតាមបណ្ដោយផ្លូវ៣០ម៉ែត្រ ក្នុងទិសដៅពីត្បូងទៅជើង លុះមកដល់កន្លែងកើតហេតុ ក៏ស្រាប់តែមានជនសង្ស័យមួយក្រុមមានគ្នាជិត១០នាក់ ជិះ៥គ្រឿងមិនចាំម៉ាក បានមកធ្វើសកម្មភាពកា.ប់គំរា.មប្លន់យកម៉ូតូ ពេលនេះពួកគេភ័យស្លន់ស្លោក៏ផ្តួលម៉ូតូចោល ហើយនាំគ្នារត់គេចខ្លួន ស្រាប់តែបក្សពួកជនសង្ស័យទាំងនោះ បាននាំគ្នាលើកយកម៉ូតូរបស់ពួកគេជិះរត់គេចខ្លួនបានអស់តែម្ដងទៅ ។
ក្រោយពេលកើតហេតុ ជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលស្ទឹងមានជ័យទី៣ ដើម្បីអោយសមត្ថកិច្ចជួយស្រាវជ្រាវរកជនសង្ស័យ និងម៉ូតូរបស់គាត់មកវិញផងដែរ៕
ចែករំលែកព័តមាននេះ