ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ ហ៊ុន សែន ទទួលបាន​ការ​ស្វាគមន៍​យ៉ាងច្រើន​កុះករ​ពី​ប្រជាពលរដ្ឋ​ខ្មែរ រស់នៅ​សហរដ្ឋអាមេរិក

1 ខែ មុន

សហរដ្ឋអាមេរិក ៖ វត្តមាន​នៃ​ការ​អញ្ជើញ​ទ​ភ​ដល់​រដ្ឋធានី​វ៉ា​ស៊ី​ន​តោន ឌី​ស៊ី សហរដ្ឋអាមេរិក សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា…

សហរដ្ឋអាមេរិក ៖ វត្តមាន​នៃ​ការ​អញ្ជើញ​ទ​ភ​ដល់​រដ្ឋធានី​វ៉ា​ស៊ី​ន​តោន ឌី​ស៊ី សហរដ្ឋអាមេរិក សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា បាន​ទទួល​ការ​ស្វាគមន៍​យ៉ាង​កក់ក្តៅ​បំផុត ពី​ប្រជាពលរដ្ឋ​រស់នៅ​សហរដ្ឋអាមេរិក ដែល​កំពុង​រង​ចាំ​ទទួល​ស្វាគមន៍ វត្តមាន​របស់​សម្តេច​តេ​ជោ​នាយក​រដ្ឋមន្ត្រី នៅ​ពីមុខ​សណ្ឋាគារ​ស្នាក់​អាស្រ័យ ក្នុង​ទីក្រុង​វ៉ា​ស៊ី​ន​តោន ឌី​ស៊ី សហរដ្ឋអាមេរិក ។

សម្តេច​តេ​ជោ​នាយក​រដ្ឋមន្ត្រី បាន​សម្តែង​នូវ​ក្តី​រំភើប​រីករាយ​ចំពោះ​វត្តមាន ជនរួមជាតិ​កម្ពុជា ដ៏​ច្រើន​កុះករ ដែល​បាន​ចំណាយ​ពេលវេលា​ដ៏​មាន​តម្លៃ​បំផុត អញ្ជើញ​មក​រង​ចាំ និង​ទទួល​ស្វាគមន៍ ចំពោះ​វត្តមាន​របស់​សម្តេច ក្នុង​ការ​អញ្ជើញ​មក​កាន់​រដ្ឋធានី​វ៉ា​ស៊ី​ន​តោន ឌី​ស៊ី ដើម្បី​ចូលរួម​កិច្ចប្រជុំ​កំពូល​ពិសេស​អាស៊ាន​-​សហរដ្ឋអាមេរិក ក្នុង​នាម​កម្ពុជា ជា​ប្រធាន​អាស៊ាន និង​ជា​សហ​ប្រធាន នៃ​កិច្ចប្រជុំ​កំពូល​ពិសេស​អាស៊ាន សហរដ្ឋអាមេរិក ដែល​បាន​ប្រព្រឹត្តិ​ទៅ​ចំ ខួប​គម្រប់​៤៥​ឆ្នាំ នៃ​ទំនាក់ទំនង​ក្នុង​ភាព​ជា​ដៃគូ​សន្ទនា​អាស៊ាន សហរដ្ឋអាមេរិក ។

បើ​ទោះបីជា​មាន​ពេលវេលា​ខ្លី នៃ​ការ​ទទួល​បដិសណ្ឋារកិច្ច​ស្វាគមន៍​វត្តមាន នៃ​ការ​អញ្ជើញ​មក​ដល់​នោះ សម្តេច​តេ​ជោ​នាយក​រដ្ឋមន្ត្រី មាន​ប្រសាសន៍ ថ្លែង​នូវ​អំណរ​គុណ​យ៉ាង​ជ្រាលជ្រៅ​បំផុត ចំពោះ​ប្រជាពលរដ្ឋ ដែល​ជា​ជនរួមជាតិ​កម្ពុជា​ទាំងអស់ ដែល​បាន​ចំណាយ​ពេលវេលា​ដ៏​មាន​តម្លៃ​បំផុត ទោះបីជា​មក​ពី​ជិត​ឆ្ងាយ​បាន​មក​ចាំ​ទទួល និង​ស្វាគមន៍​សម្តេច​ដូច​ជា​ឪពុក ក្នុង​មហា​គ្រួសារ​ខ្មែរ​តែ​មួយ ។

សម្តេច​តេ​ជោ​មាន​ប្រសាសន៍​ទៅ​កាន់​ប្រជាពលរដ្ឋ ដែល​មាន​វត្តមាន​នា​ពេល​ទទួល​សម្តេច​ដោយ​ផ្ទាល់​ថា បើ​ទោះជា​សម្តេច​មានកម្ម​វិធី​ដ៏​មហា​ញឹក​យ៉ាងណា​ក៏​ដោយ ក៏​សម្តេច​ជ្រើសរើស​យក​វេលា​ល្ងាច ថ្ងៃ​ទី​១១ ឧសភា ស្អែក ដើម្បី​ធ្វើការ​ប្រាស្រ័យ​ទាក់ទង​ដោយ​ផ្ទាល់​ជាមួយ​ប្រជាពលរដ្ឋ ដែល​ជា​ជនរួមជាតិ​កម្ពុជា មក​ពី​គ្រប់​ទិស​ទី ក្នុង​សហរដ្ឋអាមេរិក ប្រមាណ​ជាង​១​ពាន់​នាក់ ។

សម្តេច​តេ​ជោ​បន្ត​ថា យើង​នឹង​ជួបជុំ​គ្នា​នៅ​ល្ងាច​ថ្ងៃស្អែក ថ្ងៃ​ទី​១១​ឧសភា សូម​អញ្ជើញ​បងប្អូន​ជនរួមជាតិ​ខ្មែរ​យើង អញ្ជើញ​ចូលរួម​ក្នុង​មហា​គ្រួសារ​ខ្មែរ​តែ​មួយ ៕

Picture
Picture
Picture
Picture
Picture
Picture
Picture
Picture
Picture
Picture