កម្ស.ត់ណាស់! ឈ្នះមេដាយមាសជូនជាតិ តែបែរជាបាត់បង់មនុស្សជាទីស្រលាញ់បំផុត
វៀតណាម ៖ ជារឿងដ៏សោកស្មៅបំផុតនៅក្នុងព្រឹត្តិការណ៍ស៊ីហ្គេមលើកទី៣១ បន្ទាប់ពីកីឡាការិនីចំបាប់វៀតណាម១
វៀតណាម ៖ ជារឿងដ៏សោកស្មៅបំផុតនៅក្នុងព្រឹត្តិការណ៍ស៊ីហ្គេមលើកទី៣១ បន្ទាប់ពីកីឡាការិនីចំបាប់វៀតណាម១
វៀតណាម ៖ ជារឿងដ៏សោកស្មៅបំផុតនៅក្នុងព្រឹត្តិការណ៍ស៊ីហ្គេមលើកទី៣១ បន្ទាប់ពីកីឡាការិនីចំបាប់វៀតណាម១រូប បានឈ្នះមេដាយមាសជូនជាតិមាតុភូមិ ប៉ុន្តែបែរជាត្រូវបានបាត់បង់ឪពុកជាទីស្រលាញ់របស់ខ្លួនទៅវិញ។ នេះបើយោងតាមការចេញផ្សាយពីគេហទំព័រ Trung tam Tin tuc VTV24។
កាលពីថ្ងៃទី១០ ខែឧសភា ឆ្នាំ២០២២ ក្រោយផ្តួលកីឡាការិនីហ្វីលីពីន Helen Aclopen ដើម្បីឈ្នះមេដាយមាសស៊ីហ្គេមលើវិញ្ញាសាចំបាច់ Women’s Kurash ប្រភេទទម្ងន់ ៤៨គីឡូក្រាមភ្លាម។ កីឡាការិនី To Thi Trang បានថ្លែងថា៖ «ខ្ញុំចង់ឧទ្ទិសសមិទ្ធិផលនេះ ជូនឪពុករបស់ខ្ញុំដែលកំពុងឈឺ។ កូននឹកប៉ា កូនស្រលាញ់ប៉ា។ សូមឆាប់ជាសះស្បើយនឹងបានលេងសើចជាមួយកូនស្រីរបស់ប៉ា»។
ប៉ុន្តែទោះយ៉ាងណា នៅព្រឹកថ្ងៃទី១១ ខែឧសភា កីឡាការិនីវ័យ២៣ឆ្នាំរូបនេះ បានបង្ហោះសារលើបណ្តាញសង្គមថា «ខ្ញុំស្រលាញ់ប៉ា»។ នៅពេលដែលឪពុកនាងបានទទួលអនិច្ចកម្មនាព្រឹកនោះ ដោយជំងឺថ្លើមរ៉ាំរ៉ៃជាយូរណាស់មកហើយរបស់គាត់។
មុនព្រឹត្តិការណ៍ស៊ីហ្គេមចូលមកដល់ កីឡាការិនី To Thi Trang កំពុងផ្តោតអារម្មណ៍ និងហ្វឹកហាត់ជាមួយក្រុម Kurash របស់វៀតណាម។ ឪពុកនាងបានធ្លាក់ខ្លួនឈឺធ្ងន់ធ្ងរ ហើយត្រូវបញ្ជូនទៅសង្គ្រោះបន្ទាន់។ ដោយខ្សោយថ្លើម និងតម្រងនោម ហើយត្រូវលាងឈាម។
អ្នកផ្ទះរបស់ Trang មិនបានទូរស័ព្ទប្រាប់កូនស្រីពីដំណឹងនេះឡើយ។ ព្រោះខ្លាចប៉ះពាល់ដល់ការហ្វឹកហាត់នាង។ ហើយនៅពេលនាងទូរស័ព្ទមកឪពុកវិញ។ ម្តាយនាងបានប្រាប់ថា គាត់ជាប់រវល់ហើយ និងប្រាប់កូនស្រីឱ្យខំប្រឹងយកចិត្តទុកដាក់សម្រាប់ការប្រកួត។ ខណៈថ្ងៃដែល Trang ឈ្នះមេដាយមាសជូនជាតិ។ ឪពុកនាងបានសន្លប់បាត់បង់ស្មារតីក្នុងមន្ទីរពេទ្យទៅហើយ៕
ចែករំលែកព័តមាននេះ