ADផ្ទាំងផ្សព្វផ្សាយពាណិជ្ជកម្ម

Picture

ធនធានមនុស្ស​មានការ​រីក​ចម្រើន ស្ត្រី​មានឱកាស​ច្រើន​ក្នុង​ការ​ក្លាយ​ខ្លួន​ជា​អ្នកដឹកនាំ

1 ខែ មុន
  • ភ្នំពេញ

បើ​វិស័យ​អប់រំ​បណ្តុះបណ្តាល​ធនធានមនុស្ស​របស់​កម្ពុជា​សព្វថ្ងៃ​នេះ មានការ​ប្រែប្រួល​ច្រើន​គួរ​ឲ្យ​កត់សម្គាល់ ដោយ​ចាប់ពី​កុមារ​តូច រហូត​ដល់​យុវជន យុវនារី គឺ​ទទួល​បានការ​សិក្សា​រៀនសូត្រ មាន

រាជធានី​ភ្នំពេញ ៖ បើ​វិស័យ​អប់រំ​បណ្តុះបណ្តាល​ធនធានមនុស្ស​របស់​កម្ពុជា​សព្វថ្ងៃ​នេះ មានការ​ប្រែប្រួល​ច្រើន​គួរ​ឲ្យ​កត់សម្គាល់ ដោយ​ចាប់ពី​កុមារ​តូច រហូត​ដល់​យុវជន យុវនារី គឺ​ទទួល​បានការ​សិក្សា​រៀនសូត្រ មាន​សមត្ថភាព​ពេញលេញ​ក្នុង​ការ​ជួយ​ទ្រទ្រង់​សេដ្ឋកិច្ចជាតិ ពោល​បើ​ធនធានមនុស្ស​របស់​យើង​មានការ​រីក​ចម្រើន ស្ត្រី​ក៏​មានឱកាស​ច្រើន​ក្នុង​ការ​កសាង​សមត្ថភាព​ក្លាយជា​សហគ្រិន ជា​អ្នកដឹកនាំ​ទាំង​ការងារ​នៅ​កម្រិត​មូលដ្ឋាន ក៏​ដូច​ជា​នៅ​ក្នុង​ជួរ​រាជរដ្ឋាភិបាល​។

នេះ​ជា​ការ​ថ្លែង​របស់​ឯកឧត្តម​អ៊ិ​ត សំ​ហេង ប្រធាន​ក្រុមការងារ​រាជរដ្ឋាភិបាល​ចុះ​ជួយ​មូលដ្ឋាន​ខណ្ឌ​បឹង​កេងកង និង​ខណ្ឌចំការមន នា​ឱកាស​អញ្ជើញ​សំណេះសំណាល​ជាមួយ​សមាជិកា សមាគមនារី​កម្ពុជា ដើម្បី​សន្តិភាព និង​អភិវឌ្ឍន៍ ខណ្ឌ​បឹង​កេងកង និង​ខណ្ឌចំការមន ជិត​២០០​នាក់ នា​ព្រឹក​ថ្ងៃ​ទី​១៤ ខែឧសភា ឆ្នាំ​២០២២​នេះ ។

Picture

ឯកឧត្តម​ប្រធាន បាន​គូសបញ្ជាក់​ថា សមភាព​យេ​ន​ឌ័​រ គឺជា​កត្តា​ចម្បង​ក្នុង​ការ​ធានា​នូវ​ចីរភាព សន្តិភាព និង​ការ​អភិវឌ្ឍ​។ ស្ត្រី​គឺជា​តួអង្គ​រួមចំណែក​ដ៏​សំខាន់ និង​ចាំបាច់​ក្នុង​ការ​ធានា​បាន​នូវ​សន្តិភាព បរិ​យា​ប័​ន្ត និង​និរន្តរភាព​យូរអង្វែង​នៃ​សន្តិភាព​។ សមភាព​យេ​ន​ឌ័​រ និង​បង្កើន​ភាព​អង់អាច​របស់​ស្ត្រី គឺជា​របៀបវារៈ​ដែល​រាជរដ្ឋា​ភិបាល​​កម្ពុជា ក្រោម​ការ​ដឹកនាំ​របស់ សម្តេច​តេ​ជោ ប្រមុខ​រាជរដ្ឋាភិបាល ផ្តោត​ការ​យកចិត្តទុកដាក់ និង​គាំទ្រ​យ៉ាង​ខ្លាំង ដើម្បី​ជំរុញ​ឲ្យ​ស្ត្រី​ក្លាយទៅជា​កម្លាំង​ច​លករ ក្នុង​ការ​រួមចំណែក​យ៉ាង​សកម្ម​ក្នុង​កិច្ច​អភិវឌ្ឍន៍ និង​ក្លាយជា​ឆ្អឹងខ្នង​ដ៏​រឹង​មាំ​នៃ​សេដ្ឋកិច្ច និង​សង្គម​ជាតិ​។ យុទ្ធសាស្ត្រ​ចតុកោណ​ដំណាក់កាល​ទី​៤ ដើម្បី​កំណើន​ការងារ សម​ធ៌​ម និង​ប្រសិទ្ធភាព ផែនការ​យុទ្ធ​សា្ត​ស្ត្រ​អភិវឌ្ឍន៍​ជាតិ ឆ្នាំ​២០១៩-២០៣០ និង​គោលដៅ​អភិវឌ្ឍន៍​ប្រកបដោយ​ចីរភាព​របស់​កម្ពុជា បាន​ដាក់​ចេញ​នូវ​ការងារ​លើកកម្ពស់​សមភាព​យេ​ន​ឌ័​រ ការ​ពង្រឹង​ភាព​អង់អាច​ដល់​ស្ត្រី និង​ក្មេង​ស្រី​។

Picture

ឯកឧត្តម​បាន​បញ្ជាក់​បន្ថែម​ថា រាជរដ្ឋាភិបាល​កម្ពុជា បាន​ដឹកនាំ​ប្រទេស​ជាតិ ឲ្យ​មានការ​អភិវឌ្ឍ​រីក​ចម្រើន ប្រជាជន​រស់នៅ​យ៉ាង​សុខសាន្ត​ក្រោម​ម្លប់​សន្តិភាព បើ​គ្មាន​សន្តិភាព​ក៏​មិន​មាន​អ្វី​ដល់​សព្វ​ថ្ងៃនេះ​ដែរ​។ ស្ត្រី​ទទួល​បាន​ផលប្រយោជន៍​ពី​ផ្លែផ្កា​នៃ​សន្តិភាព ផ្តើម​ពី​សន្តិភាព​នេះ សេដ្ឋកិច្ច​កម្ពុជា មាន​កំណើន​៧​ភាគរយ​ក្នុង​មួយ​ឆ្នាំ បង្ក​លក្ខណៈ​ដល់​ការ​វិនិយោគ​ទៅ​លើ​ហេដ្ឋារចនាសម្ព័ន្ធ​រូប​វន្ត​សំខាន់​ៗ​របស់​ជាតិ​។

ឯកឧត្តម​លើក​ឡើង​បន្ត​ថា រាជរដ្ឋាភិបាល​កម្ពុជា​បាន​រៀបចំ​ឲ្យ​មាន​ប្រព័ន្ធ​គាំពារ​សង្គម ជួយ​ទាំង​មន្ត្រីរាជការ បុគ្គលិក​វិស័យ​ឯកជន និង​ប្រជាពលរដ្ឋ ដោយ​សម្រួលការ​លំបាក​របស់​ពួក​គាត់​បាន​មួយ​កម្រិត​។ ឆ្លងកាត់​វាល​ដ៏​លំបាក​មួយទៀត សម្រាប់​យើង​ទាំងអស់​គ្នា​ដែរ​នោះ គឺ​យើង​មានភ័ព្វ​សំណាង​ណាស់ ដែល​មាន​ថ្នាក់ដឹកនាំ​ប្រទេស ពោរពេញ​ដោយ​សមត្ថភាព ឈ្លាសវៃ ប៉ិន​ប្រសប់ បាន​ប្រែក្លាយ​ស្ថានភាព​ដ៏​ស្មុគស្មាញ​នៃ​ការ​ឆ្លង​រាលដាល​នៃ​ជំងឺ​កូ​វី​ដ​-១៩ ពី​ការ​បិទ​ប្រទេស អាច​មាន​លទ្ធភាព​បើក​ប្រទេស​ឡើង​វិញ គ្រប់​វិស័យ​ទាំងអស់​បាន​ដំណើរការ​ជា​ប្រក្រតី ពលរដ្ឋ​មានឱកាស​ប្រកប​អាជីវកម្ម រក​ទទួលទាន​បាន​ដូច​ធម្មតា គ្រាន់តែ​ប្រកាន់​ភ្ជាប់​នូវ​ការ​ការពារ​ខ្លួន និង​រៀន​រស់​ជាមួយ​កូ​វី​ដ​-១៩​។

Picture

នៅ​ក្នុង​ដំណាក់កាល​នៃ​ការ​ឆ្លង​រាលដាល​នៃ​ជំងឺ​កូ​វី​ដ​-១៩​នេះ​ដែរ ឯកឧត្តម​ប្រធាន ក៏​បាន​កោតសរសើរ​ដល់​អាជ្ញាធរ​មូលដ្ឋាន និង​សមាគមនារី ដែល​ហ៊ាន​លះបង់​កម្លាំងកាយ​ចិត្ត​ប្រយុទ្ធ​ទប់ទល់​ជាមួយ​សមរភូមិ​គ្មាន​រូបរាង​មួយ​នេះ រហូត​ដល់​មន្ត្រី​មូលដ្ឋាន​របស់​យើង​ខ្លះ​បាន​បាត់បង់​ជីវិត​នៅ​ក្នុង​ការ​បំពេញ​តួនាទី​ការងារ​របស់​ខ្លួន​ថែម​ទៀត​។ ទាំងនេះ សបញ្ជាក់​ពី​គុណ​បំណាច់​មិន​អាច​កាត់ថ្លៃ​បាន​ចំពោះ​ការ​លះបង់​របស់​អាជ្ញាធរ ដែល​ខិតខំ​បំពេញ​កិច្ច​ការងារ ដើម្បី​ប្រជាជន និង​សង្គម​ជាតិ ។

គួរ​បញ្ជាក់​ជូន​ដែរ​ថា សមាគមនារី​កម្ពុជា ដើម្បី​សន្តិភាព និង​អភិវឌ្ឍន៍ ជា​អ្នក បន្តវេន​ពី​សមាគមនារី​សង្គ្រោះ​ជាតិ​កម្ពុជា ដែល​បាន​ចាប់បដិសន្ធិ ឡើង​តាំងពី​ថ្ងៃ​២ ធ្នូ ឆ្នាំ​១៩៧៨ និង​ជា​អង្គការ​មហាជន មួយ​ស្ថិត​នៅ​ក្រោម​ការ​ដឹកនាំ​របស់​រាជរដ្ឋាភិបាល​កម្ពុជា ដែល​មាន​រចនាសម្ព័ន្ធ​តាំងពី​ថ្នាក់​កណ្តាល រាជធានី ខេត្ត ក្រុង ស្រុក ខណ្ឌ ឃុំ សង្កាត់​។

Picture

សូម​ជម្រាប​ថា សមាគមនារី​សង្គ្រោះ​ជាតិ​កម្ពុជា បាន​ចាប់កំណើត​ឡើង​ក្នុង​កាលៈទេសៈ ដែល​ប្រទេស​ជាតិ​ជួប​នូវ​គ្រោះអាសន្ន ដែល​បង្ក​ឡើង​ដោយ​របប​ប្រល័យពូជសាសន៍​។ សមាគមនារី​បាន​បំផុស​បងប្អូន​នារី​គ្រប់​ស្រទាប់វណ្ណៈ​ជា​កសិករ កម្មករ បញ្ញវន្ត ជនជាតិភាគតិច និង​នារី​នៅ​ក្រៅប្រទេស​រួម​គ្នា​ជា​កម្លាំង​ដ៏​ខ្លាំងក្លា គាំទ្រ និង​អនុវត្ត​គោលការណ៍ ១១​ខ របស់​រណសិរ្ស​សាមគ្គី​សង្គ្រោះ​ជាតិ​កម្ពុជា ក្នុង​ការ​ផ្តួលរំលំ​របប​ប្រល័យពូជសាសន៍ និង​នាំ​មក​នូវ​មហា​ជ័យ​ជំនះ​ជា​ប្រវត្តិសាស្ត្រ​នា​ថ្ងៃ​ទី​០៧ ខែមករា ឆ្នាំ​១៩៧៩​។ តួនាទី​ភារកិច្ច និង​សកម្មភាព​របស់​សមាគម​ក៏​បាន​វិវត្តន៍ និង​ប្រែប្រួល​ទៅ​តាម​កាលៈទេសៈ ស្ថានភាព​នយោបាយ​របស់​ប្រទេស​ជាតិ​៕