គ.ជ.ប បន្ដប្រើទឹកខ្មៅលុបមិនជ្រះចំនួន៥ម៉ឺន២ពាន់ដបសម្រាប់ដំណើរការបោះឆ្នោតឃុំ-សង្កាត់
- ភ្នំពេញ
គណៈកម្មាធិការជាតិរៀបចំការបោះឆ្នោត (គ.ជ.ប) នៅតែបន្ដរក្សាការប្រើប្រាស់ទឹកខ្មៅលុបមិនជ្រះរបស់
គណៈកម្មាធិការជាតិរៀបចំការបោះឆ្នោត (គ.ជ.ប) នៅតែបន្ដរក្សាការប្រើប្រាស់ទឹកខ្មៅលុបមិនជ្រះរបស់
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត (គ.ជ.ប) នៅតែបន្ដរក្សាការប្រើប្រាស់ទឹកខ្មៅលុបមិនជ្រះរបស់ក្រុមហ៊ុន MYSORE PAINTS &VARNISH LTD. នៃប្រទេសឥណ្ឌា សម្រាប់ប្រើដំណើការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ នាថ្ងៃទី៥ ខែមិថុនា ឆ្នាំ២០២២ ខាងមុខ។ នេះបើយោងតាមសេចក្ដីប្រកាសព័ត៌មានរបស់ គ.ជ.ប។
ក្នុងកិច្ចផ្សព្វផ្សាយជាមួយភាគីពាក់ព័ន្ធ ដើម្បីធ្វើតេស្តទឹកខៅ្មលុបមិនជ្រះ ត្រូវប្រើប្រាស់សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ កាលពីថ្ងៃទី១៣ ខែឧសភា ឆ្នាំ២០២២ នៅទីស្តីការ គ.ជ.ប ។
លោក ហ៊ែល សារ៉ាត់ សមាជិក គ.ជ.ប បានថ្លែងថា «មិនខុសពីការបោះឆ្នោតអាណត្តិមុនៗ ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នេះ គ.ជ.ប នៅតែបន្តរក្សាការប្រើប្រាស់ទឹកខ្មៅលុបមិនជ្រះ របស់ក្រុមហ៊ុន MYSORE PAINTS & VARNISH LTD. នៃប្រទេសឥណ្ឌា ដែលជាក្រុមហ៊ុនមានឯកទេសក្នុងការផលិតទឹកខៅ្ម និងធ្លាប់បានផ្គត់ផ្គង់ជូន គ.ជ.ប រៀងរាល់ការបោះឆ្នោត»។
លោកបានបញ្ជាក់ថា «គ.ជ.ប បានធ្វើការបញ្ជាការផលិតជាផ្លូវការទៅក្រុមហ៊ុន MYSORE PAINTS & VARNISH LTD. នៃប្រទេសឥណ្ឌា នូវទឹកខ្មៅលុបមិនជ្រះ កម្រិត សូលុយស្យុងប្រាក់នីត្រាត ២០% ចំនួនសរុប ៥២.០០០ដប ក្នុង១ដប ចំណុះ៧០មីលីលីត្រ ដោយដបនីមួយៗរចនារាងខ្លីជាងមុន និងមានអេប៉ុងខាងក្នុងដប ដើម្បីឲ្យអ្នកបោះឆ្នោតងាយស្រួលក្នុងការជ្រលក់ម្រាមដៃ»។
លោកបន្ដថា «ទឹកខ្មៅលុបមិនជ្រះទាំងនោះ គ.ជ.ប បែងចែកដូចជា ៖ ផ្តល់ជូនក្នុងមួយការិយាល័យបោះឆ្នោត ២ដប, បម្រុងរក្សាទុកនៅគណៈកម្មការរាជធានី-ខេត្ត រៀបចំការបោះឆ្នោត (គធ.ខប) ទាំងរាជធានី-ខេត្ត ចំនួន ៨០០ដប ដើម្បីដោះស្រាយពេលមានតម្រូវការចាំបាច់ និងរក្សាទុកនៅ គ.ជ.ប មួយចំនួន»៕
ចែករំលែកព័តមាននេះ