ភ្លៀងជាប់ៗគ្នាធ្វើឱ្យក្លាយជាជំនន់ទឹកភ្លៀង លិចស្រូវប្រជាកសិករ៣ឃុំ ជិត១ពាន់ហិកតា
- បន្ទាយមានជ័យ
ជំនន់ទឹកភ្លៀង បានបណ្តាលឱ្យប៉ះពាល់លិចស្រូវប្រជាកសិករចំនួន៣ឃុំ ជិត១ពាន់ហិកតាហើយ បើគិត
ជំនន់ទឹកភ្លៀង បានបណ្តាលឱ្យប៉ះពាល់លិចស្រូវប្រជាកសិករចំនួន៣ឃុំ ជិត១ពាន់ហិកតាហើយ បើគិត
ខេត្តបន្ទាយមានជ័យ ៖ បើតាមសេចក្តីរាយការណ៍បានឱ្យដឹងថា ជំនន់ទឹកភ្លៀង បានបណ្តាលឱ្យប៉ះពាល់លិចស្រូវប្រជាកសិករចំនួន៣ឃុំ ជិត១ពាន់ហិកតាហើយ បើគិតរហូតដល់ថ្ងៃទី១២ ខែឧសភា ឆ្នាំ២០២២នេះ ស្ថិតនៅក្នុងស្រុកមង្គលបូរី។
យោងតាមរបាយការណ៍ស្រុកមង្គលបូរីបានឱ្យដឹងថា ស្រូវបានរងផលប៉ះពាល់ ដោយសារជំនន់ទឹកភ្លៀងមានចំនួន១ពាន់ហិកតាហើយ ដែលបណ្តាលឱ្យលិចស្រូវប្រជាកសិករចំនួន៣ឃុំជាប់ដងស្ទឹងមង្គលបូរី ដូចជា ៖ ១- ឃុំរហាត់ទឹក ប៉ះពាល់ចំនួន១៣ភូមិ ដែលលិចស្រូវចំនួន៦៥៨ហិកតា, ២- ឃុំអូរប្រាសាទ ប៉ះពាល់៤ភូមិ លិចស្រូវប្រមាណជិត៤០០ហិកតា, និង៣- ឃុំសឿ មិនទាន់ប៉ះពាល់ធ្ងន់ធ្ងរនៅឡើយទេ ដោយសារតែប្រជាកសិករខ្លះកំពុងតែនាំគ្នាបូមទឹកចេញ ដើម្បីសង្គ្រោះស្រូវរបស់គាត់។
ប្រភពដដែលបន្តថា ស្រូវដែលរងផលប៉ះពាល់ខាងលើ មានដូចជា ស្រូវប្រភេទសែនក្រអូប, ស្រូវអ៊ីអ៊ាបង្កើនរដូវ និងស្រូវនាងខុន ដែលដើមរដូវ ឬស្រូវកណ្តាល ដែលត្រូវបានបង្កបង្កើនផលខ្លះបានជាង១ខែ និងខ្លះទៀតព្រួសទើបបាន១សប្តាហ៍ ហើយទើបតែដុះបាន២ទៅ៣សន្លឹក និងខ្លះទៀត ត្រូវបានព្រួសហើយ ក៏ត្រូវទឹកលិចអស់។
បើតាមប្រជាកសិករក៏បានប្រាប់ឱ្យដឹងថា ជំនន់ទឹកភ្លៀងដែលជន់លិចនេះ គឺមានរយៈពេល២ទៅ៣ថ្ងៃមកហើយ ដែលធ្វើទឹកឡើងដល់២ទៅ៣តឹក បណ្តាលឱ្យលិចស្រូវដែលទើបបង្កបង្កើនរួច ។ មូលហេតុដែលទឹកលិចស្រូវនោះ ព្រោះតែក្រសួងធនធានទឹកបានកសាងសំណង់ពោធិ៍២ដើម រួចបានបិទទឹកមិនហូរធ្លាក់ទៅស្ទឹងមង្គលបូរីផ្នែកខាងក្រោម ហើយរយៈពេលប៉ុន្មានថ្ងៃនេះ ភ្លៀងក៏ធ្លាក់ជាប់គ្នាទៀត ទើបបណ្តាលឱ្យទឹកស្ទឹងជន់ឡើងបែកចេញតាមវាលស្រែក៏លិចស្រូវប្រជាកសិករដែលជាប់ដងស្ទឹងនោះតែម្តង។
លោក រ័ត្ន ដាស៊ីណង អភិបាលស្រុកមង្គលបូរី បានប្រាប់ថា ជំនន់ទឹកភ្លៀងដែលលិចស្រូវប្រជាពលរដ្ឋនេះ លោកទើបទទួលព័ត៌មានដឹងថា លិចនៅឃុំសឿ ហើយលោកក៏អោយមន្ត្រីជំនាញ ចុះទៅពិនិត្យមើល ដើម្បីរកដំណោះស្រាយមិនអោយលិចលង់ស្រូវប្រជាកសិករ។
លោក ឡាយ សុធី អនុប្រធានមន្ទីរធនធានទឹក និងឧតុនិយមខេត្តបន្ទាយមានជ័យ បានបញ្ជាក់ដែរថា ទឹកដែលជន់លិចស្រូវប្រជាពលរដ្ឋរស់នៅជាប់ដងស្ទឹងមង្គលបូរីផ្នែកខាងលើ ដោយសារតែមូលហេតុទឹកធា្លក់ជាប់គ្នា ចំណែកក្រសួងក៏បានកសាងសំណង់ពោធិ៍២ដើមឃុំរហាត់ទឹក ហើយមន្ត្រីជំនាញក៏កំពុងរកដំណោះស្រាយ បើករំដោះទឹកមិនអោយលិចស្រូវប្រជាកសិករទេ៕
ចែករំលែកព័តមាននេះ