អ្នកនាំពាក្យក្រសួងសុខាភិបាល ផ្ញើសាររម្លឹកដល់ បុគ្គលគ្រប់រូប ដើម្បីសុខភាពល្អទាំងអស់គ្នា!
- ភ្នំពេញ
ភ្នំពេញ៖ នៅថ្ងៃទី១៤ ខែឧសភា ឆ្នាំ២០២២ នេះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នក…
ភ្នំពេញ៖ នៅថ្ងៃទី១៤ ខែឧសភា ឆ្នាំ២០២២ នេះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នក…
ភ្នំពេញ៖ នៅថ្ងៃទី១៤ ខែឧសភា ឆ្នាំ២០២២ នេះ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នក នាំពាក្យក្រសួងសុខាភិបាល បានផ្ញើសារ ក្រើនរម្លឹកដល់បុគ្គលគ្រប់រូប ដើម្បីសុខភាពល្អទាំងអស់គ្នា។
លោកស្រីវេជ្ជបណ្ឌិត ឱ វណ្ណឌីន លើកឡើងថា ជាការរំលឹកដល់បុគ្គលគ្រប់រូប ដើម្បីសុខភាពល្អទាំងអស់គ្នា៖ វាជាការគួរឱ្យគោរពស្រឡាញ់ណាស់ នៅពេលដែលឃើញមនុស្សមានសុខភាពកាន់តែល្អ និងកាន់តែ សប្បាយរីករាយជាងពេលមុនៗ ទោះបីជាមានភាពមិនច្បាស់លាស់នៃបញ្ហាប្រឈមផ្នែកសុខភាព សាធារណៈក៏ដោយ។
លោកស្រីវេជ្ជបណ្ឌិត ឱ វណ្ណឌីន លើកឡើងថា ស្ថានភាពជំងឺកូវីដ-១៩ នៅកម្ពុជា កាន់តែល្អប្រសើរឡើង ប៉ុន្តែមិនមែនមានន័យថា កូវីដ-១៩ បានផុតរលត់បាត់ទៅវិញនោះទេ។ លោកអ្នក អាចឆ្លងឡើងវិញ បានគ្រប់ពេលវេលា ប្រសិនបើលោកអ្នកមិនបន្តអាកប្បកិរិយាការពារត្រឹមត្រូវរបស់លោកអ្នកទេនោះ។ វ៉ាក់សាំងកូវីដ-១៩ គឺជាឧបករណ៍ដ៏មានសារ:សំខាន់មួយ ក្នុងការជួយសង្គ្រោះអាយុជីវិតមនុស្ស ដូច្នេះហើយ សូមលោកអ្នកបន្តទទួលយកវ៉ាក់សាំងដូសជំរុញរបស់លោកអ្នក (ដូសទី៣ ដូសទី៤ និងដូសបន្តបន្ទាប់ទៀត ប្រសិនបើដល់វេនរបស់លោកអ្នក) គឺជាជម្រើសដ៏ល្អប្រសើរក្នុងការបង្ការ និងរក្សាភាពស៊ាំខ្លាំងរបស់លោកអ្នក ដើម្បីប្រយុទ្ធប្រឆាំងនឹងកូដ-១៩ រួមជាមួយនឹងវិធានការផ្សេងៗទៀត និងស្ថិតនៅក្នុងភាពប្រុងប្រយ័ត្នដោយ មិនភ្លេចខ្លួន នៅក្នុងពេលកំពុងអនុវត្តដំណើរការបើកឡើងវិញនូវសង្គម និងសេដ្ឋកិច្ចប្រកបដោយនិរន្តរភាព ក្នុងជីវិតធម្មតាថ្មីរបស់យើងទាំងអស់គ្នា។ សូមរីករាយថ្ងៃចុងសប្តាហ៍ និងសម្រាកលំហែកាយជាមួយក្រុមគ្រួសារ! គោរពជូនពរលោកអ្នកទាំងអស់គ្នាមានសុខភាពល្អ និងចម្រុងចម្រើន ចៀសផុតនូវជំងឺដង្កាត់នានា។
សូមរម្លឹកថា ស្ថានភាពជំងឺកូវីដ១៩ នៅកម្ពុជា ក្នុងរយៈពេល ៨ថ្ងៃជាប់គ្នា គិតត្រឹមថ្ងៃទី១៤ ខែឧសភានេះ ពុំមានករណីឆ្លងកូវីដ១៩ ទៀតឡើយ។ ចំនួនអ្នកស្លាប់ ដោយសារតែជំងឺកូវីដ១៩ ក៏លែងមានយូរថ្ងៃមកហើយដែរ។ ប៉ុន្តែមន្ត្រីជំនាញ និងប្រមុខរាជរដ្ឋាភិបាល នៅតែលើកទឹកចិត្តឱ្យប្រជាពលរដ្ឋយើង បន្តអនុវត្តវិធានការ សុខាភិបាល ការពារខ្លួនពីការឆ្លងរាលដាលជំងឺកូវីដ១៩ និងបន្តពាក់ម៉ាស បើទោះបីជារាជរដ្ឋាភិបាល បានសម្រេចលើកលែងកាតព្វកិច្ចពាក់ម៉ាស នៅទីសាធារណៈ ក៏ដោយ។ ក្នុងនោះ ប្រជាពលរដ្ឋយើង ក៏ត្រូវទៅចាក់វ៉ាកស់ាំងបង្ការជំងឺកូវីដ១៩ ដោយមិនគិតថ្លៃ នៅតាមមណ្ឌលសុខភាព និងតាមមន្ទីរពេទ្យរដ្ឋទូទាំងប្រទេស៕
ចែករំលែកព័តមាននេះ