សារព័ត៌មាន «វ៉ាង យី ស៊ីន វ៉ើន» របស់ចិន កាលពីពេល ថ្មីៗកន្លងមកផ្សាយថា អាជ្ញាធរក្រុងជុងសាន ខេត្តក្វាងទុង ភាគខាងត្បូងប្រទេសចិន បានទូរស័ព្ទហៅគ្រូពេទ្យឱ្យទៅជួយសង្គ្រោះបុរសអាយុ៤៥ឆ្នាំម្នាក់ ដែល
សារព័ត៌មាន «វ៉ាង យី ស៊ីន វ៉ើន» របស់ចិន កាលពីពេល ថ្មីៗកន្លងមកផ្សាយថា អាជ្ញាធរក្រុងជុងសាន ខេត្តក្វាងទុង ភាគខាងត្បូងប្រទេសចិន បានទូរស័ព្ទហៅគ្រូពេទ្យឱ្យទៅជួយសង្គ្រោះបុរសអាយុ៤៥ឆ្នាំម្នាក់ ដែលដែកឆក់កៀបលិង្គជាប់ ។ បុរសនោះប្រើដែកឆក់ដើម្បីជួយបង្កើនសមត្ថភាពផ្លូវភេទ ដោយដាក់ឆក់ត្រង់បរិវេណអវយវៈភេទ ប៉ុន្តែដោយការធ្វេសប្រហែស ដែកឆក់នោះកៀបពងស្វាសមិនអាចដកបាន និងបណ្តាលឱ្យឈឺចាប់ខ្លាំង ។
បុរសនោះត្រូវគេបញ្ជូនទៅសង្គ្រោះបន្ទាន់នៅមន្ទីរពេទ្យ ។ គ្រូពេទ្យម្នាក់ឱ្យដឹងថា មិនធ្លាប់ឃើញហេតុការណ៍បែបនេះពីមុនមកទេ និងទាមទារឱ្យមានសាច់ញាតិធានាចំពោះការសង្គ្រោះបន្ទាន់របស់គ្រូពេទ្យ ។
គ្រូពេទ្យជំនាញប្រើដង្កាប់កាត់ ប៉ុន្តែមិនអាចដំណើរការបានទេ ព្រោះដង្កាប់ធំពេក ហើយដែកឆក់កៀបកាន់តែខ្លាំង ធ្វើឱ្យជនរងគ្រោះស្រែកដោយការឈឺចាប់ ។ ឃើញដូច្នេះគ្រូពេទ្យទូរស័ព្ទហៅអ្នកជំនាញក្រុមហ៊ុនផលិតដែកឆក់ទៅជួយ ហើយបានណែនាំថា គួរធ្វើឱ្យដែកឆក់បាក់ បន្តិចម្តងៗ ដើម្បីទាញលិង្គចេញ ។ គ្រូពេទ្យយល់ថា វិធីសាស្ត្រនេះហាក់ដូចជាប្រឈមនឹងគ្រោះថ្នាក់ និងធ្វើឱ្យអ្នកជំងឺឈឺចាប់ខ្លាំង ។ ទីបំផុតគ្រូពេទ្យប្រើកន្ត្រៃស្វ័យប្រវត្តិកាត់ ទើបអាចទាញអវយវៈភេទចេញបាន ។ គ្រូពេទ្យត្រួតពិនិត្យអាការរបស់បុរសនោះឃើញថា គេរងរបួសតិចតួចប៉ុណ្ណោះ ៕
ចែករំលែកព័តមាននេះ