រាជធានីភ្នំពេញ ៖ សម្រាប់ការអភិវឌ្ឍប្រទេសជាតិឲ្យរីកចម្រើននោះ សម្តេចតេជោ ហ៊ុន សែន នាយករដ្ឋមន្ត្រីបានប្រាប់ទៅអ្នកវិភាគខ្មែរនៅក្រៅប្រទេស ពិសេសនៅអាមេរិកថា យើងមិនមែនសុទ្ធល្អបានយើងទទួល អាក្រក់ទម្លាក់កំហុសទៅអ្នកដទៃនោះទេ…
រាជធានីភ្នំពេញ ៖ សម្រាប់ការអភិវឌ្ឍប្រទេសជាតិឲ្យរីកចម្រើននោះ សម្តេចតេជោ ហ៊ុន សែន នាយករដ្ឋមន្ត្រីបានប្រាប់ទៅអ្នកវិភាគខ្មែរនៅក្រៅប្រទេស ពិសេសនៅអាមេរិកថា យើងមិនមែនសុទ្ធល្អបានយើងទទួល អាក្រក់ទម្លាក់កំហុសទៅអ្នកដទៃនោះទេ ។
យោងតាមបណ្តាញសង្គមហ្វេសប៊ុក សម្តេចតេជោ ហ៊ុន សែន អញ្ជើញជួបសន្ទនា និងទទួលទានអាហារពេលរាត្រីជាមួយក្រុមវិភាគបណ្តាញសង្គម នៅសហរដ្ឋអាមេរិក ដឹកនាំដោយលោក ម៉ក់ ហឺន និងភរិយា នៅរាត្រីថ្ងៃទី១០ ខែឧសភា ឆ្នាំ២០២២ ។
ក្នុងជំនួបគ្នានោះ សម្តេចតេជោ នាយករដ្ឋមន្ត្រី បានសំដែងនូវសេចក្តីនឹករលឹកជាពន់ពេកចំពោះលោកពូម៉ក់ ហឺន និងភរិយា ដ៏ដូចជា ក្រុមវិភាគសង្គមទាំងអស់ ដែលរស់នៅសហរដ្ឋអាមេរិក និងដែលបានតាមដានជាប់ជាប្រចាំចំពោះសភាពការនយោបាយ សេដ្ឋកិច្ច និងការអភិវឌ្ឍប្រទេសកម្ពុជាឡើងវិញពីសម័យកាលមួយទៅកាន់សម័យកាលមួយ ពិសេសក្រោយពេលដែលកម្ពុជាបានបញ្ចប់សង្គ្រាមទាំងស្រុង ក្រោមការដាក់ចេញនូវនយោបាយឈ្នះ ឈ្នះ របស់សម្តេចតេជោ នាយករដ្ឋមន្ត្រី ។
មគ្គទេសក៏ឯកនៃនយោបាយឈ្នះ ឈ្នះ ដែលនាំកម្ពុជាខ្ពស់មុខ ខ្ពស់មាត់ ស្មើសិទ្ធស្មើភាពជាមួយ និងបណ្តាប្រទេសទាំងអស់លើសកលលោក មិនថា ប្រទេសតូច ប្រទេសធំ មានរឺក្រនោះឡើយ ។ សម្តេចតេជោ នាយករដ្ឋមន្ត្រីបន្តថា ៖« បើទោះបីជាមិនដែលបានជួបមុខគ្នា ក៏ពិតមែន ប៉ុន្តែសម្តេចបានស្តាប់នូវរាល់សម្លេងអ្នកវិភាគទាំងអស់ ដើម្បីរូបសម្តេចបានដឹកពីអ្វីដែលជាការចង់បាន ការតិៈទានលើការដឹកនាំរបស់បុគ្គលនយោបាយ ប្រមុខរាជរដ្ឋាភិបាល ក៏ដូចជា មន្ត្រីរាជរដ្ឋាភិបាល អ្នកណាធ្វើខុស អ្នកណាល្អ អ្នកណាអាក្រក់ ព្រោះយើងមិនមែនសុទ្ធល្អបានយើងទទួល អាក្រក់ទម្លាក់កំហុសទៅអ្នកដទៃនោះប្រទេសជាតិមិនមានការរីកចំរើននោះទេ»។
នៅចំពោះមុខសម្តេចតេជោ នាយករដ្ឋមន្ត្រី លោកពូ ម៉ក់ ហឺន និង ភរិយា បានសំដែងនូវភាពក្តុកក្តួល ដោយបានជួបសម្តេចតេជោនាយករដ្ឋមន្ត្រីដោយផ្ទាល់ បើទោះបីជារូបសម្តេចមានកម្មវិធីមមាញឹកបែបណាក៏ដោយ ។ លោកពូក៏បានវាយតម្លៃខ្ពស់ពីកម្មវិធីនយោបាយ និងការដឹកនាំប្រកបដោយកិត្តិបណ្ឌិតរបស់សម្តេចតេជោ នាយករដ្ឋមន្ត្រី ដែលបានដឹកនាំជោគវាសនាអនាគតប្រទេសកម្ពុជា ឆ្លងកាត់ពីភ្នក់ភ្លើងសង្គ្រាមរបបប្រល័យពូជសាសន៍ សង្គ្រាមផ្ទៃក្នុងរហូតកម្ពុជាទទួលបានសុខសន្តិភាពយ៉ាងពេញលេញក្រោយការប្រកាសដាក់ចេញនយោបាយឈ្នះ ឈ្នះ ពិសេសការដឹកនាំ និងកសាងប្រទេសកម្ពុជាមានការរីកចំរើនក្នុងល្បឿនមួយយ៉ាងឆាប់រហ័សបំផុតមិនធ្លាប់មានពីមុនមកចាប់តាំងពីរូបលោកដឹងក្តីរហូតដល់វ័យចំណាស់ក្នុងពេលបច្ចុប្បន្ននេះ ។
បន្ទាប់មកសម្តេចតេជោ នាយករដ្ឋមន្ត្រី បានអញ្ជើញចូលរួមក្នុងពិធីទទួលទាន អាហារសាមគ្គីក្នុងលក្ខណៈមហាគ្រួសារខ្មែរជាមួយក្រុមវិភាគបណ្តាញសង្គម ដែលមានវត្តមានក្នុងពិធីសំណេះសំណាលគ្នានោះក្នុងបរិយាកាសស្និទ្ធស្នាល រ៉ាក់ទាក់ និងការគោរពស្រឡាញ់ដូចក្នុងមហាគ្រួសារខ្មែរតែមួយ ៕
ចែករំលែកព័តមាននេះ