លឿនពេកហើយ ! បុកឡើងវិលជាច្រើនជុំ
រាជធានីភ្នំពេញ ៖ ស្ត្រីជនជាតិចិនម្នាក់បើករថយន្តយ៉ាងលឿនទៅបុករថយន្តមួយគ្រឿងទៀតដែលធ្វើដំណើរបញ្ច្រាសទិសគ្នាបណ្តាលឲ្យវិលជាច្រើនជុំឡើងលើខឿនសួនច្បារ …
រាជធានីភ្នំពេញ ៖ ស្ត្រីជនជាតិចិនម្នាក់បើករថយន្តយ៉ាងលឿនទៅបុករថយន្តមួយគ្រឿងទៀតដែលធ្វើដំណើរបញ្ច្រាសទិសគ្នាបណ្តាលឲ្យវិលជាច្រើនជុំឡើងលើខឿនសួនច្បារ …
រាជធានីភ្នំពេញ ៖ ស្ត្រីជនជាតិចិនម្នាក់បើករថយន្តយ៉ាងលឿនទៅបុករថយន្តមួយគ្រឿងទៀតដែលធ្វើដំណើរបញ្ច្រាសទិសគ្នាបណ្តាលឲ្យវិលជាច្រើនជុំឡើងលើខឿនសួនច្បារ ឯរថយន្តបង្កមិនទាន់អស់ល្បឿនបានបន្តបើកទៅមុខទៀតជាង២០០ម៉ែត្រទើបទៅមុខលែងរួចបង្កឲ្យមានការភ្ញាក់ផ្អើលកាលពីវេលាម៉ោង១រំលងអាធ្រាតឈានចូលថ្ងៃទី២៥ ខែតុលា ឆ្នាំ២០១៦ តាមបណ្តោយផ្លូវព្រះមុនីវង្ស ត្រង់ចំណុចស្តុបធនាគារកាណាឌីយ៉ា ស្ថិតក្នុងសង្កាត់មនោរម្យ ខណ្ឌ៧មករា ។
តាមសំដីអ្នកបើករថយន្តរងគ្រោះបានឲ្យដឹងថា មុនពេលកើតហេតុគាត់បើករថយន្តម៉ាកតូយ៉ូតាព្រូស ពណ៌ស ពាក់ស្លាកលេខ ភ្នំពេញ 2AD-4536 ធ្វើដំណើរតាមបណ្តោយផ្លូវព្រះមុនីវង្ស ក្នុងទិសដៅពីត្បូងទៅជើង ពេលមកដល់ស្តុបធនាគារកាណាឌីយ៉ា លោកបានបន្ថយល្បឿនដើម្បីបត់ឆ្វេង គ្រាន់តែបត់ក្បាលរថយន្តបានបន្តិចក៏ត្រូវរថយន្តបង្កម៉ាកហាយឡែនឌ័រ ពាក់ស្លាកលេខ ភ្នំពេញ 2AJ-6839 បើកដោយស្ត្រីជនជាតិចិនម្នាក់ក្នុងទិសដៅបញ្ច្រាសគ្នាបុកចំពាក់កណ្តាលរថយន្តរបស់លោកពេញទំហឹងបណ្តាលឲ្យវិលជាច្រើនជុំឡើងលើខឿនសួនច្បារ រីឯរថយន្តបង្កបានព្យាយាមបើករត់គេចតាមបណ្តោយផ្លូវព្រះមុនីវង្សក្នុងទិសដៅពីជើងទៅត្បូងបញ្ច្រាសទិសដៅចរាចរណ៍បាន២០០ម៉ែត្រ ទើបឃាត់ជាប់ទាំងអ្នកបើកបរនៅហ្នឹងកន្លែង ។
ប្រភពដដែលបានបន្តទៀតថា រថយន្តបង្កបើកក្នុងល្បឿនលឿនមែនទែន ធ្វើឲ្យរូបគាត់គេចមិនទាន់ទើបបុកតែម្តងទៅ នេះសំណាងហើយដែលបើកគេចបញ្ច្រាសផ្លូវគេហើយមិនបុកគេថែមទៀតនោះ ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ធ្វើការវាស់វែង និងប្រគល់ទាំងអ្នកបើកបរ និងរថយន្តទៅការិយាល័យចរាចរណ៍ជើងគោករាជធានី ដើម្បីធ្វើការដោះស្រាយនៅពេលក្រោយ ៕
ចែករំលែកព័តមាននេះ